OZÉ (Osée) 9:6 - Kazambale lé Sebe Sauunu 1979

⁶ Ka yua, wa gona, fɛ guru zanale a gi we ma; Éjipiti é dan wo si lɛ; Mofa munu é dan mipana nɔ lɛ wo lɛ. Wolé gɔɔlifu fɛwezannu é dan kɛlɛ lɛ danan zé nya yé yoné lé plin é dan tuu lɛ wolé kɔnnu gi.

OZÉ (Osée) 9:6 ပူးပေါင်းရင်းမြစ်များ

2 Minwiinzannu 13:7

Wisootazannu yɔ fié wɔlɛ vu koo, goro vu koo, gane la sunyanu baa soru koo, wo saa lé Gakelebale a vo Joakaz lee, munu faa lé wo ke a va é vinin, wo va munu nya; naa, Siri nwiinzan blɛn mi pɔnénu gyɛ, yé é wo kɛlɛ bélé vun lé mi a zɔn é gane nya, a zo.

Lɛrɛvɔ Sɛbɛ 107:34

Tɛrɛ lé éé fɛ dɔa di, éé a nɔlaan wɛtɛrɛ nya, Mi nyanénu lé woo nyanaan ana, wolé we ma.

Wegɔnévɔlenu 24:31

Yé bé ye, lélinu tuu fɛfaana, yé yoné lé plin ana faa ble yé gɔlɛ gɔrɔ zana.

Ézai 11:11

’Bɛ bléyi duo nya, Mizan é dan é bɛ soi lɛ a gɔnɔ fiézan nya, alé mi pɔnénu lé wo vo, wo tabole we gi, ’té wo ke é sɔɔlale Asiri tɛrɛ valé Éjipiti tɛrɛ koo, Patrɔs valé Étiopi tɛrɛ koo, Élam valé Sinéaa valé Amat koo, wɛyi worona tɛrɛnu koo, wona.

Ézai 19:13

Soan lé mi segelenu a gweawuogizannu nya; Nofa lé mi segelenu ’wuo gi bɔrɔle a é pla; wo bɛn nwiinzannu a Éjipiti munu saanna.

Ézai 27:12

’Bɛ bléyi va Gakelebale é dan yilinu nyɔɔn lɛ yé wo poro é dan dia lɛ; é sia yuu yorole ma fɔɔ Éjipiti lé yuu blɛn va, ’kaa Izraɛlnu, é dan ka sia lɛ do do.

Ézai 32:13

Lélinu valé danan tuu anlé munu lé tɛrɛ la. Ginana fla lé kɔn nɔnɔminu boen gioo, wo tuu a faa na.

Ézai 34:13

Léliyilinu é dan tuu lɛ wo nwiinzannu lé kɔnnu gi; danan valé goligyɛné é dan tuu lɛ alé guliyɔɔkɔn plɛplɛnu gi. É dan kɛlɛ lɛ gwenu nyanana nya; é dan kɛlɛ lɛ mianéléduo lé fɛna nya.

Ézai 5:6

Maa dan a vo lɛ é gɔ nya; maa ’ka dan a ma bɔi lɛ yé maa a féi pa é dɛrɛ lo; plésɔné léliyili valé lélinu é dan tuu lɛ ana; yé maa dan latinu béli dɔ lɛ léé, té wo lɛɛ da a ta é dɛrɛ lo.

Ézai 7:23

’Bɛ yi la féi faa lé dɔrɔyili ke ana wuru soru, ’té wo vlɛ ke gɔɔlifu sikla wuru soru, danan valé léliyilinu é dan ana ble lɛ.

Jérémi 2:16

Nofa munu valé Tapanɛs munu é ziin, Wo dan ka nwun puiɛ lɛ tata.

Jérémi 42:22

Sin, ’ka we ’ko dɔɔ ma: Ka dan ga lɛ, dé gwɔun léé, dé lɔrɔ léé, dé bawurumagyɛ léé, a nya, tɛrɛ lé é sɔ ka lɛ léé, ’wo go nyana lɛ ana bɛ, a ta.

Jérémi 44:1

Juifinu faa lé wo ke Éjipiti tɛrɛ la, Migidɔl koo, Tapanɛs koo, Nofa koo, Patrɔs tɛrɛ koo, wona, Gakelebale we fe Jérémi lɛ wozé nya yé é léma:

Jérémi 44:12

Juda munu pɔnénu lé wo yara nɔla léé, ’wo go nyana lɛ Éjipiti tɛrɛ la, maa dan wo kulu ga lɛ. Wo dan ga lɛ Éjipiti tɛrɛ la gwɔun valé lɔrɔ nya, a péli sia né kiénénu ma fɔɔ yé é bɔ mi kwanu ma; wo dan zamaga wo lɛ gwɔun valé lɔrɔ nya; yé wo dan kɛlɛ lɛ dunuzénmitazannu koo, munu gi nyɛkinizannu koo, bale pamazannu koo, serele bomazannu koo, wo nya.

