OZÉ (Osée) 9:15 - Kazambale lé Sebe Sauunu 1979

¹⁵ Wolé wenyané faa ta a é bɔrale Gilgal; ’bɛna lé wo sɛrɛ an gi. Wo kɛlɛwe an bli fli, amalé an dan so lɛ wo va anlé kɔn gi. Wo ’ka dan sɔ lɛ an lɛ é dɛrɛ lo; wo nwiinzannu faa a nwamimazannu nya.

OZÉ (Osée) 9:15 ပူးပေါင်းရင်းမြစ်များ

Lɛrɛvɔ Sɛbɛ 78:60

É sɔn vɔ é nyanana lé ke Silo, a ma, Sɔkɔn lé éé nyanaan a gi munu méléna, é sɔn vɔ ’bɛ ma;

Ézai 1:23

Ka nwiinzannu a nwamimazannu nya yé wa kyeenwozannu béénu nya. Blɛfɛ sɔ wo faa lɛ, ’té woo vlan buruwo tɔnɔfɛnu zuo. Wo ’ka we tegele kɛla ti valé bu galazannu lɛ lo, yé wo ’ka zanagalalomu lé we blé lo.

Jérémi 11:15

An sɔlɛzan baba é dan mɛ fɛ kɛlɛ lɛ anlé kɔn gii? Éé weple kiɛre kɛla ana. Saraka bowi éé bɔa i sile lɛ we tɔntɔn gii? Dé i wenyané kɛlɛ, ’té ibo kɛla blɛn.

Jérémi 12:8

Anlé tɔnɔfɛ kɛlɛ an lɛ bélé golizra zo pɔrɔ gi, É ’é gi gunu an ma, Amalé maa a za pa.

Jérémi 15:1

Gakelebale lé an lɛ léma: Dé é kɛlɛ kɔɔn léé, Moizi valé Samuɛl dɔ munu ’ko lé we gi an ’lɛ, an bli ’ka dan dɔrala lɛ munu ’ko ma lo. ’I wo bin an lɛ baa, ’wo si ana yé ’wo go ma.

Jérémi 3:8

Izraɛl lé é ’ka vo an wuo lo, maa a bɔra élé gɔnéginile faa lé we ma, yé maa a bɔrasɛbɛ nɔ a lɛ. Naa, duowo, maa a ye léé, a buru Juda lé éé gilawe kɛla, é ’ka kana lɛ monomono lo, naa, é go gɔné gini lɛ é ziin bélé Izraɛl zé zo.

Jérémi 5:5

Maa dan go lɛ mi segelenu va, yé ’bɛnu lɛ lé maa dan we fe lɛ; Naa, ’bɛnu ɛ Gakelebale lé zi dɔɔ, Yé ’bɛnu ’wolé Bale lé bélidɔwe dɔɔ. Naa, wo é ziin, wo ’wo bɔrɔ ma luubale kini Yé wo si an wuo;

Ézékiɛl 22:27

Alé mi segelenu a wo méléna bélé glaunu lé woo fɛ wi kinié ékema, wo zo. Woo mi nyɛ zanaan, woo mi boennu saan wolé fɛyelɔrɔ sile ’wo ma we ma.

Ézékiɛl 23:18

É élé pɛnpɛnné gyɛle bɔra gɔrɔ la, yé ébo poro. Yé an bli si a lɛ, bélé fɛan zo lé an bli si a buru lɛ turu, a zo.

OZÉ (Osée) 1:6

É bɔn si é ziin, yé é né yaa le nya. Yé Gakelebale lé Ozé lɛ léé: Bé tɔ pa Lo‐Rusama; a gi léé, nyanai ’ka dan zén lɛ lo; naa, an nyanai ’ka dan zén lɛ Izraɛl munu ta é dɛrɛ lo, yé maa ’ka dan wo ma we vo lɛ é dɛrɛ lo.

OZÉ (Osée) 1:9

Yé Gakelebale léé: Bé tɔ pa Lo‐Ami, ’bɛ gi léé, anlé munu kaan lo; ka ’ka anlé munu nya lo, yé maa ’ka kalé Bale nya lo, azama.

OZÉ (Osée) 12:11

Maa we fe balelayezannu lɔlu nya; maa yuɛziwe kiɛre kiɛre gɔɔn ka lɛ, yé maa wegɔné vɔ ka lɛ balelayezannu lɔlu nya.

OZÉ (Osée) 12:2

Fu a Éfraim lé fɛblele nya, yé éé goo yirinwanazia fu zuo; yi faa do do ma alé viéwole valé alé glawe kɛlɛle gi a gyɛna. Éé gi paan do Asirinu va, ’té woo goo nyɔnɔ nya Éjipitinu lɛ.

OZÉ (Osée) 3:4

Izraɛlnu é dan mɔn lɛ bééé, ’té wo nwiinzan blɛn ’ka lo, ’té wo ’lɛzan ’ka lo, ’té wo ’ka saraka boo lo, ’té wolé yofoto ’ka lo, ’té wolé éfɔdi ’ka lo, ’té wolé miyilinu ’ka lo.

