Wegɔnévɔlenu 15:27 - Kazambale lé Sebe Sauunu 1979

²⁷ Mi lé a bli ke blɛn, é ébo lé kɔn gi kyɛ dɔa, naa, mi lé éé blɛnu za paan, é dan vo lɛ é yuɛma.

Wegɔnévɔlenu 15:27 ပူးပေါင်းရင်းမြစ်များ

1 Minwiinzannu 2:40

Siméi nwa yé é nyanalafɛ pla élé sokofale punu yé é go Akis va Gat, ’é wuozannu ginile we gi. Yé Siméi go yé é wuomunu si Gat yé é da wo nya.

2 Minwiinzannu 5:27

Naaman lé pantɛn é dan zén lɛ bii valé i kulu ma lɛɛfaama. Yé Géazi si Élizé va pantɛn nya é ma fu bélé kununu zo.

Lɛrɛvɔ Sɛbɛ 15:5

Alé gɔɔli lé wa drɔn gyɛ a lee, a ma we ’ka a taa gi pelo, Yé gɔɔli lé wo we dɔ a nya weanwiinlo munu nwiin, é ’ka ’bɛ blɛ ’ko sile nyi sié pelo. Mian éé we kɛla ’bɛ zo, é ’ka dan dia lɛ monomono lo.

Fwile 18:21

’I munu vabo, yé munu lé woo we kɛla ’wo zua, ’té woo kanaan Kazambale lee, ’té wa mi wéiinnu nya, ’té wo bli bɔle fɛ ma za paan, ’i wo si munu va; ’i wo dɔ munu wuru soru soru koo, mi yɔ soru soru koo, mi yɔ fié wɔlɛ vu vu koo, mi vu vu koo, wo nwiinzannu nya.

Fwile 23:8

Té i blɛ si lo; naa, blɛfɛnu sile éé yuɛ fuozan yuɛ ’wiié, yé éé mi tegelenu dére sɛra.

Wegɔnévɔlenu 1:19

A zo lé éé kɛla munu faa lé é sɔ wo lɛ léé, ’wo fɛ yé, wo lɛ; munu faa lé wobo no blibɔle fɛ ma lɛ, éé wo saan.

Wegɔnévɔlenu 11:19

’Bɛ zo lé we tegele éé goo mi nya bélile va, naa, mi lé éé goo wenaané zuo éé ga yé.

Wegɔnévɔlenu 11:29

Mi lé ébo lé kɔn gi kyɛ dɔa, é dan fu ye lɛ élé tɔnɔ nya, yé ’tugyɛzan é dan kɛlɛ lɛ wedɔɔzan lé luu nya.

Wegɔnévɔlenu 15:26

Gibɔrɔ naané a é lɛrɛlɛrɛ Gakelebale yuɛ gi, naa, dére zin gi a é bɔle a yuɛ gi.

Wegɔnévɔlenu 20:21

Zarafɛ lé wa yé é kele a pélisiana, a drɔɔ ’ka dan vo lɛ é voéla lo.

Wegɔnévɔlenu 23:4

Té ibo wɔlɛi nyaa i ma kɛlɛle fua nya we gi lo, té i yara pa a naginile ta lo.

Wegɔnévɔlenu 28:16

Minwiinzan lé a ’wuo ’ka a ta lo, éé nyané pale mi ta lɛ sié, naa, mi lé éé fɛ kiɛre yele za paan, é élé tɛrɛla taa paan.

Wegɔnévɔlenu 28:25

Boblɛnzan éé mi vɔa ékema, naa, mi lé ébo bɛ pa Gakelebale lee, éé kaan.

Wegɔnévɔlenu 29:4

Minwiinzan é élé tɛrɛ dɔa gligli we tegele kɛlɛle nya, naa, mi lé éé blɛfɛnu sié, éé a guru zanaan a gi.

Jérémi 17:11

Doo éé buaan nyɛné lé é ’ka a vɔ lɛ lo, a ta fɛan zo bɛ, A zo duo lé mi lé éé fua blé dabli nya, a zo lé alé we ke. Alé tɛrɛla é dan bɔi lɛ a ta yé é si wo zi, Yé é kɛlɛ ’tugyɛzan nya é voéla.

Bélidɔwesɛbɛ Fiézan 16:19

Té ka we tegele bɛ gi plɛn lo; té ka dɔ mi zuo é leefɛ ma lo, té ka fɛ si munu lee weblele we gi lo, naa, éé wedɔɔmunu yuɛ ’wiié yé éé mi tegelenu dére sɛra.

Bélidɔwesɛbɛ Fiézan 7:26

Té ka da ’bɛzofɛ nya kalé kɔn gi lo; dé ka kɛlɛ, ’té bale a é pale ka ma bélé yee fɛnu zo; ’ka serele bo fɛ ’konu ma, ’ka wo ye bélé bo zo, naa, bale pamafɛ lé.

1 Timoté 6:10

Naa, bli bɔle gɔɔli ma a wenyanénu gɔnɔ faa suni do nya, yé mi kenu si Kazambale lé we gi bli bɔle gɔɔli ma we ma, yé wo ’wobozen vɔ nyané plɛplɛnu gi.

1 Timoté 6:9

Munu lé wo bli éé bɔa fuablele ma, wo dan wo gi dan lɛ, yé wo dan vɔ lɛ mikunsan ’léé, yé wo bli é dan bɔ lɛ ’wuosɛrɛwe kiɛre kiɛre valé misɛrɛ?-?we kiɛre kiɛre lé woo mi sɛra tata ’té woo goo mi nya mi sanlenu gona, wo ma.

Jozué 6:18

Naa, ’ka yuɛ pa kabozen va, fɛnu lé wo dan bale pa lɛ wo ma, wolé we ma. Naa, fɛnu lé wo dan wo nɔ lɛ Bale lɛ bale pale wo ma nya, dé ka wo si, ’té ka bale pale nɔla Izraɛl ta yé ka dan we tɔntɔn bɔ lɛ Izraɛl ma.

1 Samuɛl 12:3

Maa lo. ’Maa an ma we fe Gakelebale valé alé nyɔnɔzénnwiinzan yara. Maa mi kyɛn lé dirigɔné sii? Maa mi kyɛn lé sokofale sii? Maa nyané pa mi kyɛn ta, yé maa we tɔntɔn kɛlɛ mi kyɛn lɛɛ? Maa blɛfɛ si mi kyɛn lee, an dɔle a zuo we gii? Maa dan a lɛgi nɔ lɛ.