OZÉ (Osée) 9:4 - Kazambale lé Sebe Sauunu 1979

⁴ Wo ’ka dan Gakelebale ban lɛ nwɛ nya lo, yé Gakelebale ’ka dan ’é ban‐ɛn ble lɛ lo. Wolé sarakanu é dan kɛlɛ lɛ wo lɛ bélé gyɛ la fɛblele zo. Munu faa lé wa blé, wo dan kɛlɛ lɛ naané. Wolé fɛblele é dan kɛlɛ lɛ wo saa zé nya, wo ’ka dan go lɛ a nya Gakelebale lé kɔn gi lo.

OZÉ (Osée) 9:4 ပူးပေါင်းရင်းမြစ်များ

Fwile 29:40

’I burupun zima si suoné nya do, yé bé vɔɔ ɔlivi wɔlɛnu lé wa zɔn, a nyɔnɔ litré do nya, yé i dɔrɔ litré do si saraka bo’yi nya, yé ’i da wo fiénu nya yé ’i ’bɛ valé ’blané vininzan nɔ ékeva.

Fwile 40:23

yé é burunu pla a ta ’wo bale nya, Gakelebalé ’lɛ, Gakelebale a fe Moizi lɛ fɛan zo, a zo.

Ézai 57:6

Izé a yuu va naaninvɔlagɔlɛnu nya; izé ’bɛoo ’bɛ. Wo ta lé ka kalé yoban’yi zanaan; kalé blɛfɛnu kɛlɛ wo ɛ lɛ. We ’ko ’ka ’naan an ma loo?

Ézai 66:3

Dé wa an banna diri nya, an ’bɛ yé bélé migyɛle zo; dé wa saraka bona an lɛ ’bla nya, an ’bɛ yé bélé blén bɔrɔ yélile zo; dé wa blɛfɛ nɔna an lɛ, an ’bɛ yé bélé suru nyɛ zanale zo; dé wa lasikɔrɔpo kyɛ blena an lɛ, an ’bɛ yé bélé miyili banle zo; wo faa bɛ, wo kɛlɛwe sɔ wo lɛ, yé wo gi éé nanaan ’wolé bozowe kɛlɛle ma.

Jérémi 16:7

Wolé gyɛbole gi, wo ’ka dan fɛ ble lɛ mi do lé alé mi ga, a tɔrɔ paale we ma lo. Dé mi do bu léé? dé a ti léé? dé é ga, wo ’ka dan a tɔrɔ paa lɛ nwɛ nya lo.

Jérémi 6:20

Séba tɛrɛ la lasikɔrɔpo lé wa kyɛ blé koo, gyan ginzan lé éé sié tɛrɛ baa la koo, an mawe a wo gii? Winu lé ka wo kyɛ blé an lɛ, wo ’ka an gi nanaan lo, yé kalé sarakanu ’ka sɔ lɛ an lɛ pelo.

Ézékiɛl 24:17

’I bawuruma flin wo drɔɔ; té i mi galenu gyɛ bo lo; ’ilé nɔɔn vuru i ’wuo ma, ’ilé sawala wo i gane ma; té i puomagun yɔɔ lo, yé té i mi bɛnu lé fɛ ble lo.

Ézékiɛl 24:22

Yé we lé maa a kɛlɛ, ka dan a kɛlɛ lɛ a zo. Ka ’ka dan ka puomagun yɔɔ lɛ lo; ka ’ka dan mi bɛnu lé fɛ ble lɛ lo,

Daniɛl 1:8

Daniɛl é bli ta dɔ plɛplɛ léé, é ’ka ébo tiri dɔa fɛblele valé dɔrɔ lé minwiinzan blɛn a minian, a nya lo. Yé é zanté vɔ miblalenu nwiinzan lɛ léé, té ’bɛ ’é tunu gla nya léé, ébo tiridɔfɛ ’ko ble lo.

OZÉ (Osée) 3:4

Izraɛlnu é dan mɔn lɛ bééé, ’té wo nwiinzan blɛn ’ka lo, ’té wo ’lɛzan ’ka lo, ’té wo ’ka saraka boo lo, ’té wolé yofoto ’ka lo, ’té wolé éfɔdi ’ka lo, ’té wolé miyilinu ’ka lo.

OZÉ (Osée) 7:16

Wo ’ka nɔlaan Loruzan Bale va lo. Wa dabli kɛlɛ sa nya. Wolé mi blɛnblɛnnu é dan dia lɛ gwɔun ’léé; woo dére blɛnblɛn fé, azama. We ’ko é dan wo kɛlɛ lɛ yérisiéamafɛ nya Éjipiti tɛrɛ la.

OZÉ (Osée) 8:13

Woo an baan wian nya bɛ, wa kɛla a wi blele we ma; Gakelebale ’ka ’bɛ ban‐ɛn blé lo. Sin wolé weple sele dɔ Gakelebale gi, yé é dan we lɛdɔ lɛ wo gi wolé wenyané ma; wo dan go lɛ Éjipiti tɛrɛ la wo pa gi.