OZÉ (Osée) 4:15

Oo ’kaa Izraɛlnu, dé kabo nɔ bɔrɔdɛ kɛlɛle lɛ, té Juda ’é we dɔ ’é nwiin ’bɛ kɛlɛle nya lo; té ka go Gilgal lo; té ka go loru Bɛt‐Avan lo; té ka bale ’nyɔɔn a fele nya léé, Gakelebale a é yuɛma, lo.

OZÉ (Osée) 4:9

Maa dan Balebanzannu zé kɛlɛ lɛ bélé mi planu zé zo; maa dan we lɛdɔ lɛ wo gi wolé tawobɛ yɛrama, maa dan wolé we lɛgi pa lɛ wo kɛlɛwenu yɛrama.

OZÉ (Osée) 7:2

É ’ka wo gi léé, wolé wenyanénu faa sele a an gi lo; wo kɛlɛwenu wo zi lɛ sɔɔ, wo faa a an ’lɛ.

OZÉ (Osée) 9:17

Wo ’ka tɔné dɔ lɛ anlé Bale lɛ lo, amalé é dan sɔn vɔ lɛ wo ma, yé wo dan kɛlɛ lɛ nɔɔzannu nya bɛnnu méléna.

OZÉ (Osée) 9:3

Ka ’ka dan vo lɛ Gakelebale lé tɛrɛ la lo, Éfraimnu wo dan go lɛ Éjipiti tɛrɛ la wo pa gi, yé wo dan ’wo sɔnné ble lɛ Asirinu va.

Lévinu 26:30

Maa dan kalé gɔnwiin yobannanu sɛrɛ lɛ, yé kalé miyilinu lé ka wo pa é yɛrama yiri zé nya, maa dan wo sɛrɛ lɛ. Maa dan ka galenu pla lɛ kalé miyili sɛrɛlenu ta, yé anboen é dan serele bo lɛ ka ma.

Amɔs 4:4

Mizan Gakelebale léma: ’Ka go Bétɛl, ’ka wenyané kɛlɛ. ’Ka go Gilgal, ’ka wenyané taa kɛlɛ. ’Ka saraka bo tu valé é kinile ma, ’kalé fɛvuzanu nɔ yi yaa gɔnɔ do. ’Kalé bɔvɔ sarakanu bo lévɛn nya wo va. ’Kalé bli drɔɔ blɛnu zuo fe, ’ka a zana dɔɔ. ’Bɛ ɛ sɔ ’kaa Izraɛlnu lɛ.

Amɔs 5:27

yé maa dan go lɛ ka faa nya luu gi Damas zi. A zo lé Gakelebale a fe; a tɔ lé lai sunyanu lé Bale.

Amɔs 5:5

Té ka Bétɛl nagini lo; té ka go Gilgal lo; té ka gié Bɛɛ‐Sééba lo. Naa, wo dan Gilgal si lɛ, yé wo dan Bétɛl sɛrɛ lɛ.

Misé 3:11

A nwiinzannu éé we blé blɛ yele we ma; alé Balebanzannu éé we paan mi gi ’wo ban yele we ma; alé balelayezannu éé balelawe fé gɔɔli va. É dɔ wo gi léé, wa é pale Gakelebale ta, ’té wa fé léé: Gakelebale ’ka ko va loo? Wenaané ’ka dan bɔ lɛ ko ma lo.

Misé 6:5

Anlé munu, we lé é dɔ Moab nwiinzan Balak gi, ’ka bɔn‐in bɔrɔ ’bɛ ma do, yé we lé Béɔɔ be Balaam a zi pa a lɛ, ’ka gibɔrɔ ’bɛ ma do, yé we lé é bɔ Sitim valé Gilgal méléna, ’ka gibɔrɔ ’bɛ ma do, yé wezin lé Gakelebale a kɛlɛ, ka dan a gi dɔɔ lɛ.

Sofoni 3:3

Alé minwiinzannu a a va bélé golizranu lé woo gi gunuan, wo zo; alé weblezannu a bélé glaunu lé wo ’ka wi do kpen tadɔa bladi zé nya lo, wo zo.

Zakari 11:8

Maa ’blapazannu yaa si ana moné do kpen gi; an boen bli a pɛpɛ wolé we ma, yé an sɛrɛ wo gi.

Kelewenu 4:27

Wezen lé, Érɔd koo, Pɔns Pilat koo, bɛnnu koo, Izraɛl munu koo, wo faa ’wo péli vɔ do fla ’ko la i wuozan sauun Jézu ma, ’té bii nyɔnɔ zén a nwiin bɛ, a ma,

Kelewenu 5:21

Wo ’bɛ ’ma aan wo, wo go bladi Balebangikɔn gi yé wo kun we paale ma munu gi. Balebanmunu ’lɛzan valé é vamunu da aan wo, yé wo webolikinimunu valé Izraɛl mi segelenu faa laa, yé wo mi pa zia nwunvɔzannu sina bokɔn gi.

Jozué 10:43

Yé Jozué nɔla é ziin Gilgal, sɔkɔn dɔna, ’té Izraɛl faa a a va.

1 Samuɛl 7:16

Lɛɛ do do gi, Bétɛl koo, Gilgal koo, Misipa koo, éé giéan Izraɛlnu lé weblele nya é bale nya.