Jérémi 44:13

Munu lé woo nyanaan Éjipiti tɛrɛ la, maa dan we lɛdɔ lɛ wo gi bélé fɛan zo lé an we lɛdɔ Jérusalɛm munu gi, gwɔun koo, lɔrɔ koo, bawuruma gyɛ koo, wo nya, a zo.

Jérémi 46:14

’Ka a zuo fe Éjipiti tɛrɛ la, ’Ka a zana dɔɔ Migidɔl, Yé ’ka a zana dɔɔ Nofa valé Tapanɛs, Léé, ’i nwa, ’i ma’lɛrɛ, Naa, gwɔun a mi gyɛna i zi.

Jérémi 46:19

Éjipiti tɛrɛ la mi, blɛnzan, ’Ilé kɔné pa gole luu gi we ma. Naa, Nofa é dan kɛlɛ lɛ bwi nya, Wo dan ’wii lɛ a ta, yé mi ’ka dan kɛlɛ lɛ ana é dɛrɛ lo.

Ézékiɛl 30:13

Mizan Gakelebale léma: Maa dan miyilinu sɛrɛ lɛ tata yé maa dan Nofa lé yonu si lɛ ana. Éjipiti munu nwiinzan ’ka dan kɛlɛ lɛ é dɛrɛ lo yé maa dan kana blɛn zén lɛ Éjipiti tɛrɛlamunu gi.

Ézékiɛl 30:16

Maa dan Éjipiti flanu kyɛ ble lɛ; Sɛn munu é dan nyané blɛn ble lɛ; wo dan No flazi gɔrɔ so lɛ a ma, yé Nofa nyanézannu é dan fla si lɛ é yiéyi.

OZÉ (Osée) 10:8

Gɔ nwiin yobannanu lé wo ke Bɛt‐Avan, ’té Izraɛlnu wenyané kɛlɛ ana, maa dan wona sɛrɛ lɛ; léliyilinu valé danan é dan tuu lɛ wolé yobannanu na. Wo dan a fe lɛ gɔnu lɛ léé: ’Ka ’bua ko ta, yé wo dan a fe lɛ gɔpanénu lɛ léé: ’Ka dia ko gi.

OZÉ (Osée) 11:11

Wo dan si lɛ Éjipiti tɛrɛ la vlan nya, bélé miané sile zo; wo dan si lɛ Asiri tɛrɛ la bélé plawuo zo, yé maa dan wo nyana lɛ ’wobo lé kɔnnu gi. A zo lé Gakelebale a fe.

OZÉ (Osée) 2:6

Alé nénu a bwɛ la nénu nya, amalé maa ’ka dan nyanai zén lɛ wo ta é dɛrɛ lo.

OZÉ (Osée) 7:11

Éfraim a bélé tavo plawuo lé a ’wuo ’ka a ta lo, a zo. Dé é bɛ vɔ Éjipiti lɛ, gba, dé é go Asiri va, gba.

OZÉ (Osée) 7:13

Wo fwi an wuo baa, amalé wenaané ’é kɛlɛ wo lɛ. Wo yuɛi blan an ma, amalé ’wo sɛrɛ ma. É sɔ an lɛ léé, maa wo si we gi, naa, wo vié wo an ma.

OZÉ (Osée) 7:16

Wo ’ka nɔlaan Loruzan Bale va lo. Wa dabli kɛlɛ sa nya. Wolé mi blɛnblɛnnu é dan dia lɛ gwɔun ’léé; woo dére blɛnblɛn fé, azama. We ’ko é dan wo kɛlɛ lɛ yérisiéamafɛ nya Éjipiti tɛrɛ la.

OZÉ (Osée) 8:13

Woo an baan wian nya bɛ, wa kɛla a wi blele we ma; Gakelebale ’ka ’bɛ ban‐ɛn blé lo. Sin wolé weple sele dɔ Gakelebale gi, yé é dan we lɛdɔ lɛ wo gi wolé wenyané ma; wo dan go lɛ Éjipiti tɛrɛ la wo pa gi.

OZÉ (Osée) 9:3

Ka ’ka dan vo lɛ Gakelebale lé tɛrɛ la lo, Éfraimnu wo dan go lɛ Éjipiti tɛrɛ la wo pa gi, yé wo dan ’wo sɔnné ble lɛ Asirinu va.

Lévinu 26:33

Maa dan ka sɔɔla lɛ bɛnnu gi yé maa dan go lɛ gwɔun nya ka zuo. Kalé tɛrɛ é dan vo lɛ é pla yé kalé flanu é dan vo lɛ lu nya.

Sofoni 1:11

Makatɛs munu, ’ka dunnu ma. Naa, munu faa lé woo yaawoo turu, wo wo gyɛ; munu faa lé woo gɔɔli ma we kɛla, wo wo kulu ga.

1 Samuɛl 13:6

Wo wo tunu yé Izraɛl munu a ye léé, guli bɛ mini wo lɛ, yé wo yɔɔ gɔmagurunu gi koo, yilinénu kwɛɛ gi koo, gɔlɛnu méléna koo, zéiinnu gi koo, ’yigurunu gi koo, wona.