Wegɔnévɔlenu 10:22 - Kazambale lé Sebe Sauunu 1979

²² Gakelebale lé drɔɔvole éé mi kɛla fua nya, yé é ’ka a taa paan yaragyɛwe do kpen nya lo.

Wegɔnévɔlenu 10:22 ပူးပေါင်းရင်းမြစ်များ

Wepélisiananu 12:2

Maa dan i kɛlɛ lɛ bɛngɔnɔ blɛn nya, yé maa dan i drɔɔ vo lɛ, yé maa dan i tɔ kɛlɛ lɛ blɛn yé bii ɛ dan mi bɛnu drɔɔ vo lɛ.

Wepélisiananu 13:2

Abram fua ble é baba; trubɛ koo, gɔɔli koo, kyan koo, wa a lee.

Wepélisiananu 14:23

fɛnu lé é ke izé nya, an ’ka we do kpen sié ’bɛ va lo, dé é a galewɔlɛ boen nyaoo, dé é a sawalabale do nyaoo, maa ’ka ’bɛ sié lo, dé i da fe léé, yee ɛ Abram kɛlɛ fua nya.

Wepélisiananu 24:35

Gakelebale anzan drɔɔ vo é baba yé é kɛlɛ plɛplɛ. ’Blanu valé dirinu koo, gɔɔlifu valé kyan koo, nyanamapagɔnénu valé nyanamapalomu koo, nyɔgɔménu valé sokofalenu koo, Bale a nɔ anzan lɛ.

Wepélisiananu 26:12

Izak féi pa ana tɛrɛ la. Gakelebale dɔ a zi, amalé ’bɛ lɛɛ ’ko gi alé féi fɛ dɔ, é gié é glɛ ta gɔnɔ yɔ soru.

Wepélisiananu 26:13

Gɔné ’ko fua ble yé alé fɛ kɛlɛle di gi gyɛ fɔɔ ye é kɛlɛ fuablezan blɛɛn nya.

1 Minwiinzannu 21:19

Bé fe a lɛ léma: Gakelebale léma: Bii ’ka migyɛzan valé kyeenwozan nya loo? Yé bé fe a lɛ léma: Gakelebale léma: Fɛana lé blénnu Nabɔt nyɛ flan, ana duo lé wo dan ibozen nyɛ flan lɛ.

Minwiinzannu lé Wezuofe Sɛbɛ 4:10

Jaébɛs bazoro Izraɛl lé Bale lɛ yé é léé: Ilé zanté, ’i an drɔɔ vo, ’i anlé tɛrɛ kɛlɛ blɛn, ’i bɛ zin pa an ta, ’i an takuun we tɔntɔn lee, té maa nyané ble lo. Fɛ lé é a laa, Kazambale a nɔ a lɛ.

2 Minwiinmunu lé Wezuofe Sɛbɛ 25:9

Amasia lé Bale lé mi lɛ léé: Yé talan yɔ soru lé maa a nɔ Izraɛl sunyanu lɛ nii? Bale lé mi a zi pa a lɛ léé: Gakelebale é bɔalɛ léé, é fɛ nɔ i lɛ yé é gié ’bɛ ta.

2 Minwiinmunu lé Wezuofe Sɛbɛ 32:27

Ézékia fua ble yé alé fua tɔ bɔ. É fɛwezannu zun dɔ; gɔɔlifu koo, kyan koo, gɔlɛwezannu koo, zianbla ginzannu koo, mibotakuunfɛnu koo, fɛnu faa lé mi bli éé bɔa wo ma koo, woo lé.

2 Minwiinmunu lé Wezuofe Sɛbɛ 32:29

É flanu pa; alé trubɛn blɛnnu valé trubɛ kiénénu palunu kɛlɛ di. Naa, Bale fɛnu nɔ a lɛ kiɛre kiɛre.

Lɛrɛvɔ Sɛbɛ 107:38

É wo drɔɔ vo yé wo faan Yé é ’ka wolé winu ’léé zana a gi lo.

Lɛrɛvɔ Sɛbɛ 127:2

Ka nwale é dere koo, yigyɛ bléyi giéla ka ta koo, Kalé fɛ blele bli kyɛdɔle nya koo, wo tɔnɔ ’ka lo; Naa, Bale éé sɔlɛzannu zé no kiɛre bléyian va lé ’bɛnu a yigyɛna, ’bɛ bléyi va.

Lɛrɛvɔ Sɛbɛ 37:22

Naa, munu lé Gakelebale éé wo drɔɔ voo, tɛrɛ é dan kɛlɛ lɛ wozé nya Yé munu lé éé bale paan wo ma, wo dan ga lɛ.

Wegɔnévɔlenu 14:24

Fuafɛnu a wedɔɔzannu lé tɔkoro nya; ’tugyɛzannu lé tavowe a yifaama ’tu tanle nya.

Wegɔnévɔlenu 20:21

Zarafɛ lé wa yé é kele a pélisiana, a drɔɔ ’ka dan vo lɛ é voéla lo.

Wegɔnévɔlenu 28:22

Blibɔfɛmazan é ébo tunuan fuablele we gi, yé é ’ka gi dɔɔa léé, lɔrɔ é dan é gyɛ lɛ lo.

Wegɔnévɔlenu 8:21

Fɛ zin nɔle we gi munu lé an sɔ wo lɛ, wo lɛ, ’Bɛ valé wolé fɛwezannu fanle we gi.

Daniɛl 1:15

A yi vu nyaala nya, é a ye léé, wo yara a é buale yé wa é zénle a gi gligli é mini pɛniɛnu faa lé wo minwiinzan blɛn blefɛ blé, wo ta.

Zakari 5:4

Lai sunyanu lé Gakelebale léma: Maa a sɔɔlaan léé, ’é wɔra kyeenwozannu koo, wo lé woo an tɔ ’nyɔɔn‐an vié nya koo, wolé kɔn gi, yé é nyana ana, yé é kɔn ’ko ble é yili valé é gɔlɛnu nya.

Bélidɔwesɛbɛ Fiézan 26:10

Sin, oo Gakelebale, tɛrɛ lé bé nɔ an lɛ bɛ, a tafɛ vininnu lé maa da a nya i lɛ ’ko. I dan wo dɔra lɛ Gakelebale, ilé Bale ’lɛ, yé i dan dia lɛ i bli la Gakelebale, ilé Bale ’lɛ.

Bélidɔwesɛbɛ Fiézan 28:11

Kalé nénu koo, kalé trubɛnénu koo, kalé féifɛnu koo, Gakelebale é dan wo fan lɛ é zima, tɛrɛ lé Gakelebale ébo ’nyɔɔn ka tranu lɛ léé, é dan a nɔ lɛ ka lɛ, a ta.

Jozué 6:18

Naa, ’ka yuɛ pa kabozen va, fɛnu lé wo dan bale pa lɛ wo ma, wolé we ma. Naa, fɛnu lé wo dan wo nɔ lɛ Bale lɛ bale pale wo ma nya, dé ka wo si, ’té ka bale pale nɔla Izraɛl ta yé ka dan we tɔntɔn bɔ lɛ Izraɛl ma.