Wegɔnévɔlenu 15:9 - Kazambale lé Sebe Sauunu 1979

⁹ Mi nyané giébɛ a lɛrɛlɛrɛ Gakelebale yuɛ gi, naa, mi lé éé goo we tegele zuo, ’bɛ éé sɔa a lɛ.

Wegɔnévɔlenu 15:9 ပူးပေါင်းရင်းမြစ်များ

Lɛrɛvɔ Sɛbɛ 1:6

Naa, Gakelebale mi tegelenu lé zi dɔɔ, Yé wenyanékɛlɛzannu lé zi éé goo mi sɛrɛna.

Lɛrɛvɔ Sɛbɛ 11:7

Naa, Gakelebale a tegele; we tegele éé sɔa a lɛ. Mi drɔlenu é dan a yara ye lɛ.

Lɛrɛvɔ Sɛbɛ 139:24

Bé nagini, dé maa a zi naané taa? Yé ’i go an nya vole é yuɛma lé a glɛ ’ka lo, alé zi ta.

Lɛrɛvɔ Sɛbɛ 5:5

Naa, Bale lé a gi éé nanaan wenaané ma, ’bɛ ’ka i nya pelo; Mi nyanénu ’ka nyanaan i sɔnɔ lo.

Wegɔnévɔlenu 15:10

Mi lé é si zi drɔle ta, we lɛdɔle a gi plɛplɛ a a lɛbɛnna; mi lé éé weplale ’é lɛ za paan, é dan ga lɛ.

Wegɔnévɔlenu 21:21

Mi lé éé goo we tegele valé we zin zuo, bélile koo, we tegele koo, tɔbɔle koo, wa azé nya.

Wegɔnévɔlenu 21:4

Mi ginile é yuɛ zuo valé bliile blɛn ɛ ke mi naané lé kyɛbɔ nya, é a wenyané saa nya.

Wegɔnévɔlenu 21:8

Wegyɛzan éé giéan zi plinlenu ta, naa, weanwiinlozan éé we drɔle kɛla.

Wegɔnévɔlenu 4:19

Wenyanékɛlɛmunu lé zi a bélé gunuti zo; fɛ lé éé wo diaan wo ’ka a yé lo.

Wegɔnévɔlenu 8:13

Kanale Gakelebale lee lé ke wenyané za pale nya; É bɔluzan yele kiéné koo, boblɛn koo, tawobɛ naané koo, ’Léé nyané koo, wo za a an gi.

Ézai 26:7

We drɔle a mi tegele lé zi nya; Bii lé i ke tegele, i mi tegele lé zi ta bɔa ékema.

Ézai 51:1

Ka lé ka tawoo we tegele zuo, ’Té ka Gakelebale naginian, ’ka tɔné dɔ an lɛ. Gɔlɛ lé wo ka so a ma, a sele ’é dɔ ka gi ma, Guru lé wo ka si a gi, a sele ’é dɔ ka gi ma.

Ézai 51:7

Ka lé ka wetegele dɔɔ, ’ka tɔné dɔ an lɛ; ’Kaa munu lé anlé bélidɔwe ke ka bli gi, ’ka tɔné dɔ an lɛ. Dé munu serele bo ka ma, té ’bɛ é kana zén ka gi lo, Dé wo ka sɔnɔ, té ’bɛ é gligli zén ka gi lo.

Jérémi 44:4

Maa an wuozannu balelayezannu faa pa ka lɛ zia, yé an ’ka daan lɛ wo pale ma ka lɛ zia lo, a fele ka lɛ we ma léé, bozowe ’konu lé wo za ke an gi, té ka wo kɛlɛ lo.

OZÉ (Osée) 6:3

’Ko Gakelebale dɔɔ ma, ’ko kwa kuli léé, ’ko a dɔɔ ma; za ’ka a dale ta lo, bélé tu kinile zo. É dan da lɛ kolé we ma bélé lɛɛ zo, bélé lɛɛ vinin lé éé tɛrɛ ta blin‐an, a zo.

Abaku 1:13

Bii a sauun fɛan zo, i yuɛ ’ka vɔa wenaané ta lo, yé i ’ka bɔa weple naginile lɛ lo. Mɛmalé i dabli kɛlɛ munu yé, yé i ta é vo é dɔlee? Yé dé mi nyané a mi zin sɛrɛna, yé i ’ka a siéla loo?

Matio 7:13

’Ka wɔra zi ’léé kiénéna. Zi lé éé goo mi sanlenu gona, a ’léé a blɛn yé a laala a é gyɛle, yé mi kiɛre éé wɔraan yee ɛ na.

Bélidɔwesɛbɛ Fiézan 7:13

É dan ka lɔrɔ pa lɛ; é dan ka drɔɔ vo lɛ yé é dan ka fan lɛ; nénu lé wo bɔn ke wo bunu ma, é dan wo drɔɔ vo lɛ yé é dan kalé féifɛ drɔɔ vo lɛ; kalé ’sa koo, kalé dɔrɔ dɛrɛ valé kalé nyɔnɔ koo, kalé dirinu valé kalé trubɛnu lé né yaale koo, é dan wo faa drɔɔ vo lɛ, tɛrɛ lé ébo ’nyɔɔn ka tranu lɛ léé, é dan a nɔ lɛ ka lɛ, a ta.

1 Timoté 6:11

Naa, bii Kazambale lé mi, ’i vlan buru we ’konu lee, yé we tegele koo, Kazambale lé zi sɔlɛle koo, blipale koo, sɔlɛle koo, bli tiéé koo, bli drɔɔ koo, ’i kwa kuli léé, wo vɔ i bli gi.

2 Timoté 2:22

Wenu lé a lɔrɔ éé pɛniɛnu gya kaii bɛ, té wo lɔrɔ i gyɛ lo. Kɛlɛle tegele koo, blipale koo, sɔlɛle koo, vole drɔɔ koo, munu lé woo Mizan tɔ laan wo bɔn gi fu nya, wa kwa kulina wo yele we ma. ’I pa wo va yé ’ka kwa kuli wo nya.