Wegɔnévɔlenu 13:20 - Kazambale lé Sebe Sauunu 1979

²⁰ Mi lé éé nyanaan wedɔɔzan sɔnɔ éé kinié wedɔɔzan nya, naa, ’tugyɛzannu béé éé wo saan.

Wegɔnévɔlenu 13:20 ပူးပေါင်းရင်းမြစ်များ

Wepélisiananu 14:12

Yé Abram bwe be Lɔt lé ke é nyanale Sɔdɔm bɛ, wa si, yee valé élé fɛnu nya, yé wo go wo nya.

1 Minwiinzannu 12:10

Pɛniɛnu lé wo tin wo nya ékeva, wo lé a lɛ léma: Munu ’ko lé wa fe i lɛ léé, i ti luubale fɔnɔ ’wo bɔrɔ ma bɛ, bii, bé va dɔ ’wo lɛ, i dan we fe lɛ wo lɛ léma: An bɛnwɔlɛ dané a blɛn é mini an ti gyɛn ta.

1 Minwiinzannu 12:8

Naa, we lé gɔné segelenu a fe Roboam lɛ, é ’bɛ vo yé é we laa é yɛrama pɛniɛnu lé wo tin wo nya ékeva, ’té wo ke a sɔnɔ bɛ, wo lee.

1 Minwiinzannu 22:32

Goronu nwiinzannu Jozafat ye aan wo, wo léé: Weboen lé, Izraɛl nwiinzan lé. Yé wo bié guli danle a va we gi. Jozafat siaa dére plɛplɛ nya.

1 Minwiinzannu 22:4

Yé é lé Jozafat lɛ léé: É sɔ i lɛ léé, i go an va Ramɔt lé ke Galaad tɛrɛ la, a sile we gii? Jozafat a zi pa Izraɛl nwiinzan blɛn lɛ léé: Kaa go; maa valé bii a do, anlé munu valé ilé munu a do, anlé wisoonu valé ilé wisoonu a do.

2 Minwiinmunu lé Wezuofe Sɛbɛ 10:8

Naa, we lé gɔné segelenu a fe Roboam lɛ, é ’bɛ vo yé é we laa é yɛrama pɛniɛnu lé wo tin wo nya ékeva, ’té wo ke a punma bɛ, wo lee.

2 Minwiinmunu lé Wezuofe Sɛbɛ 19:2

Balelayezan Anani be Jéu go a si lɛ zia yé é lé minwiinzan blɛn Jozafat lɛ léé: É a lé wo bɔ mi nyané vaa? Yé Gakelebale zapazannu sɔ i lɛɛ? Amalé Gakelebale bli fli i ma.

2 Minwiinmunu lé Wezuofe Sɛbɛ 22:4

We lé é ke é naané Gakelebale yuɛ gi, yee lé é a kɛlɛ, bélé Akab lé munu zo. A ti gale zuo, yee Akab lé munu éé we plaan a lɛ, yé wo goan a saanna.

Lɛrɛvɔ Sɛbɛ 119:63

Munu faa lé woo kanaan i lee, maa a wo béé nya, Woo valé munu lé woo i déretawenu kɛla, wo nya.

Wegɔnévɔlenu 13:19

Fɛ lé mi bli bɔ a ma yé é a ye é a gi nanama, naa, sile wenyané ma baa ’ka sɔa ’tugyɛzannu lɛ lo.

Wegɔnévɔlenu 14:7

’I si ’tugyɛzan ma baa, i ’ka dan wedɔɔdére ’ma lɛ a ’léé lo.

Wegɔnévɔlenu 15:31

Wepladére lé éé goo mi nya bélile va, mi lé éé tɔné dɔa ’bɛ lɛ, é dan nyana lɛ wedɔɔmunu va.

Wegɔnévɔlenu 22:24

Té i kɛlɛ bliflizan béé nya lo, té i nana wɛwɛdɔzan va lo,

Wegɔnévɔlenu 22:25

dé alé wekɛlɛbɛ é da vɔ i lee, yé wo kɛlɛ ibozen kunsanbale nya.

Wegɔnévɔlenu 7:27

Alé kɔn a gamunu nyanana lé zi nya; é go guru gi zia.

Wegɔnévɔlenu 9:6

’ka daan ’wuoplɛplɛwe ma yé ka dan vo lɛ é yuɛma; ’ka tawo gikiniwe zuo.

Malasi 3:16

Yé munu lé woo kanaan Gakelebale lee, wo we fe ’wo ke lɛ, yé Gakelebale é tɔné dɔ yé é a ’ma; yé wo sɛbɛ do gyɛ Gakelebale yuɛ va, munu lé woo kanaan a lee, ’té wa tɔ bɔa, wo sele dɔle a gi we ma.

Kelewenu 2:42

Wo yara pa nwunvɔzannu lé we paale valé nanale ékeva koo, Taboyi lé buru blele valé bazorole koo, wo ta.

Ébrunu 10:24

Kaa kaa ke bɛ dɔ plɛplɛ mi lɔrɔpale valé wezin kɛlɛle gi; we ’ko sele ’é dɔ kaa gi yifaama ma.

Wegɔɔnle 18:4

Maa dére do ’ma la gi é ziin yé é léé: Anlé munu, ’ka si fla ’ko la, dé ka da pa a va alé wenyané kɛlɛle gi, yé bawurumagyɛ lé é dan a gyɛ lɛ bɛ, dé é da vɔ ka ma.