Joɛl 1:13

Balebanzannu, ’ka doa dɔ yé ’ka wuvɔ; ’Kaa balebanna nyanamapazannu, ’ka wuvɔ. Anlé Bale wuozannu, ’Ka tu kini bɔlɔ nya é zénle ka ta. Naa, blɛnu valé baleban’yinu ’ka é dɛrɛ kalé Bale lé kɔn gi lo.

Joɛl 1:9

Blɛ valé baleban’yi ’ka é dɛrɛ Gakelebale lé kɔn gi lo; Balebanzannu, Gakelebale wuozannu a gyɛbona.

Joɛl 2:14

Dé é dan da lɛ ka va é ziin, yé é bli nɔlaa? Dé alé drɔɔvole é dan vo lɛ a pa gii? Dé é dan Gakelebale, kalé Bale lé blɛnu valé baleban’yinu vo lɛ é pa gii? De ɛ ’bɛ gi dɔɔ?

Lévinu 17:11

Naa, nɛ bélifɛ lé ke nyɛ nya. Maa a nɔ ka lɛ balebanna ta, kalé wenyané ’yibole we ma, naa, bélifɛ lé ke nyɛ va, a nya lé woo kalé wenyané ’yiboo.

Lévinu 21:17

Bé fe Arɔn lɛ léma: A gɔnɔ gi mi valé a kulu la mi do lé fɛ do bɔ wo kɔlɛ ma, té wo bié Bale lé fɛblele nɔle we ma lo.

Lévinu 21:21

Balebanzan Arɔn gɔnɔ gi mi faa lé we do bɔ wo kɔlɛ ma, té ’wo bié saraka lé wa kyɛ blé, a bole we gi Gakelebale lɛ lo; fɛ do bɔ a kɔlɛ ma, bɛwemalé é ’ka bɔalɛ léé, é bié alé Bale lé fɛblele nɔle we gi lo.

Lévinu 21:6

Wa é sile a va wolé Bale zé nya; té wo ’wolé Bale tɔ kɛlɛ fɛ pla nya lo; naa, sarakanu lé wa bo Gakelebale lɛ, ’té wa kyɛ blé yé é kɛlɛ wolé Bale blefɛ nya bɛ, ’wo ɛ a bo; wa segele.

Lévinu 21:8

Balebanzan ɛ kalé Bale blefɛ no, amalé ’ka a ye mi segele nya; maa, Gakelebale lé maa ka pa é yɛrama, maa a sauun, amalé é dan kɛlɛ lɛ mi segele nya ka lɛ.

Amɔs 5:22

Dé ka an ban balebanwi lé wa kyɛ blé, ’bɛ valé blɛfɛ nyaoo, é ’ka sɔa an lɛ kiéné boenwo lo; diriné nyɔnɔzannu lé ka bɔvɔ saraka bo wo nya, wo ’ka an yuɛi bɔa lo.

Malasi 2:13

We do lé ka kɛla é ziin, yee lé ke ’ko: ka yuɛyi éé zén‐é balebanna ta, ’té ka wuvɔa, ’té ka dunnuan; Gakelebale ’ka é ban‐ɛn blé lo, yé fɛ lé ka nɔ a lɛ é ’ka a si lɛ lo, amalé ka wuvɔa.

Mi Nɔnɔle 19:11

Dé é a migaleoo migalean nya, mian é mane migale ma, é ’ka dan kɛlɛ lɛ tegele lo, fɔɔ yi sɔrafié.

Mi Nɔnɔle 28:2

Dé a bléyi bɔ, ’wo an banfɛ nɔ an lɛ, fɛnu lé wa kyɛ blé, ’té maa a gin sié néné, a nya.

Mi Nɔnɔle 4:7

’Wo glayivayou sɔ fwila Bale ’lɛburu plala tablé ta, yé planu koo, gaannénu koo, pala ganeanénu valé béénébɔnu lé woo baleban’yi zén‐é a gi koo, ’wo wo dɔra tablé ’ko ta; té buru é kele tablé ’ko ta lo.

WENÉNÉ LE JAN A GYE (Évangile selon Jean) 6:51

Maa a mibéliburu lé é si la gi, a nya. Dé mi buru ’ko ble, é dan vo lɛ é yuɛma lɛɛfaama, a glɛ ’ka dɔa lo. Yé buru lé maa dan a nɔ lɛ a lɛ, an wi lé, yee lé maa dan a nɔ lɛ tɛrɛlamunu bélifɛ nya.

Bélidɔwesɛbɛ Fiézan 26:14

Bléyian va lé maa a gyɛ bona, maa ’ka fɛ ’ko do kpen ble lɛ lo; bléyian va lé maa ’ka tegele lo maa ’ka an bɛ mane lɛ wo ma lo; maa ’ka a do kpen kɛlɛ lɛ gyɛbofɛ nya lo; maa Gakelebale, anlé Bale dére ’ma, yé we faa lé bé fe an lɛ, maa we kɛlɛ ’bɛ yɛrama.