Wegɔnévɔlenu 22:29 - Kazambale lé Sebe Sauunu 1979

²⁹ I blabozan yéé? É dan dɔ lɛ minwiinzan blɛn sɔnɔ, é ’ka dan dɔ lɛ mi pla sɔnɔ lo.

Wegɔnévɔlenu 22:29 ပူးပေါင်းရင်းမြစ်များ

Wepélisiananu 41:38

Yé Faraɔn lé é wuomunu lɛ léé: Ko mi bɛ yé bélé mi ’ko zo, ’té Bale léli a a gii?

Wepélisiananu 41:46

Jozɛfu da aan wo Éjipiti mununwiinzan blɛn Faraɔn ’lɛ, ’té a lɛɛ a yɔ do wɔlɛ vu, yé é si Faraɔn va yé é gié Éjipiti tɛrɛ faa la.

Wepélisiananu 47:6

Éjipiti tɛrɛ a i bɛ nya. Fɛ lé ana ke é zima é mini a pɔnénu ta, ’i ti valé i bwenu nyana ana ma. ’Wo nyana Gozɛn tɛrɛ la ma. Dé i gikinizannu ye wo va, ’i wo pla anlé trubɛnu nwiin.

2 Samuɛl 2:32

Wo Azaɛl sia yé wa pa é ti lé mi pana Bɛtléɛm. Joab valé élé munu vo tawona é béli, yé wo bɔ Ébrɔn bléyian va, ’té tu kini.

1 Minwiinzannu 10:8

Ilé munu zé a néné, i wuomunu lé wo ke i ’lɛ yifaama, ’té woo ilé wedɔɔdére maan, wozé a néné!

1 Minwiinzannu 11:28

Jéroboam a pɛniɛ lé a ta ke kelekele, ’té a ’wuo ke a ta, a nya; Salomɔn a ye nyanama pana yé é a dɔ Jozɛfu gɔnɔ la fɔrɔlɔnu faa nwiin.

Minwiinzannu lé Wezuofe Sɛbɛ 4:23

Wa bɔdɔmunu valé féi gɔnɔ kiɛre pamunu nya; woo nyanaan ’bɛna wo nwiinzan blɛn sɔnɔ, ’té woo alé nyanama paan.

Wegɔnévɔlenu 10:4

Kun‐anwo bɛ éé mi gya nyané nya, naa, mi lé a bɛ wɔlɛi ’ka nyaan a ma lo, éé a kɛla fua nya.

Wegɔnévɔlenu 12:24

Mi lé a bɛwɔlɛi ’ka nyaan a ma lo, é dan pla lɛ mi nwiin, naa, Kun‐anwozan é dan pla lɛ mi wuo.

Wegɔnévɔlenu 23:1

Dé i nyana fɛ zi minwiinzan va, fɛ lé wa dɔra i ma bɛ, ’i gi bɔrɔ a ma;

Bale Lé We Gifezan 9:10

Nyanama faa lé i wo yé, ’i wo pa ilé plɛplɛ nya; naa, i a gona fɛana, migalenu nyanana bɛ, wekɛlɛle koo, ’wuo gi bɔrɔle koo, gikinile koo, wedɔɔle koo, wo ’ka ana lo.

Daniɛl 1:19

Minwiinzan blɛn vo glewona wo va, yé pɛniɛnu faa va, é ’ka mi do kpen ye lɛ bélé Daniɛl koo, Aanania koo, Misaɛl koo, Azaria koo, wo zo lo. Amalé wo wo si, léé, ’wo minwiinzan blɛn va nyanama pa.

Daniɛl 1:4

pɛniɛnu lé gyɛ pɔlɛ do kpen ’ka wo ma lo, ’té wo yara ke é nɔnɔmi, ’té wo ke wedɔɔzannu koo, gikinizannu koo, ’wuoatazannu koo, wo nya, ’té woo bɔaléé, wo minwiinzan blɛn lé kɔn gi nyanama pa, yé wo Kaldé dére valé alé sɛbɛwɔlɛnu paa wo gi.

Matio 25:21

Azan lé a lɛ léé: An wuozan zima, yarapawelazan, ’bɛ a é zima. I kɛlɛ yarapawelazan nya we kiéné ’ko gi, amalé maa dan fɛ kiɛre bɛ pa lɛ i lee; ’i da, ’i nyana an va, yé ko gi ’é nana ékeva.

Matio 25:23

Azan lé a lɛ léé: An wuozan zima, yarapawelazan, ’bɛ a é zima. I kɛlɛ yarapawelazan nya we kiéné ’ko gi, amalé maa dan fɛ kiɛre bɛ pa lɛ i lee; ’i da, ’i nyana an va, yé ko gi ’é nana ékeva.

Rom munu 12:11

’Ka ta ’é kɛlɛ kelekele; té ka kun‐an?-?wo lo. Ka fuu ’é dɔ ka ta ma. ’Ka Mizan mawe kɛlɛ.

2 Timoté 4:2

’i Kazambale dére fe; ’i dɔ a ta plɛplɛ bléyi faa va, dé é a bléyi zin nyaoo, dé é ’ka a nya looo, ’i dɔ a ta plɛplɛ; ’i we vɔ munu lɛ, ’i we pla wo lɛ, ’i kwa kuli wo ma. ’Bé kɛlɛ bli tiéé nya, ’té i we paan wo gi yifaama.

1 Samuɛl 16:21

David da Saul va, yé ébo gɔɔn a lɛ, yé é sɔ Saul lɛ é baba, yé é a kɛlɛ élé gulidanfɛnu kɔné sizan nya.

1 Samuɛl 17:31

Dérenu lé David a fe, munu wo ’ma aan wo, wo wo fe Saul lɛ, yé ’bɛ mi pa zia a laana.