OZÉ (Osée) 9:10 - Kazambale lé Sebe Sauunu 1979

¹⁰ Maa Izraɛl ye bélé dɔrɔporo zo bwi gi; maa ka tranu ye bélé bɔrɔyili poro vinin zo; naa, wo go Baal‐Péɔɔ zuo, yé wobo nɔ miyili lɛrɛlɛrɛ lɛ, yé wo kɛlɛ bozofɛ nya, bélé ’wo sɔlɛfɛ zo.

OZÉ (Osée) 9:10 ပူးပေါင်းရင်းမြစ်များ

1 Minwiinzannu 16:31

Abo nɔle Nabat be Jéroboam lé wenyané kɛlɛle lɛ a a yuɛ gi we kiéné nya, yé é Sidɔn munu nwiinzan Étabaal lu Jézabɛl si é na nya yé é go Baal bɔ lɛ, ’té éé diaan é yara a ’lɛ.

2 Minwiinzannu 17:11

’Bɛna lé woo lasikɔrɔ kyɛ blé gɔ nwiin yobannanu faa na, bɛnnu lé Gakelebale wo bin wo ’lɛ, wa kɛlɛ fɛan zo, a zo, yé wenaanénu kɛlɛle nya lé wo Gakelebale bli fli.

Lɛrɛvɔ Sɛbɛ 115:8

Munuan ’bɛnu wo kɛlɛ, ’bɛnu a bélé wo zo, Wo lé woo paan wo ta, wolé we a bélé wozé zo.

Lɛrɛvɔ Sɛbɛ 81:12

Naa, anlé munu ’ka tɔné dɔ lɛ an dére lɛ monomono lo. Izraɛl munu ’ka an lɛdɔ lɛ a ma pelo.

Wegɔné Ma Lɛrɛ 3:6

Mi lé ke sina bwi gi bɛ, de léé? É a bélé kyɛgoi pɔrɔlɔ zo, Miré valé lasikɔrɔpo koo, Yaawomunu lé fɛginzannu koo, wo goi méléna.

Ézai 28:4

yé a vwi lé ke wo ’lɛrɛfɛ nya, ’té a ma éé yuruan bɛ, ’té é ke é plale pɛnguru gi tɛrɛ nyɔnɔzan nwiin bɛ, é dan kɛlɛ lɛ bélé bɔrɔyili poro lé é tana é bɔlunu ’lɛ, ’té dé é dia tɔɔn, ’té wa ble é kwakwa, a zo.

Jérémi 11:13

Oo Juda munu, kalé flanu ’léé a kiɛre fɛan zo, a zo lé kalé balenu ’léé ke. Yé Jérusalɛm zinu ’léé a fɛan zo, a zo lé ka miyilinu bannanu kɛlɛ, yé ka lasikɔrɔ kyɛblenanu kɛlɛ Baal lɛ.

Jérémi 24:2

Bɔrɔyiliporo lé ke kyɛɛné do gi, wa é zima é baba, bélé yiliporo vininzannu zo, yé kyɛɛné koɛzan zé a é naané é baba; mi ’ka bɔa wo blele lɛ lo, wo naané lé we ma.

Jérémi 3:24

Ko kiéné la bléyi va, miyilinu ko tinu panyanama tɔnɔ ble; wolé ’blanu koo, wolé dirinu koo, wo benu valé wo lunu koo, wo wo ble.

Jérémi 3:25

Kolé yaragyɛwe kɛlɛ bélé yialafɛ zo, yé nyɔnmɛ wɔra ko ta bélé sɔ zo. Naa, ko wenyané kɛlɛ Gakelebale kolé Bale ma, ko koo, ko tinu koo, é sia ko kiéné la bléyi va fɔɔ kyɔ. Yé ko ’ka ko tɔné dɔ lɛ Gakelebale kolé Bale lɛ lo.

Jérémi 31:2

Gakelebale léma: Wo zin ye an va bwi gi, munu lé wo so gwɔun ’léé, woo lé; Izraɛl munu a gona ’wo flinna.

Jérémi 5:31

balelayemunu éé balelawe fé vié nya, yé Balebanmunu éé dɔa wo dére zuo, yé ’bɛ sɔ anlé munu lɛ. Ka dan kɛlɛ lɛ kaa a ’wuoplanaa?

