Wegɔnévɔlenu 16:7 - Kazambale lé Sebe Sauunu 1979

⁷ Dé mi giébɛ sɔ Gakelebale lɛ, dé é a a nyanézan boen nyaoo, Bale éé yee valé ’bɛ kɛla mi do.

Wegɔnévɔlenu 16:7 ပူးပေါင်းရင်းမြစ်များ

Wepélisiananu 27:41

Jakɔb za Ézau bɔn fan a ti lé a drɔɔ vole we ma; yé Ézau lé é bli gi léé: Fɛan zo lé an ti gyɛboyinu a bɔna é pu, dé ’bɛ nyaa faa, maa dan an zuané Jakɔb gyɛ lɛ.

Wepélisiananu 32:28

É lé é ziin léé: I tɔ ’ka dan kɛlɛ lɛ Jakɔb é dɛrɛ lo, naa, wo dan i laa lɛ Izraɛl; i buo si Kazambale valé munu va yé i wo kele a nya, azama.

Wepélisiananu 33:4

Ézau da a va vlan nya; é Jakɔb tuu gyɛ, é vɔ a bɔrɔ ma yé é pwɛpwɛ vɔ a ma. Yé wo wuvɔ.

2 Minwiinmunu lé Wezuofe Sɛbɛ 17:10

Gakelebale lee kanale zén bɛntɛrɛnu faa lé wo ke Juda tɛrɛ zi, wo gi, yé wo ’ka guli dan lɛ Jozafat va lo.

2 Minwiinmunu lé Wezuofe Sɛbɛ 20:30

Yé Jozafat lé tɛrɛla vo drɔɔ, yé alé Bale flinle nɔ a lɛ bɛ faa ma.

Ezidras 8:36

Wo minwiinzan blɛn lé bélidɔwenu fe é bɛgizannu valé gbɔrɔnamanu lé wo ke yuu ma yirivɔnazia, wo lɛ, yé wo bɔ Bale lé munu va yé wo Bale lé kɔn dɔle lɛ sɔɔ.

Lɛrɛvɔ Sɛbɛ 69:31

Maa dan Bale tɔ vɔ lɛ lɛrɛ nya, Yé maa dan i tɔ kɛlɛ lɛ blɛn i tɔ zin fele nya.

Fwile 3:21

Maa dan a pa lɛ Éjipiti munu bli gi léé, ’wo wezin kɛlɛ ka lɛ, yé dé ka zi sia ka ’ka dan go lɛ ka lee koro nya lo.

Wegɔnévɔlenu 16:8

Fɛ sɛné fila vɔ, ’té we tegele a a va, é mini fɛ kiɛre lé weple ke a va, a ta.

Wegɔnévɔlenu 3:17

Alé tawobɛnu a tawobɛ sɔlenu nya, yé alé zinu faa a vole drɔɔ zinu nya.

Jérémi 15:11

Gakelebale léé: Webozen lé, izé é dan kɛlɛ lɛ néné é voéla; webozen lé, maa dan glawe kɛlɛ lɛ i nyanézan lɛ yé é dan é ’wuo wɔra lɛ i gane wuo, we tɔntɔn bɔbléyi valé kleblebléyi va.

Jérémi 39:12

Bé si, ’i yuɛ pa a va. Té i wenaané do kɛlɛ a lɛ lo; naa, we faa lé éé a laan i lee, bé kɛlɛ a lɛ ma.

Jérémi 42:12

Maa dan ka vazia nyanaizénbli nɔ lɛ a lɛ, yé a nyanai é dan zén lɛ ka ta, yé é dan zi nɔ lɛ ka lɛ léé, ka nyana kalé tɛrɛ la.

Daniɛl 1:9

Bale a kɛlɛ léé, miblalenu nwiinzan é Daniɛl ye mi zin valé nyanaizénlazan nya.

Rom munu 8:31

Kaa fé we ’konu ma nɔɔ? Dé Kazambale a kaa va, de ɛ kɛla kaa maa?

Filip munu 4:18

Maa fɛ faa ye; fɛnu a an lee di; anlé fuafɛnu lɛ a é sɔɔle, fɛnu lé ka wo pa Épafrodi lee yé é da wo nya an lɛ, wo nya. Wa bélé lasikɔrɔ gin néné zo, bélé saraka lé Kazambale a banfɛ blé, ’té é sɔ a lɛ bɛ, a zo.

Kolɔs munu 1:10

yé dé ka a dɔɔ yé ka tawo Mizan lé tawobɛ yɛrama yé kalé we ’é sɔ a lɛ bɛ faa ma. Ko a laan a lee é ziin léé, ’é tɔnɔ ye ka ma we zin gɔnɔ faa kɛlɛle nya yé ’ka kɛlɛ segele Kazambale dɔɔle gi;

Kolɔs munu 3:20

’Kaa nénu, ’ka ti valé ’ka bu lɛdɔma we faa gi ma, naa, ’bɛ a wezin nya Mizan lé we gi.

Ébrunu 13:21

’é ka bɛ sɔ we zinnu faa kɛlɛle nya ’é blibɔmawe lɛsɔɔle we gi ma; yé we lé é sɔ a lɛ, ’é yee ɛ kɛlɛ ka gi Jézu Krist nya ma; ’wo fua nɔ a lɛ lɛɛ faa ma, té a glɛ é dɔ lo. Amɛɛn.

1 Piɛri 3:13

Dé ka a wezin kɛlɛna ka sɔbɛla nya, de ɛ dan kle pa lɛ ka taa?

1 Jan 3:22

Dé kaa fɛofɛan laa Bale lee, kaa a yé a va, kaa a alé bélidɔwenu kɛlɛna, é valé a sɔlɛwenu nya, azama.