Wegɔnévɔlenu 16:6 - Kazambale lé Sebe Sauunu 1979

⁶ Zin kɛlɛle valé yara pale we la éé mi lé weple ’yiboo, yé kanale Gakelebale lee ma lé woo nwun zi dɔa wenyané ta.

Wegɔnévɔlenu 16:6 ပူးပေါင်းရင်းမြစ်များ

Wepélisiananu 20:11

Abraam a zi pa léé: Maa lé an bli gi léé, webozen lé, tɛrɛ ’ko la munu ’ka kanaan Bale lee lo, yé wo dan an gyɛ lɛ an na lé we ma.

Néémi 5:15

Munu lé wo wo dɔ gbɔrɔnamanu nya an ’lɛ é vinin, wo pla munu nwiin plɛplɛ; woo buru valé dɔrɔ sié wo lee; ’bɛ ta loru, woo gɔɔlifu sikla yɔ fié sié wo lee; wo wuozannu é ziin, wo yaa munu ta. An kanaan Bale lee, amalé an ’ka anzé kɛlɛ lɛ ’bɛ zo lo.

Néémi 5:9

Yé maa léé: We lé ka ke a kɛlɛna ’ko, é ’ka é zima lo. É ’ka lé ka tawo kanale nya kolé Bale lee loo? Dé ka kɛlɛ ’bɛ zo, bɛnnu lé ke ko nyanézannu nya, wo ’ka dan ko sɔnɔ lɛ loo?

JOB (Job) 28:28

Yé é lé blami lɛ léé: I a yé loo? Kanale Mizan lee lé ke wedɔɔle nya, Sile wenaané ma baa ɛ ke gikinile nya.

Lɛrɛvɔ Sɛbɛ 85:10

Iin, munu lé woo kanaan a lee, alé mi silewegi a wo sɔnɔ, A tɔbɔle vole ana kolé tɛrɛ la we ma.

Fwile 1:17

Naa, dɔtrɔlomu kana Kazambale lee yé wo ’ka Éjipiti mununwiinzan blɛn lɛdɔ lɛ a ma lo; wo nénu vo é yuɛma.

Fwile 20:20

Moizi lé munu lɛ léé: Té ka kana lo; ka gi danle koo, kanale Bale lee kɛlɛle ka gi yé ka ’ka wenyané kɛla lo koo, ’bɛ lé we ma lé Kazambale da.

Wegɔnévɔlenu 14:16

Wedɔɔzan éé kanaan, yé éé sɔn vɔa wenaané ma, naa, ’tugyɛzan é ébo kɛla blɛn yé é a a gi léé, we ’ka kɛla ’é lɛ lo.

Wegɔnévɔlenu 14:2

Mi lé éé tawoo é drɔle, éé kanaan Gakelebale lee, naa, mi lé éé zi plinlenu sian éé Bale yé boazan nya.

Wegɔnévɔlenu 14:27

Kanale Gakelebale lee a mi bélile ’wuo nya, mi sile ga lé sanbale lee we ma.

Wegɔnévɔlenu 16:5

Boblɛn bli faa a bélé bo zo Gakelebale yuɛ gi; weboen nya, wo ’ka dan vuru lɛ we lɛdɔle wo gi ma lo.

Wegɔnévɔlenu 20:28

Wezin kɛlɛle valé yara pale we la ɛ minwiinzan tabin‐é, yé é alé plale mi nwiin dɔa gligli weboen nya.

Wegɔnévɔlenu 3:3

Té wezin valé yarapale we ta é si i ma lo; ’i wo vɔ i bɔrɔ ma, ’i wo gyɛ i bli gi bélé sɛbɛ zo.

Wegɔnévɔlenu 3:7

Té ibozen ye wedɔɔzan nya lo; ’i kana Gakelebale lee, yé ’i yara si wenyané ta;

Wegɔnévɔlenu 8:13

Kanale Gakelebale lee lé ke wenyané za pale nya; É bɔluzan yele kiéné koo, boblɛn koo, tawobɛ naané koo, ’Léé nyané koo, wo za a an gi.

Daniɛl 4:24

Minwiinzan blɛn, nyɛ ’ko gi lé ke bɛ. Loruzan lé bélidɔwe lé ke bɛ. A lɛ é dan sɔɔ lɛ anzan minwiinzan blɛn zé nya.

Daniɛl 4:27

Bɛwemalé, minwiinzan blɛn, anlé we plale i lɛ ’é sɔ i lɛ ma. ’I daan ilé wenyané kɛlɛle ma; ’i we tegele kɛlɛ. ’Ilé weplenu vo yé i nyanai ’é zén nyanaizénlazannu ta; dé bé kɛlɛ a zo, i dan vo lɛ zin yena.

Lévinu 25:17

Té ka va mi do kpen é dabli kɛlɛ é bɔluzan lɛ lo, ’i kana ilé Bale lee; naa, maa a Gakelebale, kalé Bale nya.

WENÉNÉ LÉ LUK A GYE (Évangile selon Luc) 11:41

Fɛ lé é ke kana gi, ’ka blɛ kɛlɛ nyanégyɛmunu lɛ a nya yé fɛnu faa gi é dan bɔ lɛ ka lɛ.

WENÉNÉ LE JAN A GYE (Évangile selon Jean) 15:2

An bɛ faa lé wo ke an ma yé wo ’ka baan lo, éé wo kinié an ma, yé an bɛnu faa lé woo baan éé wo ma bɔié yé wo va ’é kɛlɛ é sésé, wo taa baale é ziin wo ma we gi.

Kelewenu 15:9

É ’ka kaalé we kɛlɛ lɛ é yɛrama yé é ’bɛnu zé kɛlɛ é yɛrama lo. É wo bli kɛlɛ sauun bli pale ma.

2 Korɛnt Munu 7:1

An sɔlɛzannu, blivolɛdére ’ko zonu a kaa lee, amalé kaa dɔbɛ kyɛn ma tiridɔfɛnu valé léli ma tiridɔfɛnu faa si kaa ma ma, kaa kɛlɛle sauun lɛsɔɔle we ma, kanale Kazambale lee nya.

Éfez munu 5:21

yé ’ka pla ka ke wuo Jézu Krist lee kanale nya ma.

Bélidɔwesɛbɛ Fiézan 30:13

É ’ka wɛyi zi, yé ka fé léé, de ɛ dan wɛyi kini lɛ yé é a nagini ko lɛ yé é da a fe ko lɛ yé ko a ta tawoo? lo.

1 Piɛri 1:22

Webozen lɛdɔmale nya lé ka boen kɛlɛ wéiin, ka sɔle ka ke lɛ tegele bélé bwenu zo we gi, amale sin, ’ka sɔ ka ke lɛ é baba, ka bli faa nya ma.