Wegɔnévɔlenu 12:22 - Kazambale lé Sebe Sauunu 1979

²² Viéwolɔlunu a é naané Gakelebale yuɛ gi, naa, munu lé woo we kɛla webozen yɛrama, woo sɔa a lɛ.

Wegɔnévɔlenu 12:22 ပူးပေါင်းရင်းမြစ်များ

1 Minwiinzannu 13:18

Yé balelayezan kwa lé a lɛ léé: Maa é ziin, maa a balelayezan nya bélé bii zo; yé lanje do we fe an lɛ Gakelebale dére nya, yé é lé an lɛ léé: ’I da a nya i va ilé kɔn ’léé, ’é buru ble yé ’é ’yi mini. É vié wo a lɛ.

Lɛrɛvɔ Sɛbɛ 120:2

Gakelebale, ’i an si munu lé woo viéwoo, wo lee, Munu lé woo dabli kɛla wo nɛnɛ nya, ’i an si wo lee.

Lɛrɛvɔ Sɛbɛ 5:6

I yuɛ ’ka tavomunu ta lo; Munu faa lé woo weple kɛla, wo za a i gi.

Wegɔnévɔlenu 11:1

Dabli fɛdan kilo a é naané Gakelebale yuɛ gi, naa, fɛ dan kilo lé poa tegele éé sɔa a lɛ.

Wegɔnévɔlenu 11:20

Munu lé wo bli ’ka tegele lo, wa bélé bo zo Gakelebale yuɛ gi, naa, munu lé wo giébɛ ke wéiin, woo ɛ sɔa a lɛ.

Wegɔnévɔlenu 15:8

Mi nyanénu lé saraka a lɛrɛlɛrɛ Gakelebale yuɛ gi, naa, mi drɔlenu lé bazorole éé sɔa a lɛ.

Wegɔnévɔlenu 17:7

Dé dére zin fele ’ka ’tugyɛzan nyɛɛan lo ’naan, ’té viédérenu éé lɛamami nyɛɛan?

Ézai 9:15

Munu ’ko lé zigɔɔnzannu ’wo saan, yé munu lé wo yee zi gɔɔnle ’wo lɛ nyi si, wo saan.

Jérémi 9:24

Naa, mian é sɔ a lɛ léé, ébo tɔ bɔ, ’É ébo tɔ bɔ léé, wedɔɔle a ’é lee, Gakelebale dɔɔle we ma, É valé a gi dɔɔle we ma lee, maa ɛ ke Gakelebale lé É zin koo, we drɔle koo, we tegele koo, éé wo kɛla tɛrɛ la, a nya. Naa, ’bɛ zoɛ wedɔɔle sɔ an lɛ. Maa Gakelebale ɛ ke a fena.

Ézékiɛl 13:19

Ka an tɔ sɛra anlé munu va, sɔnmlén bɛ nya kenu valé buru kuru kenu yele we ma, ’té munu lé é ’ka lé wo ga lo, ’té ka wo gya, yé ’té munu lé é ’ka lé wo vo é yuɛma lo, ’té ka wo voo é yuɛma. ’Bɛ zo wenu kɛlɛle nya lé anlé munu lé woo tɔné dɔa viéwenu lɛ, ka wo saan.

Ézékiɛl 13:22

Ka mi tegelenu bli kyɛ dɔa viéwole nya, dɔlé ’té maabozen ’ka wo bli kyɛ dɔ lɛ lo. Yé ka mi nyanénu bɛ dɔa plɛplɛ léé, té wo si ’wo kɛlɛwe naanénu zuo yé wo vo é yuɛma lo.

Wegɔɔnle 21:8

Naa, kanazannu koo, blipaanlomunu koo, we gin dɔle kɛlɛzannu koo, migyɛzannu koo, pɛnpɛnnégyɛmunu koo, yokɛlɛmunu koo, miyilibɔzannu koo, viéwomunu faa koo, wozé é dan kɛlɛ lɛ kyɛ lé ke blɛn bélé gyankyɛ zo, ’té wo povun zén a va, a nya, yee lé ke gale fiézan nya, ’té mi gulii ga é wo sin bɛ.

Wegɔɔnle 22:15

Blénnu koo, yokɛlɛmunu koo, pɛnpɛnnégyɛmunu koo, migyɛmunu koo, miyilibɔzannu koo, munu lé vié sɔ wo lɛ ’té wa woo koo, wa béera.