OZÉ (Osée) 9:3 - Kazambale lé Sebe Sauunu 1979

³ Ka ’ka dan vo lɛ Gakelebale lé tɛrɛ la lo, Éfraimnu wo dan go lɛ Éjipiti tɛrɛ la wo pa gi, yé wo dan ’wo sɔnné ble lɛ Asirinu va.

OZÉ (Osée) 9:3 ပူးပေါင်းရင်းမြစ်များ

1 Minwiinzannu 9:7

maa dan Izraɛl si lɛ tɛrɛ lé maa a nɔ a lɛ, a ta; kɔn lé maa an tɔ pa a ma, maa dan a si lɛ an yuɛi, yé Izraɛl é dan kɛlɛ lɛ yérisiémazannu valé gɔnévɔmazannu nya bɛnnu faa va.

2 Minwiinzannu 17:6

Ozé lɛɛ sɔraziɛnzan nya Asiri nwiinzan blɛn Samari si yé é go Izraɛl nya luu gi Asiri tɛrɛ la. É wo nyana Salaki valé Sabɔɔ yuu lé ke Gozan tɛrɛ la, a gɔ la, é valé Mɛdenu lé flanu ta.

Jérémi 16:18

É vinin maa dan wolé weple valé wolé wenyané ma ban wo lɛ gɔnɔ fié; wo anlé tɛrɛ la sɛrɛ, yé wo anlé tɔnɔtɛrɛ fan miyili galenu koo, wolé bozowenu koo, wo nya, azama.

Jérémi 2:7

Tɛrɛ lé éé fɛ dɔa, an da ka nya ana, Léé, ka ana fɛporonu valé ana fɛ zimanu ble; Naa, ka bɔ ana tɔɔn, ka anlé tɛrɛ tiri dɔ, Yé ka anlé fɛna kɛlɛ bo zo.

Jérémi Lé Wuvɔ Sɛbɛ 5:6

Ko bɛ soi Éjipiti valé Asiri vazia, léé, Wo fɛblele nɔ ko lɛ.

Ézékiɛl 4:13

Yé Gakelebale léma: A zo duo lé Izraɛlnu é dan ’wolé buru tiridɔle ble lɛ, maa wo bin yé wo go bɛnnuan wo va, wo méléna.

Daniɛl 1:8

Daniɛl é bli ta dɔ plɛplɛ léé, é ’ka ébo tiri dɔa fɛblele valé dɔrɔ lé minwiinzan blɛn a minian, a nya lo. Yé é zanté vɔ miblalenu nwiinzan lɛ léé, té ’bɛ ’é tunu gla nya léé, ébo tiridɔfɛ ’ko ble lo.

OZÉ (Osée) 11:11

Wo dan si lɛ Éjipiti tɛrɛ la vlan nya, bélé miané sile zo; wo dan si lɛ Asiri tɛrɛ la bélé plawuo zo, yé maa dan wo nyana lɛ ’wobo lé kɔnnu gi. A zo lé Gakelebale a fe.

OZÉ (Osée) 11:5

Wo ’ka dan nɔla lɛ Éjipiti tɛrɛ la lo; naa, wo ’ka a nyi si lɛ léé, wo da an va lo, amalé wo nwiinzan blɛn é dan kɛlɛ lɛ Asiri mi nya.

OZÉ (Osée) 7:11

Éfraim a bélé tavo plawuo lé a ’wuo ’ka a ta lo, a zo. Dé é bɛ vɔ Éjipiti lɛ, gba, dé é go Asiri va, gba.

OZÉ (Osée) 7:16

Wo ’ka nɔlaan Loruzan Bale va lo. Wa dabli kɛlɛ sa nya. Wolé mi blɛnblɛnnu é dan dia lɛ gwɔun ’léé; woo dére blɛnblɛn fé, azama. We ’ko é dan wo kɛlɛ lɛ yérisiéamafɛ nya Éjipiti tɛrɛ la.

