OZÉ (Osée) 9:8 - Kazambale lé Sebe Sauunu 1979

⁸ Éfraim munu nwa anlé Bale ma; yé wo mianékunséli vɔ balelayezan lee zi faa ’léé, yé wa za pa alé Bale lé kɔn gi.

OZÉ (Osée) 9:8 ပူးပေါင်းရင်းမြစ်များ

1 Minwiinzannu 17:1

Galaad tɛrɛ la mi do, Tisibi mi Éli lé Akab lɛ léé: Gakelebale, Izraɛl lé Bale lé maa ke a wuozan nya, é a é yuɛma. Lɛɛ ’konu wuo, lɛɛ ’ka dan da lɛ lo yé fli ’ka dan vɔ lɛ lo, ’té dé maa ’ka a fe lɛ lo.

1 Minwiinzannu 18:1

Yi kiɛre gié, yé Gakelebale we fe Éli lɛ, lɛɛ yaazan gi. É léé: ’I go, ’ibo nagɔɔn Akab lɛ yé maa dan lɛɛ da lɛ tɛrɛ la.

1 Minwiinzannu 18:19

Sin, ’i Izraɛl faa zén ékeva an va, Kaamɛl gɔ nwiin, Baal lé balelayezannu wuru fié yɔ fié wɔlɛ vu valé Asataté lé balelayezannu wuru fié lé woo fɛ blé Jézabɛl lé tablé ta, woo koo é ziin.

1 Minwiinzannu 22:11

Kénaana be Sédésias foliɛwɔlɛ bélinu kɛlɛ yé é léé: Gakelebale léma: Bélinu ’ko nya lé i dan Siri munu gyɛ lɛ fɔɔ yé i wo guru zana a gi.

1 Minwiinzannu 22:22

Gakelebale lé a lɛ léé: Kaa? É a zi pa léé: Maa dan go lɛ yé maa dan kɛlɛ lɛ vié léli nya alé balelayezannu faa ’léé. Gakelebale léé: I dan a saan lɛ weboen nya. ’I go, bé kɛlɛ a zo.

1 Minwiinzannu 22:28

Misé léé: Dé i da é ziin drɔɔ na, ’té Gakelebale ’ka we fe lɛ maa nya lo. Yé é lé é ziin léé: ’Kaa munu faa, ’ka ’ma ma.

1 Minwiinzannu 22:6

Izraɛl nwiinzan blɛn balelayemunu zén ékeva, wo mi wuru fié bɔa, yé é lé wo lɛ léé: An go guli dan Ramɔt lé ke Galaad tɛrɛ la, a va, taa, é a lé an sɔn vɔ a maa? Yé wa zi pa léé: ’I go, Mizan é dan a pa lɛ minwiinzan blɛn lee.

2 Minwiinzannu 13:21

Wa mi do pana tɔɔn yé wo palunu ’ko va palu do ye, yé wo mi gale vuli Élizé pana. Mi gale mane Élizé wɔlɛnu ma yé é nwa é yuɛma é ziin yé é dɔ loru.

2 Minwiinzannu 2:14

Éli lé sɔ lé é a dia, é a si yé é a dia ’yi la yé é léé: Gakelebale, Éli lé Bale, a kyɛɛn? Yé Élizé é ziin, é sɔ dia ’yi la yé é kini ékema yé é gié.

2 Minwiinzannu 2:21

É go ’yibɔna va yé é wɛ zén a va yé é léé: Gakelebale léma: Maa ’yi ’ko kɛlɛ é zima, yé fɛ do kpen ’ka dan ga lɛ ’yi ’ko lé we ma é dɛrɛ lo, yé ’yi ’ko ’ka dan fɛ dɔle yi ga lɛ é dɛrɛ lo.

2 Minwiinzannu 4:41

Élizé léé: ’Ka da burupun nya. Yé é a ke zén bɔ gi yé é léé: Bé nɔ munu ’konu lɛ ’wa ble. Yé fɛ naané ’ka bɔ gi é dɛrɛ lo.

