Wegɔnévɔlenu 15:32 - Kazambale lé Sebe Sauunu 1979

³² Mi lé éé sɔn vɔa é drɔle ma, é ébozen yé boami nya, naa, mi lé éé tɔné dɔa weplale lɛ, a gi é dan kini lɛ.

Wegɔnévɔlenu 15:32 ပူးပေါင်းရင်းမြစ်များ

Lɛrɛvɔ Sɛbɛ 50:17

Biian anlé wepaale za ke i gi loo? Yé biian i an dére vuli i zuo loo?

Wegɔnévɔlenu 1:7

Kanale Gakelebale lee a wedɔɔle pélisiana nya; gikinile valé wepaale mi gi ’ka we do nya ’tugyɛmunu yuɛ gi lo.

Wegɔnévɔlenu 10:17

Mi lé a drɔle sele éé dɔa a gi, é a bélile zi siana, naa, mi lé a gi éé saan we plale é lɛ ma, é a ébo sanna.

Wegɔnévɔlenu 13:18

Mi lé éé sɔn vɔa wepaadére ma, nyanégyɛle valé yaragyɛwe a azé nya, naa, mi lé éé weplale é lɛ nyi sié, wa tɔ bɔa.

Wegɔnévɔlenu 15:14

Gikinizan bli éé wedɔɔle naginian, naa, ’tugyɛwe fele a ’tugyɛzan ’léé néné.

Wegɔnévɔlenu 15:21

Mi lé a ’wuo ke é sɛrɛle, ’tugyɛwe a alé ginanawe nya, naa, gikinizan éé goo zi drɔle ta.

Wegɔnévɔlenu 15:31

Wepladére lé éé goo mi nya bélile va, mi lé éé tɔné dɔa ’bɛ lɛ, é dan nyana lɛ wedɔɔmunu va.

Wegɔnévɔlenu 15:33

Kanale Gakelebale lee éé wedɔɔle no mi lɛ, yé tɔbɔle éé dan bo kɛlɛle kiéné zuo.

Wegɔnévɔlenu 15:5

’Tugyɛzan é é ti lé wepaale yé boawe nya, naa, mi lé éé weplale ’é lɛ nyi sié, éé we kɛla ’wuoatawe nya.

Wegɔnévɔlenu 17:16

Gɔɔli kɛlɛle ’tugyɛzan lee, ’bɛ ɛ mɛ kɛlaa? Éé wedɔɔle lɔa a nyaa? Naa, é ’ka we do dɔɔa lo.

Wegɔnévɔlenu 18:15

’Wuoata bli éé we dɔɔan, yé gikinimunu tɔné éé wedɔɔle ginian.

Wegɔnévɔlenu 19:20

’I tɔné dɔ weplalenu lɛ yé ’i we paale i gi nyi si, i gi kinile we gi, ilé tɛrɛla yinu lé wo vo i ’lɛ bɛ, wo gi.

Wegɔnévɔlenu 29:1

Mi lé a yara a lé, wo we pla a lɛ, yé é ’ka é ’wuo dɔa a wuo lo, wo dan a ’wii lɛ za ma, té a lia ’ka lo.

Bale Lé We Gifezan 7:5

Dé i tɔné dɔ wedɔɔzan lé weplale lɛ, ’bɛ fila vɔ é mini tɔné dɔle ’tugyɛzannu lé lɛrɛvɔle lɛ.

Ézai 1:5

Dé kalé nwale an ma gi gya, mɛ nya lé maa we lɛdɔa ka gi é dɛrɛɛ? Gyɛ a ka ’wuo ma fɛfaana, yé ka bli faa a yaana.

Ézai 3:9

Wo yara dɔbɛ éé wo ma we fé, yé wo ’wolé wenyané zana dɔɔan bélé Sɔdɔm munu zo, yé wo ’ka a ta yɔɔan lo. Wa we tɔntɔnnu ma’lɛrɛna ’wobo lɛ, amalé wo gale nyɔ.

Jérémi 5:3

Gakelebale, i yuɛ ’ka webozen yé loo? I wo bla, yé é ’ka ’na lɛ wo ma lo; I wo nyaa, yé wo ’ka ilé wepladére nyi si lɛ lo; Yé wo yuɛma dɔ plɛplɛ bélé gɔlɛ zo. Wo sɔn vɔ ’wo bli nɔlale ma.

Bélidɔwesɛbɛ Fiézan 21:18

Dé mi do be a, yé é ’ka mi zin nya lo, yé é a wemaplɛplɛzan nya, dé é ’ka tɔné dɔa é ti valé é bu dére lɛ lo, dé wo we lɛdɔ a gi faa yé é ’ka wo lɛdɔama duowo lo,

Bélidɔwesɛbɛ Fiézan 21:20

Wo dan a fe lɛ fla mi segelenu lɛ léé: Ko be lé ke ’ko, é ’ka mi zin nya lo yé alé we ma a plɛplɛ; é ’ka é tɔné dɔa ko dére lɛ lo; ébo no wevɔnle valé nwɛ tanle lɛ.

Ébrunu 12:15

’Ka yuɛ pa kabozen va, léé, té mi do é vuru Kazambale lé zin ma lo; mi sɛrɛwenu lé woo blan sié é kele bɛ, té wo wɔra ka méléna yé wo gi bɔrɔ pa mi ma yé mi kiɛre é sɛrɛ lo.

SEBE LÉ JAK A GYE (Épitre de Jacques) 1:22

Naa, we do ana, é a lé ka tawo Kazambale dére ta, té ka tɔné dɔ a lɛ é pla saawo lo, dé ’bɛ kaan lo, ’té ka a dabli kɛlɛna kabo lɛ.

Wegɔɔnle 3:19

Munu faa lé wo sɔ an lɛ, maa we plaan wo lɛ plɛplɛ yé maa we lɛdɔa wo gi. Amalé i fuu ’é dɔ i ta yé ’i bli nɔla ma.