OZÉ (Osée) 8:13

Woo an baan wian nya bɛ, wa kɛla a wi blele we ma; Gakelebale ’ka ’bɛ ban‐ɛn blé lo. Sin wolé weple sele dɔ Gakelebale gi, yé é dan we lɛdɔ lɛ wo gi wolé wenyané ma; wo dan go lɛ Éjipiti tɛrɛ la wo pa gi.

OZÉ (Osée) 9:6

Ka yua, wa gona, fɛ guru zanale a gi we ma; Éjipiti é dan wo si lɛ; Mofa munu é dan mipana nɔ lɛ wo lɛ. Wolé gɔɔlifu fɛwezannu é dan kɛlɛ lɛ danan zé nya yé yoné lé plin é dan tuu lɛ wolé kɔnnu gi.

Lévinu 18:28

’Ka yuɛ pa kabo va, dé tɛrɛ ’ko é da féé ka nya, fɛan zo lé é féé bɛnnu lé wo nyana ana ka ’lɛ, wo nya fɛan zo, a zo, ’té dé ka tɛrɛ tiri dɔ.

Lévinu 20:22

’Ka anlé bélidɔwenu faa valé an déretawenu faa lɛdɔma, yé ’ka wo ta tawo, léé, tɛrɛ lé maa a gona ka nya a ta yé maa ka nyana a ta kli, té é féé ka nya lo.

Lévinu 25:23

Té ka tɛrɛ dan monomono lo; naa, tɛrɛ a anzé nya, yé ka a an va bélé bɛn zo, bélé fɛginizannu zo.

Amɔs 7:17

Gakelebale léma: We ’ko ma lé i na é dan kɛlɛ lɛ bɔrɔdɛ le nya fla; wo dan i benu valé i lunu gyɛ lɛ gwɔun nya; wo dan ilé féi guli lɛ bale ma; naa, bii é dan ga lɛ tɛrɛ lé é ’ka tegele lo, a ta, yé wo dan go lɛ Izraɛl nya luu gi baa.

Misé 2:10

’Ka nwa, ’ka tawo, flinna ’ka fɛkona nya lo; ka tiri dɔle lé we ma léé, ka dan kle blɛn ble lɛ.

Kelewenu 10:14

Naa, Piɛri léé: Gba, Mizambale, maa ’ka tan fɛ lɛrɛlɛrɛ valé fɛ tiridɔle vinin ble lɛ do lo.

Bélidɔwesɛbɛ Fiézan 28:63

Zin kɛlɛle ka lɛ valé ka fanle kiɛre, ’bɛ Gakelebale gi nana é vinin fɛan zo, a zo duo lé Gakelebale lé ka gyɛle zamaga nya valé ka kulu gale é dan a gi nana lɛ. Yé tɛrɛ lé ka dan bɔ lɛ a ta yé é kɛlɛ kazé nya, Bale é dan ka si lɛ a ta gla nya.

Bélidɔwesɛbɛ Fiézan 28:68

Gakelebale é dan go lɛ ka nya ’yitagoronu gi Éjipiti tɛrɛ la, yé zi lé é a fe léé, ka ’ka dan a ye lɛ é dɛrɛ lo, ka dan tawo lɛ ’bɛ ta. ’Bɛna lé ka dan kabo yaawo lɛ luugɔné valé luuda nya, yé ka lɔzan do kpen ’ka dan ye lɛ lo.

Bélidɔwesɛbɛ Fiézan 4:26

ka dan zamaga wo lɛ tɛrɛ lé ka go a si lɛ kazé nya Juudɛn yuu zi bɛ, a ta, ’té ka sele ’ka dɔa mi gi é dɛrɛ lo; kalé tɛrɛla é dan bɔi lɛ a ta, yé ka kulu é dan ga lɛ tata; maa la valé tɛrɛ kɛlɛ anlé wenayezannu nya kyɔ yé wo ka ma we fe.

Jozué 23:15

Dére zinnu faa lé Gakelebale, kalé Bale a fe ka lɛ, wo lɛ sɔɔ fɛan zo, a zo duo lé Gakelebale é dan dére naanénu faa lɛ sɔɔ lɛ, fɔɔ yé é ka guru zana a gi tɛrɛ zin lé Gakelebale, kalé Bale a nɔ ka lɛ, a ta.