Wegɔnévɔlenu 22:23 - Kazambale lé Sebe Sauunu 1979

²³ naa, Gakelebale é dan dɔ lɛ wo zuo, yé munu lé wo wolé fɛnu si é dan wolé tɛrɛla si lɛ wo lee.

Wegɔnévɔlenu 22:23 ပူးပေါင်းရင်းမြစ်များ

Lɛrɛvɔ Sɛbɛ 103:6

Gakelebale éé we tegele kɛla, Yé munu faa lé vanu éé yaan wo ta, éé wolé we blé tegele.

Lɛrɛvɔ Sɛbɛ 12:5

Munu lé wo ke a fena léé: Ko plɛplɛ yé ko nɛnɛ ma, Ko a lɔluzannu nya, De ɛ dan pla lɛ ko nwiin? Gakelebale ’é wo nyaa ma.

Lɛrɛvɔ Sɛbɛ 12:6

Naa, woo yaan wenaané bɔmazannu ta, ’té nyanégyɛzannu éé dunnuan, Amalé sin, Gakelebale léé: Maa nwa, Yé munu lé bélilɔrɔ ke wo ma, maa dan a nya wo lɛ.

Lɛrɛvɔ Sɛbɛ 140:12

Mian dabli ke a nɛnɛ ta, é ’ka dɔa gligli tɛrɛ la lo; Yé wenaané éé goo glazan nya é sanna.

Lɛrɛvɔ Sɛbɛ 140:13

Maa a gi dɔɔ léé, Gakelebale éé wezin kɛla nyanaizénlamunu lɛ, Éé nyanégyɛzannu lé we blé tegele.

Lɛrɛvɔ Sɛbɛ 35:1

David zé lé. Gakelebale, ’i an ta guli dan an mazannu va, Munu lé woo guli daan an va, ’i guli dan wo va ma.

Lɛrɛvɔ Sɛbɛ 35:10

An wɔlɛnu faa é dan a fe lɛ léé: Gakelebale, de ɛ bɔa Wenaanébɔmazan sile lɛ mi lé a plɛplɛ mini a ta, a lee, bélé bii zoo? De ɛ bɔa wenaanébɔmazan valé nyanégyɛzan sile lɛ, mi lé é alé fɛnu sia, azan lee, bélé bii zoo?

Lɛrɛvɔ Sɛbɛ 43:1

Baleoo, Bale, ’i anlé we ble yé ’i dɔ an zuo, bɛn lé éé wenyané fé Bale lé zi ma, alé we ma. ’I an si munu lé woo dabli valé weple kɛla, wo lee.

Lɛrɛvɔ Sɛbɛ 68:5

’Ka lɛrɛ vɔ Bale lɛ, ’ka a tɔ nwa. Mian é ke giéna fɛna pɛblɛɛ zi, ’ka zi ta gyɛ a ’lɛ. A tɔ lé Gakelebale, ’ka zana gyɛ a ’lɛ.

Fwile 22:22

Dé zanagalale léé, dé bu valé tigala né léé, té i nyané pa wo ta lo.

Fwile 22:23

Dé i nyané pa wo ta, dé wo da maa va, maa dan tɔné dɔ lɛ wolé siaalenu lɛ;

Wegɔnévɔlenu 21:7

Mi naanénu ’ka a nyi sié léé, ’wo we tegele kɛlɛ lo, amalé wolé glawe éé wo sian ana.

Wegɔnévɔlenu 23:11

Wozé lɛgipazan a plɛplɛ; é dan dɔ lɛ wo zuo i ma.

Ézai 33:1

Bii lé i ’wiié fɛ ta yé wo ’ka ’wii lɛ izé ta lo, bii lé i fɛ sian gla nya yé wo ’ka izé sia lɛ gla nya lo, we tɔntɔn ’é kɛlɛ i lɛ ma. Dé i nyaa ’wiile fɛ ta nya, wo dan ’wii lɛ i ta; dé i fɛ sile gla nya lɛ sɔɔ, wo dan ilé fɛ sia lɛ gla nya.

Jérémi 30:16

Naa, duowo, munu faa lé woo i ta blé, Wo dan wo ta ble lɛ, Yé wo dan go lɛ i nyanézannu faa tere nya luu gi; Munu lé wo ’wii i ta, wo dan ’wii lɛ wo ta, Yé munu faa lé wo ilé fɛnu sian gla nya, maa dan wozé sia lɛ gla nya.

Jérémi 50:34

Naa, wo lɛgipazan a plɛplɛ; yee lé wa tɔ laama lai sunyanu lé Gakelebale. Naa, é dan dɔ lɛ wo zuo, léé, é flinle nɔ wo lɛ wolé tɛrɛ la, yé Babilɔn munu ma ’é nyɔɔn.

Jérémi 51:36

Bɛwemalé Gakelebale léma: Maa dan bɔ lɛ i va; maa dan ilé we lɛgi pa lɛ, maa dan Babilɔn wɛyi guru gi ga lɛ; maa dan alé ’yibɔna dɔ lɛ.

Misé 7:9

Maa wenyané kɛlɛ Gakelebale ma, amalé maa dan an ’wuo dɔ lɛ alé bliflile wuo fɔɔ yé é dɔ an zuo, yé é anzé kɛlɛ néné. É dan go lɛ an nya fɛna fu na, yé maa dan alé we tegele nagini lɛ.

Abaku 2:8

Naa, i ’wii bɛngɔnɔ kiɛre ta, amalé migɔnɔ pɔnénu é dan ’wii lɛ i ta. Naa, i munu nyɛ zana, yé i glawe kɛlɛ tɛrɛ ’ko la flanu valé wotazannu lɛ, azama.

Malasi 3:5

Maa dan bié lɛ ka sɔnɔ weblele we ma; zɔkɛlɛzan valé leginizannu koo, wo lé woo bale ’nyɔɔn‐an vié nya koo, munu lé wo ’ka nyanamapazan banwoo lo koo, wo lé woo yaan zanagalale valé bugalazan ta koo, wo lé woo weple kɛla bɛn lɛ, ’té wo ’ka kanaan an lee lo, maa dan wo ma we fe lɛ é kelekele. A zo lé lai sunyanu lé Gakelebale a fe.

1 Samuɛl 24:12

An ti, bé nagini, ilé sɔ lɔlu lé ke an lee ’ko, bé ye. Maa ilé sɔ lɔlu bɔi, yé maa ’ka i gyɛ lɛ fɛan zo lo bɛ, bé ye yé bé gi dɔɔ léé, weple valé nwale mi ma ’ka an giébɛ nya lo, yé an ’ka wenyané kɛlɛ lɛ i lɛ lo. Yé bii, i an ma we ble, anlé tɛrɛla nyaale we ma.

1 Samuɛl 24:15

Mi kyɛn ma lé Izraɛl minwiinzan zi siaa? Mi kyɛn lé bé zuo bin‐éé? Blén gale lé, gɔa lé.

1 Samuɛl 25:39

David a ’ma léé, Nabal ga yé é léé: Gakelebale lé é dɔ an zuo, sɔnɔ lé Nabal a wo an lɛ, alé we ma, yé é wenyané kɛlɛle yi ga é wuozan lee, ’wa drɔɔ vo ma. Gakelebale Nabal lé we ple nɔla ébo nwiin. David mi pa zia Abigail va alé bwɛ we fele we ma a lɛ.