Wegɔnévɔlenu 16:20 - Kazambale lé Sebe Sauunu 1979

²⁰ Mi lé éé we bɔrɔan é bɔn‐in éé wezin yé, yé mi lé é ébo bɛ paan Gakelebale lee, a gi éé nanaan.

Wegɔnévɔlenu 16:20 ပူးပေါင်းရင်းမြစ်များ

Minwiinzannu lé Wezuofe Sɛbɛ 5:20

Mi bɛnu da bɔ lɛ wo va, yé wo Agarénu valé wo vamunu faa kele. Naa, gulidanbléyi va wo siaa Kazambale lɛ, yé wo ’wobo bɛ pa a lee, amalé Bale a ’ma.

Lɛrɛvɔ Sɛbɛ 125:1

Gɔ gié lɛrɛ do lé. Munuan woo paan Gakelebale ta Wa bélé Siɔn gɔblɛn zo; a ma ’ka nyɔɔnma lo, É a é dɔle gligli lɛɛfaama, a glɛ ’ka lo.

Lɛrɛvɔ Sɛbɛ 146:5

Mian éé Jakɔb zé Bale sié é bɔavazan nya, ’Té a bli a Gakelebale, azé Bale lɛ, azé a néné.

Lɛrɛvɔ Sɛbɛ 2:12

’Ka a be tuu gyɛ ma, dé a bli é da nwa Yé ka zamagawo kalé zi ta, Naa, a bli éé flian é kele bélé kyɛblele zo. Munu faa lé woo paan a ta, wozé a néné.

Lɛrɛvɔ Sɛbɛ 32:10

Mi nyanénu lé nyanéblelenu a kiɛre Naa, mian éé paan Gakelebale ta, alé zin é dan a zi lɛ sɔɔ lɛ.

Lɛrɛvɔ Sɛbɛ 34:8

Munu lé woo kanaan Gakelebale lee, alé lanje éé yiié wo zi, Yé dé gawe bɔ wo ma, éé wo sié a gi.

Wegɔnévɔlenu 13:13

Mi lé éé Bale dére yé boadére nya, é ébo saan, naa, mi lé éé kanaan bélidɔwe lee, wa banwoo.

Wegɔnévɔlenu 13:15

Wedɔɔle bozen éé mi kɛla mi zin nya, naa, liwozannu lé zi a tɔntɔn.

Wegɔnévɔlenu 17:2

Mi wuozan lé é we dɔɔ, éé plaan mi be lé éé mi gya yara nya, a nwiin, yé é dan zara ble lɛ a bwenu méléna.

Wegɔnévɔlenu 19:8

Mi lé a yuɛi ke é kinile abozen éé sɔa a lɛ; mi lé ’wuoatawe sɔ a lɛ éé fɛ zin yé.

Wegɔnévɔlenu 8:35

Naa, mi lé é maa ye, é bélile ye, Yé é Gakelebale lé zin ye.

Ézai 30:18

Duowo, Gakelebale a a va léé, é zin kɛlɛ ka lɛ, yé é dan nwa lɛ nyanai zénle ka ta we gi. Naa, Gakelebale a Bale lé éé we tegele kɛla, a nya. Munu faa lé wo bli ke a lɛ, wo gi a é nanale.

Daniɛl 3:28

Nébukanɛsaa léé: Sadrak koo, Mésak koo, Abɛd‐Négo koo, wolé Bale drɔɔ ’é vo ma. Yeean é lanje pa zia yé a wuozannu lé wo bli ke a lɛ, ’té woo minwiinzan blɛn lé bélidɔwe lɛganma, yé wo bli si wo kɔlɛ lɛ, yé dé é ’ka wozé Bale do kpen nya lo, wo ’ka a nyi sié léé, wo ’wuo tua bale bɛnu lɛ yé wo ’bɛnu bɔ lo, yee ɛ wo si we gi.

Daniɛl 6:23

Yé minwiinzan blɛn gi nana é baba, yé é léé, ’wo Daniɛl bɔra guru gi. Wo Daniɛl bɔra guru gi, yé wo ’ka tuona do kpen ye lɛ a kɔlɛ ma lo; a pale a élé Bale ta, azama.

Matio 10:16

Ka ye, maa ka nwunvɔ bélé ’blanu zo glaunu méléna. Amalé ka gi ’é kini bélé méné zo ma, yé ’ka vo drɔɔ bélé plala zo ma.