Wegɔnévɔlenu 17:3 - Kazambale lé Sebe Sauunu 1979

³ Fɛselebɔ a gɔɔlifu zé nya, yé bɔɔnwoli ’léé a kyan zé nya, naa, mi lé éé mi blinu gi daan, Gakelebale lé.

Wegɔnévɔlenu 17:3 ပူးပေါင်းရင်းမြစ်များ

Minwiinzannu lé Wezuofe Sɛbɛ 29:17

Oo, anlé Bale, maa gi dɔɔ léé, i mi bli gi ginian yé we drɔle sɔ i lɛ; é ziin, maa blɛ drɔɔnu ’ko faa nɔ i lɛ an bli gi drɔle nya, yé maa ye léé, ilé munu lé wo ke ’ko, wo blɛ ’konu kɛlɛ i lɛ bli drɔɔ nya, yé ’bɛ an gi nana.

JOB (Job) 23:10

Duowo, dé maa a tawona zi‐an ta, é a dɔɔ; Yé dé é an gi dan kɔɔn, é dan an ye lɛ tegele bélé kyan zo.

JOB (Job) 28:1

Woo gɔɔlifu sié é kulina, Yé woo kyan sié é kulina a selele we ma;

Lɛrɛvɔ Sɛbɛ 139:23

Oo Bale, ’i an giwe nagini; ’i an bli dɔɔ ma. ’I an giwe dan; ’i an ’wuogibɔrɔlenu dɔɔ ma.

Lɛrɛvɔ Sɛbɛ 26:2

Gakelebale, ’i an giwe nagini; ’i an gi dan, ’I an bli valé anlé gibɔrɔlenu nagini kyɛ nya,

Lɛrɛvɔ Sɛbɛ 66:10

Oo Bale, naa, i ko gi dan Bélé fɛan zo lé woo gɔɔlifu selean kyɛ ta, a zo.

Wegɔnévɔlenu 15:11

Dé Gakelebale éé gamunu nyanana valé guru blɛn yé ’naan, ’té blaminu bli nii? É ’ka ’bɛ yé loo?

Wegɔnévɔlenu 16:2

Mi lé tawobɛ faa a wéiin ébo yuɛ gi, naa, mi lé éé mi bligiwenu daan ékema, Gakelebale lé.

Wegɔnévɔlenu 17:2

Mi wuozan lé é we dɔɔ, éé plaan mi be lé éé mi gya yara nya, a nwiin, yé é dan zara ble lɛ a bwenu méléna.

Wegɔnévɔlenu 21:2

Mi lé tawobɛ faa a é drɔle ébo yuɛ gi, naa, mi lé éé mi bligiwenu daan ékema, Gakelebale lé.

Wegɔnévɔlenu 27:21

Gɔɔlifu selebɔ a gɔɔlifu zé nya yé bɔɔnwoli ’léé a kyan zé nya; naa, woo mi yé é tɔbɔle yɛrama.

Ézai 48:10

Maa ka pa fɛseleégibɔ gi bélé gɔɔlifu zo; Maa ka gi dan ’furu kyɛ lé ke we tɔntɔn nya, a va.

Jérémi 17:10

Maa, Gakelebale, maa mi bli gi daan, maa mi gi kulian, Léé, an mi do do faa banwo wolé tawobɛ yɛrama, É valé wo panyanamanu yɛrama.

Ézékiɛl 22:18

Blami be, Izraɛl munu kɛlɛ an yuɛ gi bélé folibo zo. Wo faa a bélé zéné koo, tini koo, foliɛwɔlɛ koo, lɛe koo, wo zo fɛselebɔ gi; wa gɔɔlifu bonu nya.

Daniɛl 11:35

Wedɔɔmunu va mi kenu é dan dia lɛ léé, wo kɛlɛ wéiin, wo kɛlɛ sauun, yé wo gi é bɔ fɔɔ yé bléyi voélazan é bɔ, naa, é ’ka dan bɔ lɛ lo, fɔɔ bléyi lé Bale a dɔ, ’té é bɔ é wo.

Zakari 13:9

Maa dan a lɛ do ’ko vɔ lɛ kyɛ va, yé maa dan wo kɛlɛ lɛ tegele fɛan zo lé woo gɔɔlifu kɛla tegele, a zo, yé maa dan wo gi dan lɛ bélé kyan selele zo. Wo dan an tɔ laa lɛ, yé maa dan we lɛ wo lɛ. Maa dan a fe lɛ léé: Anlé munu lé, yé wo dan a fe lɛ léé: Gakelebale a kolé Bale nya.

Bélidɔwesɛbɛ Fiézan 8:16

mana lé ka tranu ’ka a dɔɔ lɛ lo, é a nɔ ka lɛ blefɛ nya bwi ’ko la, ka tuale valé ka gidanle we gi, yé ’bɛ zuo é wezin kɛlɛ ka lɛ; Gakelebale lé é ’bɛ wenu faa kɛlɛ, té ka gi é san a ma lo.

Bélidɔwesɛbɛ Fiézan 8:2

Zi faa lé Gakelebale, kalé Bale go ka nya a ta bwi gi, ka lɛɛ yɔ fié lo, a sele ’é dɔ ka gi ma; é a kɛlɛ ka tuale valé ka gidanle we gi, ka bli dɔɔle we ma, dé ka dan ’é sɔnnénu pa lɛɛ? dé ka ’ka dan wo pa lɛ loo? yé é a gi dɔɔ.

1 Piɛri 1:7

Kalé blipale gidanle é dan nɔla lɛ ka ma ka tɔ zin fele koo, kalé fua koo, ka tɔbɔle koo, wo nya, Jézu Krist bɔrayi nya munu yuɛ va, amalé Bale éé ka gi daan.

Wegɔɔnle 2:23

Maa dan alé nénu gyɛ lɛ; yé léglizinu faa é dan a gi dɔɔ lɛ léé, maa ɛ munu bli valé wo gibɔrɔle naginian, yé maa dan ka faa do do banwo lɛ ka kɛlɛwenu yɛrama.