Wegɔnévɔlenu 15:5 - Kazambale lé Sebe Sauunu 1979

⁵ ’Tugyɛzan é é ti lé wepaale yé boawe nya, naa, mi lé éé weplale ’é lɛ nyi sié, éé we kɛla ’wuoatawe nya.

Wegɔnévɔlenu 15:5 ပူးပေါင်းရင်းမြစ်များ

Minwiinzannu lé Wezuofe Sɛbɛ 28:20

David lé é be Salomɔn lɛ léé: ’I dɔ gligli, ’i bli ta dɔ plɛplɛ, ’i we kɛlɛ; té i kana lo, té di é kini i gi lo. Naa, Gakelebale anlé Bale, é dan kɛlɛ lɛ i va; é ’ka dan i vo lɛ lo, é ’ka dan sɔn vɔ lɛ i ma lo, fɔɔ yé nyanamanu lé wo dan wo pa lɛ Gakelebale lé kɔn giwenu kɛlɛle lé we ma, yé wo lɛ é sɔɔ.

Minwiinzannu lé Wezuofe Sɛbɛ 28:9

Yé bii, an be Salomɔn, ’i i ti Bale dɔɔ ma, bé kun i bɛ fié nya, bélé nyanama pa i bli faa nya ma, naa, Gakelebale éé mi faa bli gi ginian fɔɔ yé é bɔ a wɔlɛ ma, yé é mibligiwe valé mi lé gibɔrɔlenu faa dɔɔ. Dé bé nagini, é dan zi nɔ lɛ i lɛ léé, i ’é ye; dé i sɔn vɔ a ma é dan sɔn vɔ lɛ i ma yifaama.

Lɛrɛvɔ Sɛbɛ 141:5

Dé mi tegele an bla, ’té wezin lé é a kɛlɛ an lɛ; Dé mi we lɛdɔ an gi, ’té é a bélé é nyɔnɔ zén an nwiin. An ’ka dan an ’wuo si lɛ a wuo lo; Naa, an dan bazoro lɛ wolé wenaané kɛlɛle ma é ziin.

Wegɔnévɔlenu 1:23

’Ka nɔla anlé wepladére ’male we gi. Ka ye, maa dan an léli zén lɛ ka ta. Maa dan an dére paa lɛ ka gi.

Wegɔnévɔlenu 1:7

Kanale Gakelebale lee a wedɔɔle pélisiana nya; gikinile valé wepaale mi gi ’ka we do nya ’tugyɛmunu yuɛ gi lo.

Wegɔnévɔlenu 10:1

Wedɔɔ be é ’é ti gi nanaan; ’tugyɛ be é ’é bu gya yara nya.

Wegɔnévɔlenu 13:1

Wedɔɔ be éé tɔné dɔa é ti lé wepaadére lɛ, naa, wenanazan ’ka we plale ’é lɛ nyi sié lo.

Wegɔnévɔlenu 13:18

Mi lé éé sɔn vɔa wepaadére ma, nyanégyɛle valé yaragyɛwe a azé nya, naa, mi lé éé weplale é lɛ nyi sié, wa tɔ bɔa.

Wegɔnévɔlenu 15:4

Dére drɔɔ a mibélifɛ nya, naa, nɛnɛ sɛrɛle éé mi sɛra.

Wegɔnévɔlenu 15:6

Fɛ kiɛre a mi tegele lé kɔn gi, naa, blikyɛdɔwe a mi nyanénu lé tɔnɔ nya.

Wegɔnévɔlenu 19:20

’I tɔné dɔ weplalenu lɛ yé ’i we paale i gi nyi si, i gi kinile we gi, ilé tɛrɛla yinu lé wo vo i ’lɛ bɛ, wo gi.

Wegɔnévɔlenu 25:12

Wedɔɔzan lé éé we plaan tɔnégidrɔɔzan lɛ, é a ’bɛzan lɛ bélé tɔnémakyan valé ’lɛrɛkyan wezan zo.

Wegɔnévɔlenu 6:23

Naa, weplale a kyɛbɔ nya, yé wepaale a kyɛsan nya, yé mi drɔ dérenu a mibélizi nya.

Tite 1:13

Webozen lé é a fe. Bɛwemalé ’i we vɔ wo lɛ yara plɛplɛ nya, wolé blipale kɛlɛle tegele we ma.

Tite 2:15

Wenu lé é a lé bé fe munu lɛ, wo lé ke bɛ. ’I we pla munu lɛ, ’i wo saanna gɔɔn wo lɛ. A se a i lɛ. Té mi do kpen i ye boami nya lo.