Wegɔnévɔlenu 18:10 - Kazambale lé Sebe Sauunu 1979

¹⁰ Gakelebale tɔ a bélé flagɔrɔ nwiin kɔn torole zo, mi tegele éé yɔɔan ana ’té a ta béli a é dɔle.

Wegɔnévɔlenu 18:10 ပူးပေါင်းရင်းမြစ်များ

Wepélisiananu 17:1

Abram lɛɛ kɛlɛ yɔ ziɛn wɔlɛ vu ta sɔraziɛn aan wo, Gakelebale bɔra Abram va yé é lé a lɛ léé: Maa a Plɛplɛfaazan Bale nya. ’I tawo an yuɛ va yé ’i kɛlɛ mi tegele nya.

Wepélisiananu 32:11

Ilé zanté, ’i an si an bwe Ézau leeoo, Ézau lee! Naa, kana a an gi léé, é dan da lɛ yé é maa gyɛ, maa valé né bunu valé nénu nya.

2 Samuɛl 22:2

É léma: Gakelebale a anlé gɔlɛgɔ koo, anlé guliyɔɔkɔn koo, an vo anbomazan koo, wo nya.

2 Samuɛl 22:3

Bale a anlé gɔlɛgɔ lé maa an ta yɔɔan a fu va, a nya, É a an botakuunfɛ valé plɛplɛ lé é an sié we gi, a nya. É a anlé sa vulina valé an yɔɔna nya. Oo, an siéwegizan! Bii ɛ an si za?-?mawe tɔntɔn lee.

2 Samuɛl 22:51

Mi lé é a dɔ minwiinzan nya, éé a sié we tɔntɔn blɛnnu lee, Yé mi lé wo nyɔnɔ zén a ta, Bale nyanai éé zén‐é a ta, Maa David valé an kulunu, éé a zén‐é ko ta yifaama.

Lɛrɛvɔ Sɛbɛ 144:2

É a wezinkɛlɛzan nya an lɛ; é a an tin‐évafɛ plɛplɛ nya. É a an yɔɔna plɛplɛ valé an siéwegizan nya. É a an takuunzan valé an vɔzizan nya. Yee ɛ anlé munu plaan an wuo.

Lɛrɛvɔ Sɛbɛ 18:2

Oo Gakelebale, anlé plɛplɛ, i sɔ an lɛ.

Lɛrɛvɔ Sɛbɛ 20:2

Gakelebale ilé bazorodére nyi si ilé klebleyi nya ma, Jakɔb lé Bale tɔ ’é i takuun ma.

Lɛrɛvɔ Sɛbɛ 27:1

David zé lé. Gakelebale a an vakinizan nya, é a an Siéwegizan nya. Maa kanaan de ɛ lee? Anlé tɛrɛla a Gakelebale lee; ’Té de lee lé an kanaan?

Lɛrɛvɔ Sɛbɛ 91:14

Bale léma: An sɔ a lɛ, amalé maa dan a si lɛ munu lee; É an tɔ dɔɔ, amalé maa dan a takuun lɛ wo lee.

Lɛrɛvɔ Sɛbɛ 91:2

Maa lé Gakelebale lɛ léé: An vɔzizan valé anlé kɔn plɛplɛ, Anlé Bale, maa paan bii ɛ ta.

Fwile 6:3

An bɔra Abraam koo, Izak koo, Jakɔb koo, wo va, Plɛplɛfaazan Bale nya; naa, wo ’ka an dɔɔ lɛ anlé Gakelebale tɔ nya lo.

Wegɔnévɔlenu 14:26

Mi lé éé kanaan Gakelebale lee, a tɛn‐agifɛ a gligli, yé alé nénu yɔɔna a a sɔnɔ.

Wegɔnévɔlenu 29:25

Kanale munu lee a mikunsan nya, naa, mi lé ébo bɛ pa Gakelebale lee, a ta béli a é dɔle.

Ézai 26:4

’Ka pa Gakelebale ta, té ’bɛ glɛ é dɔ lo, Naa, Gakelebale a gɔlɛgɔ nya lɛɛfaama zé nya.

Ézai 57:15

Loruzan lé a nyanana ke ana lɛɛfaama, ’té a tɔ ke sauun, é léma: An nyanaan fɛna lorunu na, fɛna sauun na, naa, an nyanaan é ziin, mi lé a bli kyɛ ke é dɔle, ’té ébo kɛlɛ kiéné, a va, léé, maa fuu dɔ bokiénézan ta, yé maa blikyɛdɔzan tɔrɔ paa.

Ézai 9:6

Alé plale mi nwiin tɛrɛ glɛ buru é dan so lɛ é zuo, David lé plale mi nwiin se valé plaleminwiin tɛrɛ, é ’ka dan ’bɛ vole drɔɔ glɛ dɔ lɛ lo, É dan a dɔ lɛ gligli wedrɔle valé we tegele kɛlɛle nya, A pélisia sin yé a glɛ ’ka lo; Lai sunyanu lé Gakelebale fuu a é ta we ’ko kɛlɛna.

Jérémi 23:6

’Bɛzan zé bléyi va, Juda munu é dan si lɛ we gi; Izraɛl munu é dan nyana lɛ drɔɔ ’wo nyanana. Yé ka ye, tɔ lé wo dan a laa lɛ a nya, yee lé ke ’ko: Gakelebale, kolé we tegele.

Abaku 3:19

Mizan Gakelebale ɛ ke anlé plɛplɛ nya, Éé an ganenu kɛla bélé vɔlɛ zé zo, Yé éé an kɛla tawozan nya loru. Lɛrɛvɔmunu nwiinzan zé lé. ’Wa vɔa lɛrɛvɔafɛ lé a bale ke, a va.

Matio 1:23

Bé ye, blɛn lé gɔné ’ka tan a dɔɔ lɛ le nya lo, é dan bɔn si lɛ yé é dan négɔné do yaa lɛ. Wo dan a tɔ pa lɛ Emanuɛl, ’bɛ gi léé, Bale a ko va.

Wegɔɔnle 1:8

Mi lé é ke, ’té é ke ana é kyɛn, ’té é dan bɛ, Plɛplɛfaazan, Mizambale, é léma: Maa lé é ke Alfa valé Oméga nya, ’bɛ gi léé, a vininzan valé a voélazan nya.

1 Samuɛl 17:45

David lé Filisiti mi lɛ léé: I a dana an va gwɔun koo, din koo, toané din koo, wo nya; naa, maa a gona i va lai sunyanu lé Gakelebale tɔ nya, Izraɛl lé sunyanu lé Bale lé bé sɔnɔ, a tɔ nya.

1 Samuɛl 30:6

Munu faa do do bli kyɛ dɔ wo benu valé wo lunu lé we ma, yé wa fena léé, wo dan gɔlɛ vuli lɛ David va, amalé David bli kyɛ dɔ é baba. Naa, David élé plɛplɛ yé Gakelebale, élé Bale gi.