Wegɔnévɔlenu 17:17 - Kazambale lé Sebe Sauunu 1979

¹⁷ Mi éé sɔa é béé lɛ bléyi faa ma, yé we tɔntɔn bɔyi la é ébo nagɔɔn‐an a bwe nya.

Wegɔnévɔlenu 17:17 ပူးပေါင်းရင်းမြစ်များ

2 Samuɛl 1:26

An bwe Jonatan, an bli kyɛ dɔ ilé we ma. Bii ɛ ke an ginanazan nya; An sɔle i lɛ a néné É mini an sɔle lomu lɛ ta.

2 Samuɛl 15:21

Itai lé minwiinzan lɛ léé: Gakelebale a é yuɛma yé anzan minwiinzan a é yuɛma. Fɛana lé azan minwiinzan ke, dé gawe léoo, dé vole é yuɛma we léoo, ana lé i wuozan é dan kɛlɛ lɛ.

Esitɛɛ 4:14

Naa, dé i vo é tadɔle sin, Juifinu takuunle valé wo sile we gi éé sié fɛ bɛna yé bii valé i ti lé kɔngimunu é zamaga wo. Dé we ’ko lé we ma lé i kɛlɛ minwiin le nya bléyi ’ko vaa? De ɛ ’bɛ gi dɔɔ?

Wegɔnévɔlenu 16:28

Mi vɔnle éé munu vɔa ékema yé liwozan éé béénu kinié ékema.

Wegɔnévɔlenu 18:24

Mi lé a béénu ke di, wa di a gyɛle nyané nya we ma, naa, béé do ana yé é a é yerele mi ma é mini mi bwe ta.

Wegɔnévɔlenu 19:13

Dé mi be a ’tugyɛzan nya ’té we tɔntɔn kɛlɛ a ti lɛ; mi na lé lɔlublele a bélé kɔn ’bɔɔle lé é ’ka nyaan lo, a zo.

Wegɔnévɔlenu 19:7

Nyanégyɛzan za a é bwenu faa gi, naa, a béénu nii? Wo ’ka dan si lɛ a ma baa loo? Dé é we fe wo lɛ zanté vɔle nyaoo, woo fwilaan.

Ébrunu 2:11

Naa, mi lé éé munu kɛla sauun, é valé munu lé é wo kɛlɛ sauun, wo faa si gɔnɔ do kpen gi. Bɛwemalé, é ’ka yara gya wo laale ma é zuanénu lo.

RUT (Ruth) 1:16

Rut lé a lɛ léé: Té i an si i ma gla nya lo, té an si i ma baa lo. Fɛana lé i dan go lɛ, ana lé maa dan go lɛ; fɛana lé i dan nyana lɛ, ana lé an dan nyana lɛ; ilé munu é dan kɛlɛ lɛ anlé munu nya, izé Bale é dan kɛlɛ lɛ anzé Bale nya;

1 Samuɛl 18:3

David sɔ Jonatan lɛ bélé ébozen zo, amalé Jonatan é gi pa do David va.

1 Samuɛl 19:2

yé ’bɛ a zuo fe David lɛ yé é léé: An ti Saul a i gyɛle kwa kulina. Amalé ’i yuɛ pa ibo va. Tɛlɛ bladi, ’i go fɛna baana, yé ’i yɔɔ.

1 Samuɛl 19:3

Maa dan bɔra lɛ yé maa dan dɔ lɛ an ti sɔnɔ féi lé i ke a ta, ana; maa dan ilé we fe lɛ an ti lɛ, yé we lé é dan a fe lɛ maa dan a ’ma lɛ yé maa dan a zuo fe lɛ i lɛ.

1 Samuɛl 20:17

Yé Jonatan bale ’nyɔɔn David lɛ léé, i sɔ an lɛ; é sɔ a lɛ bélé yeebozen zo, azama.

1 Samuɛl 23:16

Saul be Jonatan nwa yé é go David va pɔrɔ gi. É ’bɛlé bli pale Bale gi taa gi gyɛ,