Wegɔnévɔlenu 19:23 - Kazambale lé Sebe Sauunu 1979

²³ Kanale Gakelebale lee éé goo mi nya bélina; éé lɔrɔ sié mi ma yé éé yi gya drɔɔ, ’té wenaané do kpen ’ka kɛla a lɛ lo.

Wegɔnévɔlenu 19:23 ပူးပေါင်းရင်းမြစ်များ

Lɛrɛvɔ Sɛbɛ 103:17

Naa, munu lé woo kanaan Gakelebale lee, alé zin éé voo wo ta lɛɛfaama, Yé a nyanai éé zén‐é wo é nénu é nénu ta,

Lɛrɛvɔ Sɛbɛ 19:9

Gakelebale déretawenu a tegele, éé mi gi nanaan; Gakelebale sɔnnénu gi a é bɔle, woo mi yuɛnu va kinié.

Lɛrɛvɔ Sɛbɛ 25:13

A boen é dan nyana lɛ gi nanale gi, Yé tɛrɛla é dan kɛlɛ lɛ a kulunu zé nya.

Lɛrɛvɔ Sɛbɛ 85:9

Bale, Gakelebale éé wean fé, maa dan an tɔné dɔ lɛ a lɛ. Naa, éé dére drɔɔ fé élé munu valé élé yarapawelamunu lɛ, ’Té dé wo ’ka vɔ lɛ wolé ’tugyɛwe gi é ziin lo.

Lɛrɛvɔ Sɛbɛ 90:14

’I ko kan bladi faa do do ma ilé zin nya, Yé kolé tɛrɛla faa gi, ko gi é dan nana lɛ ginanale lé a glɛ ’ka lo, a nya.

Lɛrɛvɔ Sɛbɛ 91:10

We tɔntɔn do kpen ’ka dan bɔ lɛ i ma lo, Mi gyɛgyɛ do kpen ’ka dan bié lɛ ilé kɔn sɔnɔ lo.

Lɛrɛvɔ Sɛbɛ 91:16

Maa dan a kan lɛ yi kiɛre nya, Yé maa mi sié we gi fɛan zo, maa dan a gɔɔn lɛ a lɛ.

Wegɔnévɔlenu 10:27

Kanale Gakelebale lee éé mi yinu taa zén‐é a ta, naa, woo mi nyanénu lé lɛɛnu bɔié a ta.

Wegɔnévɔlenu 11:19

’Bɛ zo lé we tegele éé goo mi nya bélile va, naa, mi lé éé goo wenaané zuo éé ga yé.

Wegɔnévɔlenu 12:21

Wenaané do kpen ’ka kɛla mi tegele lɛ lo; naa, we tɔntɔn bɛn éé mi nyanénu gya.

Wegɔnévɔlenu 19:22

Mi ’lɛrɛfɛ lé ke élé wezin nya; nyanégyɛzan fila vɔ é mini viéwozan ta.

Wegɔnévɔlenu 22:4

Bo kiéné valé kanale Gakelebale lee ma tɔnɔ lé ke fuablele koo, tɔbɔle koo, vole é yuɛma koo, wo nya.

Wegɔnévɔlenu 3:24

Dé i yia, kana ’ka dan vɔ lɛ i gi lo; dé i a yiɛna, i dan yi gyɛ lɛ drɔɔ.

Malasi 4:2

Naa, ka lé ka kanaan an tɔ lee, kalé we ma lé Mi Tegele é dan nwa lɛ bélé yiri zo, yé ka dan béli lɛ a bɛ wuo; ka dan bɔra lɛ yé ka dan fɔrɔ lɛ bélé diri palu do lé nénu zo.

Matio 5:6

Munu lé, we tegele lɔrɔ ke wo ma bélé ’yiminilɔrɔ zo, wa bɛan ’bɛ gi bɛ, ’bɛ a é zima wozé nya, naa, Bale é dan lɔrɔ si lɛ wo ma.

Kelewenu 9:31

Léglizigimunu a drɔɔ Judé tɛrɛ faa koo, Galilé tɛrɛ koo, Samari tɛrɛ koo, wona. Wa é dɔle plɛplɛ yé wo tawo Mizambale lee kana nya wo gi, yé wo ’léé gi gyɛ Léli Sauun bɔle wo va nya.

Rom munu 8:28

Yé kaa gi dɔɔ léé, munu lé Kazambale éé sɔa wo lɛ, ’té Bale wo laa ’é bɔn‐in danle yɛrama bɛ, we faa lé éé bɔa wo ma, Kazambale a nɔlaan wo ma wezin nya.

1 Timoté 4:8

Kazambale lé zi ta tawole ’é i kun ma. Mi kɔlɛ lé we kɛlɛle yé é a kun, a tɔnɔ a sɛ, naa, Kazambale lé zi ta tawole ɛ tɔnɔ ke yifaama; a ma blivolɛdére lé ke léé, éé mi bélié tɛrɛ la ’ko, yé gale zuo éé mi bélié é ziin.

2 Timoté 4:18

Mizan é dan an si lɛ wenaanénu faa wuo, yé é dan an béli lɛ, yé é dan go lɛ an nya élé lagi fuatɛrɛ la. ’Wa tɔ bɔ lɛɛfaama ma. Amɛɛn.