2 Minwiinzannu 4:43

A wuozan a zi pa léé: Maa kɛla kaa yé maa a nɔ mi yɔ soru lɛɛ? Naa Élizé léé: Bé nɔ munu ’konu lɛ, ’wa ble; naa, Gakelebale léma: Wo dan a ble lɛ yé a ke é dan vo lɛ.

2 Minwiinzannu 5:14

Yé é go yé é Juudɛn ’yi bɔ gyɛ gɔnɔ sɔrafié Bale lé mi dére yɛrama; yé a kɔlɛ kɛlɛ é ziin bélé né boroné kɔlɛ zo, yé a gi bɔ.

2 Minwiinzannu 5:27

Naaman lé pantɛn é dan zén lɛ bii valé i kulu ma lɛɛfaama. Yé Géazi si Élizé va pantɛn nya é ma fu bélé kununu zo.

2 Minwiinzannu 7:19

Yé minwiinzan lé mi blɛn lé Bale lé mi lɛ yese léé: Dé Gakelebale la lɛ sooo, ’bɛ zo we é bɔa kɛlɛle lɛɛ? Yé Élizé lé a lɛ léé: I dan a ye lɛ i yuɛ nya; naa, i ’ka dan a ble lɛ lo.

2 Minwiinzannu 7:2

Minwiinzan blɛn lé mi blɛn lé é tɛn a ma, é a zi pa Bale lé mi lɛ léé: Dé Gakelebale la lɛ sooo, ’bɛ zo we é bɔa kɛlɛle lɛɛ? Yé Élizé léé: I dan a ye lɛ i yuɛ nya; naa, i ’ka dan a ble lɛ lo.

Lɛrɛvɔ Sɛbɛ 124:7

Ko boen so wo lee bélé miané éé soo é gyɛsan ’léé fɛan zo, a zo. Sanbale kini yé ko so a ’léé.

Bale Lé We Gifezan 9:12

Blami ’ka ézé bléyi dɔɔa lo, é a bélé pɔnu lé woo wo gya séli nya, wo zo, bélé mianénu lé woo wo kunwo san nya, wo zo; blami kunséli a wenaané nya, bélé wo kunséli zo, ’té dé é bɔra wo ma fiaa bléyian va.

Wegɔné Ma Lɛrɛ 3:3

Fla taginimunu lé woo fla zi lɛ sɔɔan, ko kee wo nya; Maa laa wo lee léé: Mi lé an bli bɔ ma, ka a yee?

Ézai 62:6

Jérusalɛm, maa fla taginizannu dɔ ilé gɔrɔnu ta; Wo ’ka dan ’wo tadɔ lɛ béli valé yiéyi lo. Ka lé ka ke a sele dɔna Gakelebale gi, Té ka flin lo.

Jérémi 11:19

Maa a bélé ’blané drɔɔ lé wo go a nya wigyɛna, a zo, yé ’wuo gi naanénu lé wo ke a bɔrɔna an ma, maa ’ka a do kpen dɔɔ lɛ lo. Wo léé: Kaa yili valé a poro sɛrɛ. Kaa a soowɔla mi yuɛmalenu lé tɛrɛ la, yé té a tɔ sele é dɔ mi gi é dɛrɛ lo.

Jérémi 14:13

Maa a zi pa léma: Aa! Mizan, Gakelebale, bé ye, balelayezannu lé wo lɛ léé: Ka ’ka dan gwɔun ye lɛ lo, lɔrɔ ’ka dan ka gyɛ lɛ pelo; naa, Bale é dan vole drɔɔ bozen nɔ lɛ ka lɛ fɛkona.

Jérémi 23:13

Maa Samari lé balelayezannu ye gweawuogizannu nya; Woo balelawe fé Baal tɔ nya; Wo anlé munu Izraɛl saan.

Jérémi 31:6

Naa, a yi é dan bɔ lɛ yé mi tagini‐zannu é dan siaa lɛ Éfraim gɔ nwiin léé: ’Ka nwa, kaa go Siɔn, Gakelebale kolé Bale vazia.

Jérémi 6:14

Woo anlé munu manɔn paan gi nyané nya, ’té wa fé léé: ’I vo drɔɔ, ’i vo drɔɔ, yé vole drɔɔ do kpen ’ka ana lo.

