OZÉ (Osée) 9:7 - Kazambale lé Sebe Sauunu 1979

⁷ We lɛdɔ mi gi yi bɔ; we lɛgi pa mi ma yi bɔ; Izraɛlnu é dan go lɛ a gi dɔɔ lɛ. Balelayezan ’wuo sɛrɛ, yé mi lé Bale éé we fé a lɔlu nya, é dan gyɛ yiblawe fe lɛ; kalé weplenu valé ka nwale mi ma a blɛn, ’bɛzama.

OZÉ (Osée) 9:7 ပူးပေါင်းရင်းမြစ်များ

2 Minwiinzannu 9:11

Jéu bɔra aan wo yé é go ézan wuomunu va é ziin, wo lé a lɛ léé: We drɔɔ léé? Mɛmalé gwegyɛzan ’ko da i vaa? Jéu a zi pa wo lɛ léé: Ka a dɔɔ, yé we lé é bɔa a fele lɛ ka a gi dɔɔ.

Ézai 10:3

Dé ka guru zanagizannu si baa, ka dan kɛlɛ lɛ kaa welɛdɔmigi yi nyaa? Ka dan vlan buru lɛ mi kyɛn ɛ va, yé ’bɛ é bɔ ka vaa? Ka dan kalé fuafɛnu yɔɔ lɛ kyɛɛn?

Ézai 26:11

Gakelebale, i bɛ a plɛplɛ; Wo ’ka a gi dɔɔa lo. I fuu a i ta fɛan zo ilé munu mawe kɛlɛna, wo dan a ye lɛ yé ’bɛ é dan wo gyɛ lɛ yara nya; Kyɛ é dan i nyanézannu ble lɛ.

Ézai 34:8

Naa, Gakelebale lé welɛgipayi lé; é Siɔn lé we lɛgi pa lɛɛ ’ko nya.

Ézai 44:25

Maa viébalelayemunu lé tɔmasenu sɛrɛ, Yé maa lé ’monédɔmunu ma léé, wa tavozannu nya; Maa wedɔɔmunu biéan ’wo zuo, Yé maa wolé ’wuoatawe nɔla tavowe nya.

Jérémi 10:15

Wa fɛnu lé wo ’ka we do nyian wo mi ma lo, wo nya; wa dabli panyanama nya; Dé we lɛdɔ mi gi yi bɔ, wozé é dan nyaa lɛ.

Jérémi 11:23

Wo va mi do kpen ’ka dan so lɛ a gi lo. Naa, maa dan we tɔntɔn bɔ lɛ Anatɔt munu ma, lɛɛ lé maa we lɛdɔa wo gi, ’bɛ lɛɛ nya.

Jérémi 16:18

É vinin maa dan wolé weple valé wolé wenyané ma ban wo lɛ gɔnɔ fié; wo anlé tɛrɛ la sɛrɛ, yé wo anlé tɔnɔtɛrɛ fan miyili galenu koo, wolé bozowenu koo, wo nya, azama.

Jérémi 23:13

Maa Samari lé balelayezannu ye gweawuogizannu nya; Woo balelawe fé Baal tɔ nya; Wo anlé munu Izraɛl saan.

Jérémi 25:14

Naa, Kaldé munu é ziin, wo dan kɛlɛ lɛ bɛn plɛplɛnu valé minwiinzan blɛnnu lé luunu nya, yé maa dan wozé lɛgi pa lɛ wo kɛlɛwe valé wo bɛ kɛlɛfɛnu yɛrama.

Jérémi 29:26

Gakelebale i dɔ Balebanzan nya Balebanzan Jéojada pa gi léé, i munu dɔ Gakelebale lé kɔ taginile we ma, léé, ’wuosɛrɛzannu faa lé wo ke a fena léé, ’wa balelayezannu nya, ’wo wo kun, yé ’i wo vɔ bokɔn gi yé ’i foliɛwɔlɛ vɔ wo ma.

Jérémi 46:21

Éjipitinu lé nyanamapamunu é ziin, wa Éjipitinu méléna bélé diriné bualenu zo. Yé wo é ziin, wo ’wo lala dɔa yee misɛrɛzan lɛ, wo faa fwila ’bɛnu ’lɛ; Wo ’ka guli vɔ lɛ ’bɛnu lɛ lo. Naa, wolé yi nyané é dan bɔ lɛ wo ma, Bléyi lé woo we lɛdɔa wo gi, yee lé.

Jérémi 6:14

Woo anlé munu manɔn paan gi nyané nya, ’té wa fé léé: ’I vo drɔɔ, ’i vo drɔɔ, yé vole drɔɔ do kpen ’ka ana lo.

Jérémi 8:11

Woo anlé munu manɔn paan gi nyané nya, ’té wa fé léé, ’i vo drɔɔ, ’i vo drɔɔ, yé vole drɔɔ do kpen ’ka ana lo.

