Wegɔnévɔlenu 12:13 - Kazambale lé Sebe Sauunu 1979

¹³ Wenyané lé mi a fé é lɔlu nya, é a mikunsan naané nya, naa, mi tegele éé sié we tɔntɔn lee.

Wegɔnévɔlenu 12:13 ပူးပေါင်းရင်းမြစ်များ

Wepélisiananu 48:16

’é valé lanje lé é an si wenaané faa gi, ’wo né ’konu drɔɔ vo ma. ’Wo wo laa an tɔ nya ma, ’é valé an tinu Abraam valé Izak tɔ nya ma. Yé ’wo fan, yé ’wo kɛlɛ di tɛrɛ ’ko la ma.

2 Samuɛl 4:9

David a zi pa Béérɔt mi Rimɔn benu Rékab valé Baana lɛ léé: Gakelebale lé é an si gawe faa gi, é a é yuɛma!

1 Minwiinzannu 2:23

Yé minwiinzan Salomɔn Gakelebale ’nyɔɔn léé: Dére lé Adonija a fe ’ko, dé a ma ban ’ka alé tɛrɛla nyaale nya lo, Gakelebale ’é we kɛlɛ an lɛ élé plɛplɛ faa nya ma.

Lɛrɛvɔ Sɛbɛ 34:19

Munu lé wo bli kyɛ dɔ é baba, Gakelebale a wo sɔnɔ, Yé munu lé wo boen fuu si wo ta, éé wo sié we gi.

Lɛrɛvɔ Sɛbɛ 34:20

We tɔntɔn éé bɔa mi tegelenu ma gɔnɔ kiɛre, Naa, Gakelebale éé wo sié ’bɛ we gi yifaama.

Lɛrɛvɔ Sɛbɛ 5:6

I yuɛ ’ka tavomunu ta lo; Munu faa lé woo weple kɛla, wo za a i gi.

Lɛrɛvɔ Sɛbɛ 59:12

Mizan, ko takuunzan, Té i wo gyɛ lo, dé anlé munu gi é da san a ma, ’I wo kini ékema ilé plɛplɛ nya, yé ’i plɛplɛ si wo lee.

Lɛrɛvɔ Sɛbɛ 59:13

Dére faa do do lé éé bɔraan wo ’léé, é a wenyané saa nya; Wobozen lé boblɛn ’é wo kun ma. Balepadérenu valé viédérenu saa lé wa fé.

Lɛrɛvɔ Sɛbɛ 64:8

Bale ’élé sawɔlɛnu vuli wo va; Yé kele tɔɔn, é vɔ wo ma,

Wegɔnévɔlenu 10:8

Mi lé é we dɔɔ é bli gi éé wepladére nyi sié, naa, ’tugyɛ lɔluzan éé vlan buruwo ébo sanna.

Wegɔnévɔlenu 11:8

Woo mi tegele sié we tɔntɔn gi, yé mi nyané a pa gi si.

Wegɔnévɔlenu 15:2

Wedɔɔzan dére ma lé wedɔɔle sɔ munu lɛ, yé ’tugyɛzannu lɔlu éé ’tugyɛwe nwɛɛn‐an.

Wegɔnévɔlenu 18:21

Ga valé vole é yuɛma lé plɛplɛ a mi nɛnɛ lee; miomian wefele éé sɔa a lɛ, é dan a ma tɔnɔ ble lɛ.

Wegɔnévɔlenu 21:23

Mi lé éé yuɛ paan é ’léé valé é nɛnɛ va, é ébozen sié nyanéblele lee.

Wegɔnévɔlenu 6:2

’té i ’léé dére i kun, ’té i ’léé dére i yere.

Bale Lé We Gifezan 7:18

’I vo a do kɛlɛna, yé té i yuɛi blan a koɛ kɛlɛle ma lo; naa, mi lé éé kanaan Kazambale lee, é ’ka we ’konu kɛla yé é gié é glɛ la lo.

Daniɛl 6:24

Minwiinzan blɛn léé, munu lé wo we dɔ Daniɛl nwiin, ’wo da wo nya yé ’wo wo vuli golizra guru gi; wo koo, wolé nénu koo, wo nanu koo, woo lé. Dé wo ’ka tan dia lɛ guru wɔlɛ ma lo, golizranu wo kun, yé ’bɛnu wo wɔlɛnu faa ’wii.

Matio 27:25

Munu faa léé: Iin. A nyɛwe ’é dɔ ko valé kolé nénu nwiin ma.

2 Piɛri 2:9

Dé Kazambale munu ’konu lé we faa yuɛ gi bo tegele a zo ’naan, ’té Mizan ’ka bɔalɛ léé, élé zisɔlɛmunu si wo gidanle gi loo? É ’ka bɔalɛ léé, é mi plenu tadɔ welɛdɔle wo gi webleyi nya we gi loo?