Wegɔnévɔlenu 15:8 - Kazambale lé Sebe Sauunu 1979

⁸ Mi nyanénu lé saraka a lɛrɛlɛrɛ Gakelebale yuɛ gi, naa, mi drɔlenu lé bazorole éé sɔa a lɛ.

Wegɔnévɔlenu 15:8 ပူးပေါင်းရင်းမြစ်များ

2 Samuɛl 15:12

Bléyian va lé Abusalɔm a Bale banna é mi nwunvɔ Gilo léé, ’wo da we pla David lɛzan Gilo mi Asitofɛl nya ’é va. Gipamima we ’ko kɛlɛ plɛplɛ yé mi gu lé wo go Abusalɔm va, wo taa vo zénna a va.

1 Minwiinzannu 3:10

We lé Salomɔn a laa, é sɔ Mizan lɛ.

Minwiinzannu lé Wezuofe Sɛbɛ 29:17

Oo, anlé Bale, maa gi dɔɔ léé, i mi bli gi ginian yé we drɔle sɔ i lɛ; é ziin, maa blɛ drɔɔnu ’ko faa nɔ i lɛ an bli gi drɔle nya, yé maa ye léé, ilé munu lé wo ke ’ko, wo blɛ ’konu kɛlɛ i lɛ bli drɔɔ nya, yé ’bɛ an gi nana.

Lɛrɛvɔ Sɛbɛ 141:2

Anlé bazorodére ’é kɛlɛ i yuɛ gi bélé lasikɔrɔ lé wa kyɛ blé, a zo ma, Yé ’i an bɛ nwale ye bélé nyanadi balebanle zo ma.

Lɛrɛvɔ Sɛbɛ 17:1

David lé bazorole. Gakelebale, ’i tɔné dɔ we tegele lɛ, ’i an siaalenu ’ma, Anlé bazorodére lé maa a fe an lɔlu nya, ’té dabliwe ’ka a va lo bɛ, ’bé ban i tɔné nya.

Wegɔnévɔlenu 10:24

Wean mi nyané a kana paan, yee ɛ bɔa a ma; yé mi tegelenu bli bɔ fɛan ma, yee lé wa no wo lɛ.

Wegɔnévɔlenu 15:29

Gakelebale éé sié mi naanénu ma baa, naa, éé tɔné dɔa mi tegelenu lé bazorole lɛ.

Wegɔnévɔlenu 15:7

Wedɔɔzannu lɔlu éé wedɔɔle nwɛɛn‐an, naa, ’tugyɛzannu bli ’ka tegele lo.

Wegɔnévɔlenu 21:27

Mi naané lé saraka a bélé bo zo; yé dé é a bo é gi bɔrɔle naané nya é bli gi nii?

Wegɔnévɔlenu 21:3

We tegele valé we drɔle kɛlɛle a é sɔe Gakelebale yuɛ gi é mini saraka bole ta.

Wegɔnévɔlenu 28:9

Dé mi é tɔné lɛ tan bélidɔwe ’male ma, alé bazorole boen a bélé bo zo.

Bale Lé We Gifezan 5:1

Té i we fe é kele lo, yé té i bligiwe do fe Kazambale lɛ é kele lo; naa, Kazambale a la gi, yé bii a tɛrɛ la; amalé i dére ’é kɛlɛ sɛ.

Wegɔné Ma Lɛrɛ 2:14

Anlé plawuo, bii a é yɔɔle gɔlɛfee gyɛna gi, I a é yɔɔle gɔlɛkoro gi, ’I yara gɔɔn an lɛ, ’I we, ’maa ’ma, Naa, i dére a néné yé i yara an gi nanaan.

Ézai 61:8

Naa, maa, Gakelebale, we tegele sɔ an lɛ, ’Wiile fɛ ta kyeenwole nya valé weple za a an gi; An yuɛgi ’ka dan blan lɛ wo banwole ma lo. Gipawe lé é ’ka nyaan lo, maa dan a kɛlɛ lɛ wo va.

Ézai 66:3

Dé wa an banna diri nya, an ’bɛ yé bélé migyɛle zo; dé wa saraka bona an lɛ ’bla nya, an ’bɛ yé bélé blén bɔrɔ yélile zo; dé wa blɛfɛ nɔna an lɛ, an ’bɛ yé bélé suru nyɛ zanale zo; dé wa lasikɔrɔpo kyɛ blena an lɛ, an ’bɛ yé bélé miyili banle zo; wo faa bɛ, wo kɛlɛwe sɔ wo lɛ, yé wo gi éé nanaan ’wolé bozowe kɛlɛle ma.

Jérémi 6:20

Séba tɛrɛ la lasikɔrɔpo lé wa kyɛ blé koo, gyan ginzan lé éé sié tɛrɛ baa la koo, an mawe a wo gii? Winu lé ka wo kyɛ blé an lɛ, wo ’ka an gi nanaan lo, yé kalé sarakanu ’ka sɔ lɛ an lɛ pelo.

Daniɛl 9:23

I kun bazorole ma bléyian va, Gakelebale dére fe yé an da a fe lɛ i lɛ. Naa, i sɔ a lɛ é baba. I tɔné dɔ dére ’ko lɛ yé i yuɛziwe gi ’ma.

Lévinu 7:18

Dé é kɛlɛ léé, mi ’élé bɔvɔ saraka wi ble a yi yaazan nya, Kazambale ’ka dan ’é ban‐ɛn ble lɛ lo; wo ’ka dan a ye lɛ léé, mi ’ko é saraka bo lo; é sɛrɛ, yé dé miomian é a ble, we a ’bɛzan nwiin é dɔle.

Misé 6:6

An dan go lɛ Gakelebale va mɛ zantévɔfɛ nya an lee, yé an ’wuo wɔra Loruzan Bale gane wuoo? An dan go lɛ balebanwi lé wa kyɛ blé, a nya, taa, lɛɛ do dirigɔné léé?

Misé 6:7

Dé an go ’blagɔné wuru é wuru nya, Gakelebale é dan é ban‐ɛn ble lɛɛ? Dé an nyɔnɔ nɔ a lɛ bélé ’yiyorole kiɛre zo, é dan é ban‐ɛn ble lɛɛ? É a lé maa anlé né vinin nɔ bélidɔwenu lé maa wo sɛrɛ, a we maa? Maa dan an giné nɔ lɛ anlé wenyané ma ban nyaa?

Agajé 2:14

Yé Agajé we taa fe léma: Gakelebale léma: Munu ’ko a ’bɛ zo an yuɛ gi, bɛn ’ko a ’bɛ zo an yuɛ gi; wo panyanama faa a ’bɛ zo é ziin; blɛ lé wa kɛla an lɛ fɛkona bɛ, a tiri a.

Malasi 1:10

Ka va mi kyɛn ɛ dan anlé kɔn lɛ tan lɛ léé, té ka kyɛ bi an banna ta é pla loo? Lai sunyanu lé Gakelebale léé: Kalé we ’ka an gi do boen nanaan lo; fɛ lé ka an ban a nya, maa ’ka dan an ban‐ɛn ble lɛ lo.

WENÉNÉ LE JAN A GYE (Évangile selon Jean) 4:24

Kazambale a léli nya, yé munu lé woo Kazambale bɔa, é a lé wa bɔ léli valé webozen nya ma.