OZÉ (Osée) 9:9 - Kazambale lé Sebe Sauunu 1979

⁹ Wa é vɔnle bélé we lé é bɔ Gibéa yi la, a zo; wolé weple sele é dan dɔ lɛ Gakelebale gi, yé é dan we lɛdɔ lɛ wo gi wolé wenyanénu ma.

OZÉ (Osée) 9:9 ပူးပေါင်းရင်းမြစ်များ

Fwile 32:7

Gakelebale lé Moizi lɛ léé: ’I go, ’i zun; naa, ilé munu lé i wo fwi Éjipiti tɛrɛ la, wobo gyɛ sɛrɛ a gi.

Ézai 24:5

Ana munu tɛrɛ sɛrɛ, naa, wo bélidɔwenu sɛrɛ, yé wo Bale déretawenu lɛgama, gipawe lé a glɛ ’ka lo, wa sɛrɛ, azama.

Ézai 31:6

Izraɛl munu, ’ka nɔla, mi lé ka vo ka bɛ zuo baa, a va.

Jérémi 14:10

Ka ye, Gakelebale munu ’ko ma we fe yé é léma: Vlan burule fɛfaana sɔ wo lɛ. Wo ’ka bɔa wobo kunle lɛ yé wo nyana fɛ dona lo; amalé an ’ka bɔa kunle lɛ wo ma lo. Wolé weplenu sele dɔ sin an gi, yé an we lɛdɔa wo gi wolé wenyanénu ma.

Ézékiɛl 21:28

Wolé bale ’nyɔɔnle é ke lɛ we ma, é dɔ wo gi léé, ’monédɔdére a é pla. Naa, wolé weple sele éé dɔa minwiinzan blɛn gi, amalé é dan wo kun lɛ.

OZÉ (Osée) 10:9

’Kaa Izraɛlnu, é sia we lé é bɔ yi la Gibéa, a ma, ka wenyané kɛla, yé ka a yifaama ka dɔbɛ gi. Guli lé é bɔ yi la Gibéa, é ’ka wenyanékɛlɛmunu gyɛ lɛ loo?

OZÉ (Osée) 4:9

Maa dan Balebanzannu zé kɛlɛ lɛ bélé mi planu zé zo; maa dan we lɛdɔ lɛ wo gi wolé tawobɛ yɛrama, maa dan wolé we lɛgi pa lɛ wo kɛlɛwenu yɛrama.

OZÉ (Osée) 5:8

’Ka béli fɛn Gibéa! ’Ka béli fɛn Rama! ’Ka siaa plɛplɛ Bɛt‐Avan! Bɛnjamɛn, guli a i zuo.

OZÉ (Osée) 7:2

É ’ka wo gi léé, wolé wenyanénu faa sele a an gi lo; wo kɛlɛwenu wo zi lɛ sɔɔ, wo faa a an ’lɛ.

OZÉ (Osée) 8:13

Woo an baan wian nya bɛ, wa kɛla a wi blele we ma; Gakelebale ’ka ’bɛ ban‐ɛn blé lo. Sin wolé weple sele dɔ Gakelebale gi, yé é dan we lɛdɔ lɛ wo gi wolé wenyané ma; wo dan go lɛ Éjipiti tɛrɛ la wo pa gi.

OZÉ (Osée) 9:8

Éfraim munu nwa anlé Bale ma; yé wo mianékunséli vɔ balelayezan lee zi faa ’léé, yé wa za pa alé Bale lé kɔn gi.

Sofoni 3:7

Dé é a kɔɔn léé, i kana an lee, yé i i drɔle nyi si, ’té wo ’ka kɔɔn i nyanana ’wiié lo, ’té we faa lé maa a fe kɔɔn léé, maa lɛdɔa i gi, ’té maa ’ka a kɛla é dɛrɛ lo. Naa, wo ta a é kelekele wo kɛlɛwenu faa tiri dɔle we ma.

Weblezannu 19:12

Azan a zi pa a lɛ léé: Ko ’ka dan go lɛ bɛnnu lé fla lé Izraɛl lé nénu ’ka a ta lo, ana lo. Ko dan go lɛ fɔɔ Gibéa.

Weblezannu 19:16

Yé bé ye, gɔné kwa do si nyanama pana féi, nyanadi bléyi va; gɔné ’ko si Éfraim gɔ ma yé éé nyanaan Gibéa yé fɛkona munu a Bɛnjamɛn munu nya.

Weblezannu 19:22

Wo gi a é nanale bléyian va, bé ye, flamunu, mi vɔnlenu, wo kɔn zi lɛ sɔɔ yé wo duoli gyɛ, yé wo lé kɔnzan, gɔné kwa, lɛ léé: Gɔnézan lé é da i va, bé bɔra ’ko, kolé a dɔɔle gɔné nya we gi.

Weblezannu 20:43

Wo Bɛnjamɛn munu zi lɛ sɔɔ, wo wo zuo bin, dé wo léé, ’wo flin tɔɔn, ’té wa wo gyɛna, fɔɔ Gibéa ’lɛ yirinwanazia.