Wegɔnévɔlenu 15:3 - Kazambale lé Sebe Sauunu 1979

³ Gakelebale yuɛ a fɛfaana, mi nyané valé mi zinnu naginile we ma.

Wegɔnévɔlenu 15:3 ပူးပေါင်းရင်းမြစ်များ

2 Minwiinmunu lé Wezuofe Sɛbɛ 16:9

Naa, Gakelebale éé tɛrɛlamunu faa naginian, munu lé wo bli ke a lɛ é ta lé kɔn‐an, wo dɔle gligli we ma. I we ’ko kɛlɛ ’tu nya. Naa, guli é dan nwa lɛ i ma lao bɛ.

JOB (Job) 24:23

Éé wo nyanaan duaa, ’té wo bli a we lɛ, Yifaama a yuɛ a wolé zi ta.

JOB (Job) 28:24

Naa, éé tɛrɛ glɛ sina yé, Éé la wuofɛnu faa yé, azama.

JOB (Job) 31:4

Kazambale ’ka an giégane ye lɛ loo? É ’ka an gane panu nɔnɔ lɛ loo?

Lɛrɛvɔ Sɛbɛ 33:13

Gakelebale a la gi loru, ’té éé fɛ naginian, ’Té éé blaminu faa yé;

Wegɔnévɔlenu 15:4

Dére drɔɔ a mibélifɛ nya, naa, nɛnɛ sɛrɛle éé mi sɛra.

Wegɔnévɔlenu 5:21

Naa, mi lé tawobɛnu a Gakelebale lé éé mi lé zinu naginian, a yuɛ va.

Jérémi 16:17

Naa, an yuɛnu a wolé tawozinu faa ta, wo yɔɔna do kpen ’ka an lee lo, yé wolé weplenu ’ka é yɔɔle an lee lo.

Jérémi 23:24

Gakelebale léma: Mi éé bɔalɛ yé ébo yɔɔ fɛdona, ’té maa ’ka a yé loo? Gakelebale léma: Maa ’ka la valé tɛrɛ faan loo?

Jérémi 32:19

I we plaan mi lɛ i zua, yé i a plɛplɛ we kɛlɛle gi; i yuɛ a é fuole blami kɛlɛwe yele we ma, léé, i wo faa do do banwo wolé tawobɛ yɛrama, wolé we kɛlɛbɛ yɛrama.

Zakari 4:10

Munu lé woo nyé yélié we pélisiale dɛrɛ kiéné ma, dé wo kɔndɔma nivoo ye Zorobabɛl lee, wo gi é dan nana lɛ. Fɛ sɔrafié ’ko, wa Gakelebale yuɛ sɔrafié lé woo dɔwoo tɛrɛ faa la, wo nya.

Ébrunu 4:13

Kɛlɛfɛnu va fɛ do kpen ’ka é yɔɔle Kazambale lee lo, naa, wo faa a é porole, yé wo faa ta a é bɔrale mi lé é a lé kaa kaalé we zuo fe a lɛ, a yuɛ gi.