Ézékiɛl 20:8

Yé wo nwa an ma, yé é ’ka sɔ lɛ wo lɛ léé, wo tɔné dɔ an dére lɛ lo. Boafɛnu lé ’bɛnu éé wo sian ana, wovazan do kpen ’ka sɔn vɔ lɛ ’bɛnu ma lo, yé wo ’ka daan lɛ Éjipitinu lé miyilinu ma monomono lo. É dɔ an gi léé, an wɛwɛ dɔ wo ma yé an bli flile lɛ é sɔɔ wo ma Éjipiti tɛrɛ la.

OZÉ (Osée) 11:1

Dé Izraɛl a kiéné bléyian va, ’té é sɔ an lɛ, Yé maa an be laa léé, ’é si Éjipiti.

OZÉ (Osée) 13:5

Maa i dɔɔ bwi gi fɛna gale na.

OZÉ (Osée) 2:15

Yinuan nya lé é lasikɔrɔpo kyɛ ble Baal lɛ, ’té éé ’lɛra bɛmafɛ valé bɔrɔmakyanbale nya, ’té éé goo é bwɛnu zuo, ’té a gi éé saan an ma, an dan we lɛdɔ lɛ a gi a we ma. A zo lé Gakelebale a fe.

OZÉ (Osée) 4:14

Maa ’ka dan we lɛdɔ lɛ ka lunu gi wolé bɔrɔdɛ kɛlɛle ma lo; maa ’ka we lɛdɔa ka be nanu gi wolé gɔnéginile we ma lo, naa, kaboen éé goo bɔrɔdɛ lomu zuo, ’té ka valé tɛrɛgyɛwe kɛlɛlomu, ka yo baan ékeva. Tavozannu éé vlanburuwo ’wo saanna.

OZÉ (Osée) 4:18

Wo nyaa nwɛ minile nya tɔɔn, wobo nɔ bɔrɔdɛ lomu lɛ. Wo nwiinzannu bli bɔ yaragyɛwe ma.

Misé 7:1

Yiba! Mɛ nyanainya we ɛ bɔ an ma a zoo? Maa a bélé mi lé é go féi gɔi, a zo, bélé mi lé é go dɔrɔ gɔi, a zo. Dɔrɔporo do kpen ’ka lo; bɔrɔyili poro lé an bli bɔ a ma, a do kpen ’ka lo.

Mi Nɔnɔle 15:39

Dé varɔ lɛi vwizan ’ko a ka ta, ’ka a nagini, yé maa, Gakelebale lé bélidɔwe sɔnnénu faa sele ’é dɔ ka gi ma, ’té ka wo ta tawo, yé ’té ka ’ka go kalé blibɔmawenu valé yuɛbɔmawenu zuo lo, dé wo da ka sia ana yé ka yuɛ gi é blan anlé we ma.

Mi Nɔnɔle 18:13

Wolé féifɛ vininzannu lé wo da wo nya maa, Gakelebale lɛ, wo dan kɛlɛ lɛ izé nya. Dé é a ilé kɔn gi miomian nya, dé azan a tegele, ’bɛzan a ble ma.

Rom munu 6:21

’Bɛ bléyi va mɛ tɔnɔ ɛ ke ka maa? Tɔnɔ lé é ka gya yara nya sin, yee lé. Naa, we ’konu ’wuo éé plaan ga nya.

Bélidɔwesɛbɛ Fiézan 32:10

Gakelebale Izraɛl ye bwi gi, Fɛana lé mi do kpen ’ka lo, ’té tɛrɛ éé siaan kanale nya, ana; É a pa, ’té é a a zi; É a takuun bélé é yuɛ zooné zo,

Bélidɔwesɛbɛ Fiézan 32:17

Miyilinu lé wo ’ka Bale nya lo, wo wo ban, Balenu lé wo ’ka wo dɔɔ lɛ é vinin lo, Bale dɛrɛnu lé wo da lao bɛ, ’Té wo tranu ’ka kana lɛ wo lee lo, wo wo ban.

Bélidɔwesɛbɛ Fiézan 4:3

We lé Gakelebale a kɛlɛ ka lɛ Baal‐Péɔɔ lé we ma, ka ana ye. Ka va munu faa lé wo go Baal‐Péɔɔ zuo, Gakelebale, kalé Bale wo gyɛ.

Weblezannu 6:32

Yi ’ko nya wo tɔ pa Jédéɔn ma Jérubaal, ’bɛ gi léé, Baal ’ébo zé fe ma, é a banna sɛrɛ, azama.