Wegɔnévɔlenu 13:18 - Kazambale lé Sebe Sauunu 1979

¹⁸ Mi lé éé sɔn vɔa wepaadére ma, nyanégyɛle valé yaragyɛwe a azé nya, naa, mi lé éé weplale é lɛ nyi sié, wa tɔ bɔa.

Wegɔnévɔlenu 13:18 ပူးပေါင်းရင်းမြစ်များ

Lɛrɛvɔ Sɛbɛ 141:5

Dé mi tegele an bla, ’té wezin lé é a kɛlɛ an lɛ; Dé mi we lɛdɔ an gi, ’té é a bélé é nyɔnɔ zén an nwiin. An ’ka dan an ’wuo si lɛ a wuo lo; Naa, an dan bazoro lɛ wolé wenaané kɛlɛle ma é ziin.

Wegɔnévɔlenu 12:1

Mi lé a drɔle sɔ a lɛ, wedɔɔle ɛ sɔa a lɛ; mi lé éé weplale ’é lɛ za paan, é ’ka we dɔɔa lo.

Wegɔnévɔlenu 13:13

Mi lé éé Bale dére yé boadére nya, é ébo saan, naa, mi lé éé kanaan bélidɔwe lee, wa banwoo.

Wegɔnévɔlenu 13:19

Fɛ lé mi bli bɔ a ma yé é a ye é a gi nanama, naa, sile wenyané ma baa ’ka sɔa ’tugyɛzannu lɛ lo.

Wegɔnévɔlenu 13:25

Mi tegele éé fɛ blé yé lɔrɔ éé sié a ma, naa, lɔrɔ éé mi nyané gya.

Wegɔnévɔlenu 15:5

’Tugyɛzan é é ti lé wepaale yé boawe nya, naa, mi lé éé weplale ’é lɛ nyi sié, éé we kɛla ’wuoatawe nya.

Wegɔnévɔlenu 19:6

Mi kiɛre woo bɛ ma wolowolozan ze vɔa dabli dére nya, yé mi lé éé blɛ kɛla, mi faa a a béé nya.

Wegɔnévɔlenu 25:12

Wedɔɔzan lé éé we plaan tɔnégidrɔɔzan lɛ, é a ’bɛzan lɛ bélé tɔnémakyan valé ’lɛrɛkyan wezan zo.

Wegɔnévɔlenu 9:9

’I we paa wedɔɔzan gi yé é dan we taa dɔɔ lɛ; ’i we paa mi tegele gi yé alé wedɔɔle gi é dan gyɛ lɛ.

Bale Lé We Gifezan 7:5

Dé i tɔné dɔ wedɔɔzan lé weplale lɛ, ’bɛ fila vɔ é mini tɔné dɔle ’tugyɛzannu lé lɛrɛvɔle lɛ.

Jérémi 3:25

Kolé yaragyɛwe kɛlɛ bélé yialafɛ zo, yé nyɔnmɛ wɔra ko ta bélé sɔ zo. Naa, ko wenyané kɛlɛ Gakelebale kolé Bale ma, ko koo, ko tinu koo, é sia ko kiéné la bléyi va fɔɔ kyɔ. Yé ko ’ka ko tɔné dɔ lɛ Gakelebale kolé Bale lɛ lo.

Ébrunu 12:25

’Ka yuɛ pa kabozen va, mi lé ke we fena ka lɛ, té ka sɔn vɔ a dére ma lo. Munu lé wo sɔn vɔ Moizi lé é we fe wo lɛ tɛrɛ la ’ko, a dére ma, dé Bale we lɛdɔ wo gi ’naan, ’té kaa nii? Dé kaa sɔn vɔ mi lé é ke we fena lagi loru bɛ, ’bɛzan dére ma, Bale ’ka dan we lɛdɔ lɛ kaa gi loo?