OZÉ (Osée) 9:12 - Kazambale lé Sebe Sauunu 1979

¹² Dé wo ’wolé nénu pa, an dan wo si lɛ wo lee wo tinle ’lɛ; dé an si wo zi, ’té we tɔntɔn kɛlɛ wo lɛ.

OZÉ (Osée) 9:12 ပူးပေါင်းရင်းမြစ်များ

2 Minwiinzannu 17:18

É ziin, Gakelebale bli fli wo ma é baba yé é wo si é yara baa. Juda bɛn do kpen ɛ vo.

2 Minwiinzannu 17:23

fɔɔ yé Gakelebale Izraɛl bin é yara baa, fɛan zo lé é a fe é wuozannu Balelayezannu faa lɔlu nya, a zo. Yé wo go Izraɛl munu nya luu gi wolé tɛrɛ ma baa, Asiri tɛrɛ la, ana lé wo vo fɔɔ kyɔ yi nya.

JOB (Job) 27:14

Dé a benu nɔnɔ ’léé a kiɛreoo, ’té gwɔun gyɛfɛ lé, Yé fɛblele é dan vuru lɛ a nénénu ma;

Jérémi 15:7

Maa wo fɛɛan anlé fu nya fɔɔ tɛrɛ ’ko glɛ ta; Maa né kele anlé munu ma, maa wo kulu ga, Wo ’ka si lɛ wo kɛlɛwenu zuo lo, azama.

Jérémi 6:8

Yé bii Jérusalɛm, ’i wepladérenu nyi si, dé maa da si i ma baa yé maa i kɛlɛ é ’bin nya, tɛrɛ lé mi ’ka ana lo, a nya.

Jérémi Lé Wuvɔ Sɛbɛ 2:20

Gakelebale, ’bé gini, mi lé i ’bɛ zoɛ we kɛlɛ a lɛ, ’bé ye. É a lé lomu wobo kulu blee? Né kiénénu lé wo bli bɔ wo ma, ’wo wo blee? É a lé wo Balebanzannu valé balelayezannu gyɛ za ma Mizan lé fɛna sauun naa?

Jérémi Lé Wuvɔ Sɛbɛ 2:22

I di kinile laa bɛ faa ma léé, ’é zén an gi, bélé fɛti yi la mi zénle zo. Gakelebale bli fli yian nya, mi lé ’bɛ é so a lee, ’bɛzan ’ka lo, yé voéyuɛmazan ’ka lo. Munu lé maa wo pa yé wo tin, An nyanézan wo ble.

OZÉ (Osée) 7:13

Wo fwi an wuo baa, amalé wenaané ’é kɛlɛ wo lɛ. Wo yuɛi blan an ma, amalé ’wo sɛrɛ ma. É sɔ an lɛ léé, maa wo si we gi, naa, wo vié wo an ma.

OZÉ (Osée) 9:13

Dé maa an yuɛ vɔ Tii lé tɛrɛ bɛ do la, maa Éfraim ye é nyanale ana fɛ zin na; naa, Éfraim é dan go lɛ élé nénu nya ’wo gyɛzannu va.

OZÉ (Osée) 9:16

Maa Éfraim bla, maa kyɛ pa a ma, a suni ga; é ’ka dan é poro baa lɛ é dɛrɛ lo. Dé wo nénu yaa, yee lé a we ke wo lee, maa dan a gyɛ lɛ za ma.

Malasi 2:12

Mi lé é a kɛlɛ ’bɛ zo, dé é a miomian nya, Gakelebale é dan a kini lɛ Jakɔb lé munu ma. É dan a kini lɛ munu lé woo Gakelebale baan, wo ma.

Mi Nɔnɔle 14:34

Fɛan zo lé ka vo tɛrɛ naginina yi yɔ fié wuo, a zo duo lé ka dan lɛɛ yɔ fié kɛlɛ lɛ kalé weplenu ma, yi do lɛɛ do; yé dé ’é kɛlɛle ka va vuru ka ma, ka dan we ’ko dɔɔ lɛ.

Mi Nɔnɔle 26:65

Naa, Gakelebale a fe léé, wo faa é dan ga lɛ bwi gi; wo va mi do kpen ’ka dan vo lɛ lo, ’té dé é ’ka Jéfuné be Kalɛb valé Nɛn be Jozué nya lo, azama.

Bélidɔwesɛbɛ Fiézan 28:18

Kalé nénu koo, kalé féifɛnu koo, kalé diri valé kalé bolinu valé kalé ’blanu fanle koo, bale é dan pa lɛ wo faa ma.

Bélidɔwesɛbɛ Fiézan 28:32

Bɛn bɛ gi munu é dan i benu valé i lunu si lɛ; ka dan a ye lɛ ka yuɛ nya yé ka yuɛ é dan vo lɛ wo zuo yifaama, yé plɛplɛ ’ka dan ye lɛ i lee lo.

Bélidɔwesɛbɛ Fiézan 31:17

’Bɛ yi la, an bli é dan fli lɛ wo ma. An dan sɔn vɔ lɛ wo ma yé maa dan an yara si lɛ wo ta, yé we é dan wo mini lɛ. Wenaané valé kleblele kiɛre é dan bɔ lɛ wo ma yé wo dan a fe lɛ léé, ’wolé Bale ’ka ’wo va lo, bɛwemalé wenaanénu ’ko ke bɔna ’wo ma, yee kaan loo?

Bélidɔwesɛbɛ Fiézan 32:25

Wo dan ga lɛ ’wo kɔlɛ ma gwɔun ’léé, Yé wo dan ga lɛ wo bɔn gi kana nya. Dé é a pɛniɛ nyaoo, dé é a blɛn nyaoo, wolé we a do. Dé é a nyɔ ma né nyaoo, dé gɔné kwa léoo, wolé we a do.

Weblezannu 4:16

Barak goronu valé sunyanu zuo bin fɔɔ yé é bɔ Arosɛt‐Goim yé é Sizéra lé sunyanu faa gyɛ gwɔun nya, yé mi do kpen ’ka vo lɛ lo.

1 Samuɛl 16:14

Gakelebale Léli si Saul ta yé léli naané do lé Bale a pa zia, é nyané pa Saul ta.