Jérémi 6:17

Maa ka tabin sunyanu dɔ ka sɔnɔ; ’ka tɔné dɔ gulibéli dére lɛ. Naa, wa zi pa léé: Ko ’ka dan ko tɔné dɔ lɛ ’bɛ lɛ lo.

Jérémi Lé Wuvɔ Sɛbɛ 2:14

Kalé balelayezannu lé balelayele a boawe valé vié nya, Wo ’ka ilé weple bɔra lɛ Léé, té ka go luu gi lo lo. Wenu lé wa gɔɔn ka lɛ wa viéwenu valé dabliwe nya.

Jérémi Lé Wuvɔ Sɛbɛ 4:13

Alé balelayezannu lé wenyanénu ma ban lo, Alé Balebanzannu lé Wo mi tegelenu nyɛ zana A méléna, wolé weplenu ma ban lo.

Ézékiɛl 3:17

Blami be, maa i dɔ Izraɛlnu taginizan nya. ’I tɔné dɔ an dére lɛ, yé i dan we lɛ kini lɛ wo lɛ an dére nya.

Ézékiɛl 33:7

Yé bii blami be, maa i dɔ Izraɛl munu lé flataginizan nya. Dére lé éé sié an ’léé, é a lé i tɔné dɔ a lɛ, yé i we lɛ kini wo lɛ an lɛ gi.

OZÉ (Osée) 5:1

Balebanzannu, ’ka tɔné dɔ we ’ko lɛ. Izraɛl munu, ’ka tɔné dɔ flee. Minwiinzan blɛn ma munu, ’ka an ban ka tɔné nya. Ka ma lé weblele bɔ, ka kɛlɛ mikunsan nya Misipa, ka kɛlɛ mikunséli nya Tabɔɔ gɔ ta, ’bɛzama.

OZÉ (Osée) 9:7

We lɛdɔ mi gi yi bɔ; we lɛgi pa mi ma yi bɔ; Izraɛlnu é dan go lɛ a gi dɔɔ lɛ. Balelayezan ’wuo sɛrɛ, yé mi lé Bale éé we fé a lɔlu nya, é dan gyɛ yiblawe fe lɛ; kalé weplenu valé ka nwale mi ma a blɛn, ’bɛzama.

OZÉ (Osée) 9:9

Wa é vɔnle bélé we lé é bɔ Gibéa yi la, a zo; wolé weple sele é dan dɔ lɛ Gakelebale gi, yé é dan we lɛdɔ lɛ wo gi wolé wenyanénu ma.

Misé 7:4

Wo va mi zin a bélé plénsɔnné léli zo. Wo va mi drɔle a é naané é mini léliyili lɛ. Yi lé kalé balelayemunu a fe, we lɛdɔ ka gi yi nya bɛ, é bɔ é pu. ’Bɛ yi nya lé wo gi é dan blin lɛ wo ma.

WENÉNÉ LE JAN A GYE (Évangile selon Jean) 15:24

Nyanamanu lé mi bɛ do kpen ’ka a pa lɛ lo, dé maa ’ka wo pa lɛ wo méléna lo, ’té wolé wenyané ’ka kɔɔn lo; naa, sin, wa ye, yé maa koo, an Ti koo, ko za a wo gi.

Rom munu 3:7

Dé maa viéwo, dé ’bɛ lé we ma lé munu Kazambale tɔ bɔ taawo léé, Bale éé we fé é boen ma, mɛmalé ’naan yé wo anlé we ble bélé fɛan zo lé maa a wenyanékɛlɛzan nya, a zoo?

Ébrunu 13:17

’Ka ka zilɛzannu lɛdɔma, yé ’ka ’wuo dɔ wo wuo ma; naa, wa ka boennu tabinna, yé wa gi dɔɔ léé, Bale é dan a zuo laa lɛ ’wo lee, amalé wa kɛlɛna ’bɛ yɛrama. Ka kɛla fɛan zo yé wo ka tabin ginanale nya yé é ’ka kɛla wo ma gi kyɛ nya lo, ’ka kɛlɛ. Dé wo bli kyɛ dɔ ka tabinle we ma, ’té kazé tɔnɔ ’ka lo.