Wegɔnévɔlenu 14:14 - Kazambale lé Sebe Sauunu 1979

¹⁴ Mi lé abo bli a saan, abo kɛlɛwenu a ginanama, naa, mi zin giwe ’é ginanama.

Wegɔnévɔlenu 14:14 ပူးပေါင်းရင်းမြစ်များ

Lɛrɛvɔ Sɛbɛ 109:17

Balepale mi ma sɔ a lɛ, amalé mi bɛ ’é bale pa a ma ma. Mi drɔɔvole ’ka sɔ lɛ a lɛ lo, amalé té a drɔɔ é vo lo ma.

Wegɔnévɔlenu 12:14

Mi ’léé dére ma lé é dan kan lɛ fɛ zin nya, yé mi do do éé fɛ yé é bɛ panyanama yɛrama.

Wegɔnévɔlenu 12:21

Wenaané do kpen ’ka kɛla mi tegele lɛ lo; naa, we tɔntɔn bɛn éé mi nyanénu gya.

Wegɔnévɔlenu 14:10

Mi ébo bli gi kyɛdɔle dɔɔ, yé bɛn ’ka bɔa lɛ léé, é wɔra alé gi nanale gi lo.

Wegɔnévɔlenu 14:15

Nékénénémi éé bli voo we faa lé wa fé, a lɛ, naa, yuɛikinizan éé ganedɔrana ginian.

Wegɔnévɔlenu 18:20

Mi dére ma lé mi éé kaan, a lɔlu ma lé lɔrɔ éé sié a ma.

Wegɔnévɔlenu 9:12

Dé i we dɔɔ, ’té i we dɔɔ ibo lɛ; dé i a mi ma wenanazan nya, i dan a ma ban ye lɛ i do.

Jérémi 17:5

Gakelebale we fe yé é léma: Mian éé paan blami ta, ’Té éé mi kɛla é tɛngizan nya, ’Té éé bli sié Gakelebale lɛ, ’wo bale pa ’bɛzan ma.

Jérémi 2:19

Kalé we lɛrɛlɛrɛnu kɛlɛle valé kalé yuɛgiblanlenu é dan we lɛdɔ lɛ ka gi, Yé ka dan a ye lɛ yé ka dan a gi dɔɔ lɛ léé, Gakelebale kalé Bale vole, ’té a kana do kpen ’ka zén‐é ka gi lo, ’Bɛ a wenaané valé we lɛrɛlɛrɛ nya. Maa, Mizan, lagi sunyanu lé Gakelebale ɛ ke a fena.

Jérémi 8:5

Mɛmalé Jérusalɛm munu wo wobo no zi sanlenu lé wo glɛ ’ka lo, wo lɛɛ? Woo yara paan dabli kɛlɛle ta, yé woo sɔn vɔa ’wo bli nɔlale ma.

Ézékiɛl 22:31

Maa dan an wɛwɛ dɔ lɛ wo ma. An bli é dan fli lɛ wo ma bélé kyɛblele zo. Maa dan wo kɛlɛwenu dɔ lɛ wo nwiin. A zo lé Mizan Gakelebale a fe.

OZÉ (Osée) 4:16

Izraɛlnu yuɛ ma kɛlɛ plɛplɛ an va, bélé diridané lé a yuɛma ke plɛplɛ yé é ’ka a nyi sié léé, wo nyanama pa ’é nya lo, a zo. Sin Gakelebale é dan go lɛ wo nya fɛblena bélé ’blané lé ke fɛna dégélé blɛn na, a zo.

Sofoni 1:6

wo lé wo yara si Gakelebale la koo, wo lé wo ’ka maa Gakelebale naginian lo, ’té wo ’ka we laan an lee lo bɛ, maa dan wo faa kulu ga lɛ.

WENÉNÉ LE JAN A GYE (Évangile selon Jean) 4:14

Naa, ’yi lé maa dan a nɔ lɛ munu lɛ, dé mian é ’bɛ ’yi mini, ’yiminilɔrɔ ’ka dan ’bɛzan gyɛ lɛ é dɛrɛ lo. Yé ’yi lé maa dan a nɔ lɛ ’bɛzan lɛ, é dan kinin lɛ ’yi’wuo nya a bɔn gi, yé é dan vo lɛ duunna fɔɔ yé é kɛlɛ munubélifɛ nya, yé wo vo é yuɛma ’té ’bɛ glɛ ’ka dɔa lo.

2 Korɛnt Munu 1:12

Ko tɔzinfemawe lé ke ’ko: kolé wevasibli a kolé wenayezan nya léé, ka valé tɛrɛlamunu va, ko giébɛ a sauun valé wéiin Kazambale yuɛ gi. Ko ’ka gié lɛ ka méléna tɛrɛ la wedɔɔle nya lo; Kazambale lé zin nya lé ko gié.

Galasi munu 6:4

Mi do do faa ébozen kɛlɛwenu va gini ma, yé é dan ébo tɔ zin femawe ye lɛ ébozen lé we ma; té ébo zé dan mi bɛ zé ma lo ma.

Galasi munu 6:8

Mian éé fɛ vɔa é dɔbɛ kyɛn zé nya, é dan fɛ vɔnle ye lɛ ézé tɔnɔ nya; naa, mian éé fɛ vɔa Kazambale Léli zé nya, vole é yuɛma lé a glɛ ’ka lo, é dan a ye lɛ léli zé tɔnɔ nya.

Ébrunu 3:12

Bwenu, ’ka yuɛ pa kabozen va; bli nyané lé é ’ka vo we lɛ lo, té ’é kɛlɛ ka va mi do gi fɔɔ yé é diéra Bale yuɛmale zuo lo.