Wegɔnévɔlenu 20:1 - Kazambale lé Sebe Sauunu 1979

¹ Nwɛ a wenanazan nya yé dɔrɔ éé mi bɔ gya; dé miomian wo mini é baba é ’ka we dɔɔa lo.

Wegɔnévɔlenu 20:1 ပူးပေါင်းရင်းမြစ်များ

2 Samuɛl 11:13

David a laa fɛblele ma é va, yé é a gyɛ nwɛ nya; é béli, Uri bɔra yé é yii ézan wuomunu va, naa, é ’ka go lɛ élé kɔn ’léé lo.

2 Samuɛl 13:28

Abusalɔm é wuomunu faa béli dɔ léé: ’Ka yuɛ pa Aminɔn va, yé dé a gi nana nwɛ minile ma, dé maa fe ka lɛ léé, ’ka Aminɔn gyɛ, ’ka gyɛ; té ka kana lo; maa‐an maa fe loo? ’Ka dɔ gligli yé ’ka gɔnéwe nagɔɔn.

Wegɔnévɔlenu 23:20

Té i vɔ nwɛminizannu worona lo, ’bɛ valé munu lé woo wi kiɛre blé, wo worona lo;

Wegɔnévɔlenu 31:4

Lɛmuɛl, nwɛ minile ’ka minwiinzannu zé nya lo, dɔrɔ minile ’ka minwiinzan benu zé nya lo,

Ézai 28:7

Naa, Juda munu é ziin, wo dan vɔ lɛ dada nwɛ lé we ma, yé dɔrɔ ’lɛ plɛplɛ é dan wo yuɛgi nɔɔ lɛ. Balebanzannu valé balelayezannu, wo dan vɔ lɛ dada dɔrɔ ’lɛ plɛplɛ lé we ma. Nwɛ bɛn mini wo lɛ yé dɔrɔ ’lɛ plɛplɛ éé wo yuɛi nɔɔan. Woo balelawe fé dan dan dan; woo we blé yuɛgi blan nya.

Ézai 5:11

Munu lé woo vlanburuwo nwɛ zuo bladi tutu, ’té woo voo nwɛ tanna é béli, we tɔntɔn ’é bɔ wo ma.

Ézai 5:22

Munu lé wo wobo no nwɛ minile ’té woo dɔrɔ ’lɛ plɛplɛ vɔɔan ’wo zua, wenaané ’é kɛlɛ wo lɛ ma.

Ézai 56:12

Wo léma: ’Ka da, an dan go lɛ nwɛ gini lɛ yé ko dɔrɔ ’lɛ plɛplɛ mini; ko dan a kɛlɛ lɛ a zo tɛlɛ, yé ko a taa mini é ziin.

OZÉ (Osée) 4:11

Bɔrɔdɛ kɛlɛle koo, nwɛ valé dɔrɔ dɛrɛ koo, wo anlé munu ’wuo sɛrɛ.

OZÉ (Osée) 7:5

Ko nwiinzan lé fɛti kɛlɛyi la gyɛ vɔ mi blɛnblɛnnu ma wolé dɔrɔ kiɛre minile we ma; minwiinzan blɛn gi nana wenanamimazannu nya ékeva.

Lévinu 10:9

Bii valé i benu, dé ka a gona wɔrana zén‐ékevasɔkɔn gi, té ka nwɛ valé migyɛdɔrɔ mini lo, dé ka da ga; é dan kɛlɛ lɛ bélidɔwe lé a glɛ ’ka lo, a nya, ka kulunu zé nya.

Abaku 2:5

Boblɛnzan ’ka nyanaan flee lo; é a bélé mi lé nwɛ a gyɛ, ’té éé dére blɛnblɛnnu fé, a zo. Éé ’léé siélaan bélé mivun lɛ sole zo. É a bélé gale zo, é ’ka kaan pelo. Éé bɛngɔnɔnu faa ganaan ’é va, éé migɔnɔ faa zén‐é ékeva é punma.

1 Korent munu 6:10

kyeenwozannu koo, blibɔgɔɔlimazannu koo, nwɛgyɛzannu koo, mi sɔnɔzannu koo, mi tablezannu koo, wo ’ka dan tɔnɔ ble lɛ Kazambale lé fuatɛrɛ la lo.

Galasi munu 5:21

palu kɛlɛle koo, bli bɔle fɛ ma koo, nwɛ lé mi gyɛle koo, kɛlɛle bun‐anzan nya koo, ’bɛ zoɛ we bɛnu koo, woo lé. Maa a lɛ kini ka lɛ, fɛan zo lé maa a fe ka lɛ é kyɛn, a zo, léé, munuan woo ’bɛ zoɛ wenu kɛla, wo ’ka dan tɔnɔ ble lɛ Kazambale lé fuatɛrɛ la monomono lo.

Éfez munu 5:18

Té nwɛ é ka gyɛ lo ma, ’bɛ a we vɔnle nya, naa, Kazambale Léli ’é ka kun ma.