Wegɔnévɔlenu 22:17 - Kazambale lé Sebe Sauunu 1979

¹⁷ ’I an ban i tɔné nya, yé ’i tɔné dɔ wedɔɔzannu dére lɛ; ’i yara pa anlé ’wuoatawe ta.

Wegɔnévɔlenu 22:17 ပူးပေါင်းရင်းမြစ်များ

Lɛrɛvɔ Sɛbɛ 78:1

Bale tɔbɔlɛrɛ lé Azafa a vɔ. Anlé munu, ’ka tɔné dɔ anlé wepaalenu lɛ. ’Ka an ’léé dérenu ban ka tɔné nya.

Lɛrɛvɔ Sɛbɛ 90:12

’Bé paa ko gi léé, kolé tɛrɛlayinu ’ka di lo Yé ko kwa kuli yé ko we dɔɔ.

Wegɔnévɔlenu 1:3

bɔngikiniwe valé we tegele koo, zi nɔle mi faa lɛ valé we drɔle koo, ’wo wo paa munu gi,

Wegɔnévɔlenu 23:12

’I bli lɛ so wepaale lɛ, ’i tɔné lɛ so ’wuoatawe lɛ.

Wegɔnévɔlenu 24:23

We lé wedɔɔmunu a fé é ziin, yee lo: dé i a weblena, é ’ka é zima léé, i we ble mi dɔbɛ ma lo.

Wegɔnévɔlenu 3:1

An be, té i gi é san anlé wepaale ma lo, yé anlé bélidɔwenu ’é vo i bli gi ma;

Bale Lé We Gifezan 12:11

Bale lé we gifezan ’ka wedɔɔzan saa nya é pla lo, é gikinile paa é ziin munu gi, yé é wegɔné kiɛre nagini, yé é wo gi kuli, yé é wo gyɛ ’wo gyɛna.

Bale Lé We Gifezan 7:25

An kwa kuli an bli faa nya léé, an wedɔɔle gini, maa a dɔɔ, yé maa bɔ a wɔlɛ ma, ’bɛ valé wean ma lé wenu éé kɛla, a nya. Yé an kwa kuli é ziin léé, maa wenyanékɛlɛzan lé ’tugyɛwe dɔɔ, yé an ’wuosɛrɛzan lé gwɛmawe dɔɔ.

Bale Lé We Gifezan 8:16

Dé maa kwa kuli an bli faa nya léé, maa we dɔɔ, yé an gi bɔrɔ wenu lé woo kɛla tɛrɛ la, wo ma, maa a ye léé, blami ’ka bɔa Kazambale kɛlɛwe do kpen gi fele lɛ lo, dé é yi kele é yuɛ ma é béli valé é yiéyioo, é ’ka bɔalɛ lo; dé ébo wɔlɛgi nyaa é maoo, é ’ka a gi maan lo; dé é sɔ wedɔɔzan lɛ boenwo léé, é a dɔɔoo, é ’ka bɔa a dɔɔle lɛ lo.

Bale Lé We Gifezan 8:9

Maa we ’konu faa ye, yé we faa lé wo bɔ tɛrɛ la, an gi bɔrɔ wo ma an bli faa nya. Bléyi ke nya, blami éé plaan blami nwiin, a kɛlɛle wenaanébɔmazan nya we ma.

Ézai 55:3

’Ka an ban ka tɔné nya, yé ’ka da an va, ’Ka tɔné dɔ yé kaboen é dan vo lɛ é yuɛma; Gipawe lé é ’ka nyaan lo, kaa dan a kɛlɛ lɛ, Yé zin lé maa fe léé, maa dan a kɛlɛ lɛ David lɛ, a yi ’ka dan ga lɛ lo.

Matio 17:5

É ke aan wo we fena, yé la fu tata do tua wo nwiin. Tɔɔn, Bale we fe la fu gi, yé é léé: Mi ’ko a an be lé é sɔ an lɛ é baba, a nya; a va sɔlɛle a an gi blɛn. ’Ka tɔné dɔ a lɛ.