Wegɔnévɔlenu 21:1 - Kazambale lé Sebe Sauunu 1979

¹ Minwiinzan bli a bélé ’yiyoro zo Gakelebale lee; fɛana sɔ a lɛ, ana lé éé a yoroan.

Wegɔnévɔlenu 21:1 ပူးပေါင်းရင်းမြစ်များ

2 Minwiinzannu 19:33

Zi lé é da a ta, é dan diéra lɛ yee zi duo ta, É ’ka dan wɔra lɛ fla ’ko ta lo, Gakelebale ɛ fe.

Ezidras 1:1

Sirus pla Pɛɛs munu nwiin lɛɛan nya, Gakelebale a nyunu léé, dére lé Gakelebale a fe Jérémi lɔlu nya, ’é a lɛ sɔɔ. Sirus a zana dɔɔ, ’té é a sɛbɛ paan zia élé tɛrɛ faa la, yé é léé:

Ezidras 1:2

Pɛɛs munu nwiinzan blɛn Sirus léma: Gakelebale, lanu lé Bale tɛrɛ la fuatɛrɛ faa nɔ an lɛ yé é an bélidɔ léé, ’an kɔn dɔ Jérusalɛm, Juda tɛrɛ la.

Ezidras 6:22

Yi sɔrafié wuo, buru lé lévɛn ’ka a va lo, walé fɛti kɛlɛ yé wo gi nana. Naa, Gakelebale wo fan ginanale nya é baba; é Asirinu nwiinzan blɛn kɛlɛ wo ma é zima, yé é bɔ wo va Izraɛlnu lé Bale lé kɔn dɔ nyanama nya.

Néémi 1:11

Aa, Mizan, ’i i wuozan lé bazorodére ban i tɔné nya, i wuozannu lé é sɔ wo lɛ léé, wo kana i tɔ ma, ’i tɔné dɔ wolé bazorodére lɛ. ’I wuozan lé we nyian wo kyɔ, yé maa mi ’ko yuɛi bɔ ma. ’Bɛ bléyi ’ko va ’té maa a minwiinzan blɛn lé dɔrɔtabinzan segele nya.

Néémi 2:4

Yé minwiinzan blɛn lé an lɛ léé: I léé, maa kɛlɛ kaa? An bazoro lanu lé Bale lɛ,

Néémi 2:8

Yé é ziin, ’é lɛtrɛ do nɔ an lɛ Azafa lé ke minwiinzan blɛn lé pɔrɔtabinzan nya bɛ, azé nya, léé, ’é yili tegelenu nɔ an lɛ kɔn plɛplɛ lé ke Bale lé kɔn sɔnɔ bɛ, alé duolinu kɛlɛle we ma, yee valé fla zi gɔrɔ koo, kɔn lé maa dan yii lɛ a gi koo, wozé nya. Anlé Bale bɛ zin a é pale an ta, amalé minwiinzan blɛn lɛtrɛnu ’ko nɔ an lɛ.

Esitɛɛ 2:17

Esitɛɛ sɔ minwiinzan blɛn lɛ yé é gié lomu bɛnu faa ta. Yé é kɛlɛ a yuɛ gi é zin, yé a bli kɛlɛ a ma é zin yé é mini blɛn bɛnu faa ta. É tɔkoro wo a ’wuo ma yé é a kɛlɛ minwiin le nya Vasiti pa gi.

Lɛrɛvɔ Sɛbɛ 105:25

É nyanézannu bli nɔla léé, ’wo ’élé munu za pa, Yé ’wo dabli kɛlɛ é wuozannu lɛ.

Lɛrɛvɔ Sɛbɛ 106:46

Yé é we kɛlɛ léé, munu lé, ’bɛnu wo kɛlɛ wolé luu nya, ’Bɛnu nyanai é zén wo ta.

Lɛrɛvɔ Sɛbɛ 114:3

Wɛyi ’bɛ ye tɔɔn, é fwi, Juudɛn yuu nɔla é zuozia;

Lɛrɛvɔ Sɛbɛ 114:5

Wɛyi, mɛ ɛ kɛlɛ i lɛ yé i ke fwinaa? Juudɛn yuu, mɛ ɛ kɛlɛ i lɛ yé i nɔla i zuoziaa?

Lɛrɛvɔ Sɛbɛ 74:15

Bii ɛ ’yibɔnanu valé ’yiyoronu kɛlɛ ’té woo duun‐an, Yé yuunu lé wo ’ka bélié monomono lo, i wo béli.

Lɛrɛvɔ Sɛbɛ 93:4

Gakelebale a plɛplɛ lagi lorununa, A plɛplɛ mini ’yi blɛnnu plɛplɛ vun gi wele ta, É mini wɛyi fɔrɔlenu plɛplɛnu ta.

Fwile 7:3

Yé maa dan Faraɔn bli kɛlɛ lɛ plɛplɛ yé maa dan anlé tɔmasenu valé anlé gyɛzorowenu gi gyɛ lɛ Éjipiti tɛrɛ la. Faraɔn ’ka dan tɔné dɔ lɛ ka lɛ lo.

Wegɔnévɔlenu 16:1

’Wuogibɔrɔwenu a mi leewe nya, naa, we zipale a Gakelebale leewe nya.

Wegɔnévɔlenu 16:9

Mi éé gi bɔrɔan é giébɛ ma, naa, Gakelebale éé kunwo a bɛ ma yé éé zi gɔɔn‐an a lɛ.

Wegɔnévɔlenu 20:24

Gakelebale ɛ mi gane dɔrana kɛla, ’naan, mi é bɔalɛ yé ébo giébɛ gi ’maa?

Ézai 43:19

Ka ye, maa a dana we dɛrɛ kɛlɛ lɛ, é bɔ é pu; Ka ’ka a yé loo? Maa dan zi pla lɛ nyéné lé fɛna, Maa dan yuunu bɔra lɛ bwi gi.

Ézai 44:27

Maa lé ’yi blɛn lɛ léé: ’I béli ma. Maa dan ilé yuunu béli lɛ.

Jérémi 39:12

Bé si, ’i yuɛ pa a va. Té i wenaané do kɛlɛ a lɛ lo; naa, we faa lé éé a laan i lee, bé kɛlɛ a lɛ ma.

Daniɛl 4:35

Tɛrɛlamunu faa ’ka a yuɛ gi bɔa lo. We lé é sɔ a lɛ léé, éé a kɛla lai sunyanu valé tɛrɛlamunu lɛ, yé mian ’bɛ éé dɔa a lee plɛplɛ yé ’bɛ lé a lɛ léé: Mɛ fɛ lé bé kɛla bɛɛ? ’bɛzan do ’ka ana lo.

Kelewenu 7:10

Naa, Kazambale kɛlɛ a va, yé ’bɛ a si élé kleblelenu faa gi. ’Bɛ wedɔɔle nɔ a lɛ, yé ’bɛ a kɛlɛ mi zin nya Éjipitinu nwiinzan blɛn Faraɔn yuɛ gi yé Faraɔn a kɛlɛ élé kɔnzan valé Éjipiti tɛrɛ la gbɔrɔnama nya.

Wegɔɔnle 16:12

A suiɛdozan ’élé kana gi bliflile zén Yufrat yuu blɛn va. Yé yee yuu béli, zi plale minwiinmunu lé wo si yirinwanazia, wo ’lɛ we ma.

Wegɔɔnle 16:4

A yaazan ’élé kana gi bliflile zén yuunu valé ’yibɔnanu va. Yé wo kinin nyɛ nya.