Jérémi Lé Wuvɔ Sɛbɛ 2:14

Kalé balelayezannu lé balelayele a boawe valé vié nya, Wo ’ka ilé weple bɔra lɛ Léé, té ka go luu gi lo lo. Wenu lé wa gɔɔn ka lɛ wa viéwenu valé dabliwe nya.

Ézékiɛl 13:10

Woo anlé munu saan a fele nya léé: Kaa a drɔɔ, dɔlé ’té vole drɔɔ do kpen ’ka lo, amalé we ’konu é dan bɔ lɛ wo ma. Anlé munu éé gɔrɔ guru dɔa, yé wo ɛ a mawoo.

Ézékiɛl 13:3

Mizan Gakelebale léma: ’Tugyɛ balelayezannu lé woo tawoo ’wobo ’wuogiwe zuo, ’té wo ’ka yuɛziwe do kpen ye lɛ lo, we tɔntɔn ’é bɔ wo ma ma.

Ézékiɛl 25:17

Maa dan we lɛgi pa lɛ wo ma blɛɛn an wɛwɛ dɔle nya wo ma; dé an wɛwɛ dɔ wo ma bléyian va, yé wo dan a gi dɔɔ lɛ léé, maa ɛ ke Gakelebale nya.

Ézékiɛl 38:23

A zo lé maa dan an blɛn valé kɛlɛle sauun nagɔɔn lɛ wo lɛ, yé wo dan a gi dɔɔ lɛ léé, maa lé ke Gakelebale nya.

Ézékiɛl 9:10

Maa é ziin, an bli ta é dan dɔ lɛ plɛplɛ, yé an nyanai ’ka dan zén lɛ wo ta pelo. Maa dan wo kɛlɛwenu dɔ lɛ wo nwiin.

OZÉ (Osée) 14:1

Izraɛl, ’i da Gakelebale, ilé Bale va, naa, i dia ilé weplenu gi.

OZÉ (Osée) 5:9

We lɛdɔ wo gi yi nya, Éfraim guru é dan zana lɛ a gi; we lé maa ke a fena Izraɛl bɛnnu lɛ, sɔbɛlawe lé.

OZÉ (Osée) 8:13

Woo an baan wian nya bɛ, wa kɛla a wi blele we ma; Gakelebale ’ka ’bɛ ban‐ɛn blé lo. Sin wolé weple sele dɔ Gakelebale gi, yé é dan we lɛdɔ lɛ wo gi wolé wenyané ma; wo dan go lɛ Éjipiti tɛrɛ la wo pa gi.

OZÉ (Osée) 9:8

Éfraim munu nwa anlé Bale ma; yé wo mianékunséli vɔ balelayezan lee zi faa ’léé, yé wa za pa alé Bale lé kɔn gi.

Amɔs 8:2

É lé an lɛ léé: Amɔs, i mɛ fɛ yéé? Yé maa a zi pa léé: An kyɛɛné do yé, ’té yiliporo a a gi. Yé Gakelebale lé an lɛ léé: Anlé munu Izraɛl bɔ wozé ’wuoplana; an ’ka dan wo ma we vo lɛ é dɛrɛ lo.

Misé 2:11

Dé mi do vlan buru é pla, ’té éé a fé vié nya léé: Maa dan balelawe fe lɛ ka lɛ nwɛ valé dɔrɔ ’lɛ plɛplɛ lé we nya, ’bɛzan ɛ kɛla munu ’ko lé balelawefezan nya.

Misé 7:4

Wo va mi zin a bélé plénsɔnné léli zo. Wo va mi drɔle a é naané é mini léliyili lɛ. Yi lé kalé balelayemunu a fe, we lɛdɔ ka gi yi nya bɛ, é bɔ é pu. ’Bɛ yi nya lé wo gi é dan blin lɛ wo ma.

Sofoni 3:4

Webozen ’ka alé balelayemunu gi lo, yé woo dabli kɛla. Alé Balebanmunu éé fɛ sauunnu sɔnnénu sɛra yé woo bélidɔwe sɛra.

Maak 3:21

Wenu lé é bɔ mi, Jézu gɔnɔlamunu a ’ma aan wo, wo léé: A ’wuo a sɛrɛna, yé wo da a laa lɛ.

WENÉNÉ LÉ LUK A GYE (Évangile selon Luc) 21:22

Naa, ’bɛ yinu é dan kɛlɛ lɛ we lɛgi pa yinu nya, we faa lé wa gyɛ sɛbɛ gi, a lɛsɔɔle we ma.

2 Korɛnt Munu 5:13

Naa, dé ko a gwegyɛzannu nya, ’té ko a a nya Kazambale lɛ; dé ko a ’wuoatazannu nya, ’té ko a a nya ka lɛ.

Wegɔɔnle 16:19

Yé fla blɛn a é pale fɛana bɛ, ana tɛrɛ fee bo yaa, yé fla blɛn Babilɔn sele dɔ Kazambale gi yé é élé bliflile baba nɔ a lɛ kana gi bélé nwɛ zo.