Wegɔnévɔlenu 1:28 - Kazambale lé Sebe Sauunu 1979

²⁸ Wo dan an laa lɛ, yé maa ’ka dan we lɛ lo; wo dan an gini lɛ yé wo ’ka dan an ye lɛ lo.

Wegɔnévɔlenu 1:28 ပူးပေါင်းရင်းမြစ်များ

Wepélisiananu 6:3

Yé Gakelebale léma: An léli ’ka dan vo lɛ mi gi yifaama lo. Munu a wimi nya é pla, yé wolé tɛrɛlalɛɛ é dan kɛlɛ lɛ sin yɔ suiɛdo.

JOB (Job) 27:9

Dé nyané blɛn bɔ a ma, Dé é siaa ’naan, Kazambale a dére ’maa?

JOB (Job) 35:12

Woo siaan é pla, Mi naanénu lé boblɛn lé we ma, Kazambale ’ka a zi paan lo.

Lɛrɛvɔ Sɛbɛ 18:41

I an nyanézannu nwun zi dɔa an ta, Yé munu lé an za ke wo gi, maa wo kulu gaan.

Lɛrɛvɔ Sɛbɛ 18:42

Woo siaan yé mi do ’ka wo lɛ yé ’bɛ é wo si we gi lo, Woo siaan Gakelebale lɛ, yé ’bɛ ’ka a zi paan wo lɛ lo.

Lɛrɛvɔ Sɛbɛ 66:18

Dé é kɛlɛ kɔɔn léé, weple é vo an bli gi, ’Té Mizan ’ka anlé bazorole nyi sié lo.

Wegɔnévɔlenu 15:29

Gakelebale éé sié mi naanénu ma baa, naa, éé tɔné dɔa mi tegelenu lé bazorole lɛ.

Wegɔnévɔlenu 8:17

Munu lé an sɔ wo lɛ, wo sɔ an lɛ, Yé munu lé woo an ginian, woo an yé.

Wegɔné Ma Lɛrɛ 5:6

An kɔn lɛ so an sɔlɛzan lɛ; ’Té an sɔlɛzan go é kwakwa, a ta san. É we fe an lɛ, naa, an dɔ dan‐uun é pla. Maa a gini, maa ’ka a ye lɛ lo; Maa a laa, yé é ’ka we lɛ an lɛ lo.

Ézai 1:15

Dé ka bɛ soi an vazia, an yara sié ka la; dé ka ba kiɛre zoro, an ’ka ’bɛ maan lo; ka bɛnu a migyɛbɛnu nya.

Jérémi 11:11

Bɛwemalé Gakelebale léma: Ka ye, maa dan we tɔntɔnnu bɔ lɛ wo ma, ’té wo ’ka dan bɔ lɛ ’wobo sile lɛ a gi lo. Wo dan siaa lɛ an lɛ, yé maa ’ka dan tɔné dɔ lɛ wo lɛ lo.

Jérémi 14:12

Dé wo lɔrɔ sɔn‐oo, maa ’ka dan an tɔné dɔ lɛ wolé welaadére lɛ lo. Dé wo wi kyɛ ble an lɛoo, dé wo blɛ kɛlɛ an lɛoo, maa ’ka dan ’bɛ ban‐ɛn ble lɛ lo; naa, é sɔ an lɛ léé, maa wo kulu ga, gwɔun koo, lɔrɔ koo, migyɛgyɛ koo, wo nya.

Ézékiɛl 8:18

Maa é ziin, maa dan we kɛlɛ lɛ wo lɛ an wɛwɛ dɔle nya. An yuɛyi ’ka dan dɔ lɛ a la wolé we ma lo, yé an nyanai ’ka dan zén lɛ wo ta monomono lo; dé wo siaa dére plɛplɛ nya an tɔné gioo, maa ’ka dan an tɔné dɔ lɛ wo lɛ lo.

OZÉ (Osée) 5:15

Maa dan go lɛ yé maa dan da lɛ an nyanana fɔɔ yé wa gi dɔɔ léé, we ’wo gyɛ, yé wo an nagini. Dé wa nyané blena, wo dan an nagini lɛ.

OZÉ (Osée) 5:6

Wo dan go lɛ Gakelebale gini lɛ, wolé ’blanu valé wolé dirinu nya wo lee, naa, wo ’ka dan a ye lɛ lo; é a é sile wo va.

Amɔs 8:12

Wo dan nɔɔ lɛ wɛyi fié méléna, ’té woo sié yirinwana bɛbolazia, yé wo go yirinwanazia; wo dan go lɛ ’ko, yé wo da ’ko, Gakelebale dére ’male we ma, yé wo ’ka dan a ’ma lɛ lo.

Misé 3:4

’Bɛ zuo wo dan siaa lɛ Gakelebale lɛ, naa, é ’ka dan we lɛ wo zi lo; ’bɛ bléyi va é dan é yara yɔɔ lɛ wo lee; wo wenaanénu kɛlɛ, azama.

Zakari 7:13

Lai sunyanu lé Gakelebale léma: Dé an wo laa, wo ’ka ’wo tɔné dɔa lo, amalé dé wo an laa, maa ’ka an tɔné dɔ lɛ wo lɛ lo.

Bélidɔwesɛbɛ Fiézan 1:45

Ka da ka pa gi yé ka wuvɔ Gakelebale lɛ; naa, Gakelebale ’ka é tɔné dɔ lɛ ka dére lɛ lo, é ’ka ka ban lɛ é tɔné nya lo.

SEBE LÉ JAK A GYE (Épitre de Jacques) 4:3

Ka fɛ laan é naané, fɛyɛlɔrɔ sile ka ma we gi, amalé ka fɛ laan yé ka ’ka a yé lo.

1 Samuɛl 8:18

Ka nwiinzan blɛn lé ka si a va kazé nya bɛ, ka dan siaa lɛ a lee, naa, Gakelebale ’ka dan é tɔné dɔ lɛ ka lɛ lo.