OZÉ (Osée) 9:1 - Kazambale lé Sebe Sauunu 1979

¹ ’Kaa Izraɛlnu, ka sɔn vɔ Gakelebale ma bélé bɔrɔdɛ le zo, té ka gi é nana ’bɛ ma lo; yé wenyané ma gɔɔli lé ka ye kalé ’sa sunwona faa na, ’té é sɔ ka lɛ bɛ, té kabo nɔ ginanale lɛ ’bɛ lé we ma, bélé bɛn bɛnu zo lo.

OZÉ (Osée) 9:1 ပူးပေါင်းရင်းမြစ်များ

Lɛrɛvɔ Sɛbɛ 73:27

Naa, bé ye, munu lé woo sié i ma baa, woo zamaga woo; Wo faa lé woo sié i va, i dan wo si lɛ ana tata.

Ézai 17:11

Dé i wo suru i gɔrɔ bo wo zi, ’bɛ zuo sɛ tɔɔn a vwi bi, naa, dé i ginanabléyi bɔ a sole we ma, ’té é a é fou nya. É a gyɛ lé a lia ’ka lo, a nya.

Jérémi 2:19

Kalé we lɛrɛlɛrɛnu kɛlɛle valé kalé yuɛgiblanlenu é dan we lɛdɔ lɛ ka gi, Yé ka dan a ye lɛ yé ka dan a gi dɔɔ lɛ léé, Gakelebale kalé Bale vole, ’té a kana do kpen ’ka zén‐é ka gi lo, ’Bɛ a wenaané valé we lɛrɛlɛrɛ nya. Maa, Mizan, lagi sunyanu lé Gakelebale ɛ ke a fena.

Jérémi 2:20

Ana mɔn ka ka bɔrɔ ma luubale kini Yé ka si luu gi, Yé ka léé: Ko ’ka a va léé, ko vo mi wuozannu nya é dɛrɛ lo; Naa, ka go gɔpanénu faa nwiin Yé ka go yili drɔɔdrɔɔnu faa wuo Yé ka yia wona bélé gɔnégini le zo.

Jérémi 44:17

Naa, dé ko wean fe, ko kɛla; é sɔ ko lɛ léé, ko lasikɔrɔpo kyɛ ble lagi fuale lɛ yé ko ’yi zana a lɛ, ko valé ko tranu koo, ko nwiinzan blɛnnu valé ko nwiinzannu koo, ko kɛla turu fɛan zo Juda tɛrɛ la flanu valé Jérusalɛm zinu ta, a zo. ’Bɛ bléyi va ko fɛ blé yé ko kaan, ko gi éé nanaan, ’té wenaané do kpen ’ka bɔa ko ma lo.

Jérémi Lé Wuvɔ Sɛbɛ 4:21

Édom munu, Usi tɛrɛ lamunu, Ka gi ’é nana é bléyi, ka a ka tanyila, Yee we duo é dan bɔ lɛ ka ma, Ka dan kle ble lɛ a gi, yé wo dan ka poro lɛ.

Ézékiɛl 16:15

Naa, i bli vo i nɔnɔmi lɛ, yé ibo kɛlɛ gɔnégini le nya i tɔ lé we ma; ibo kɛlɛ gɔnégini le nya giémunu faa va, yé ibo nɔ wo lɛ.

Ézékiɛl 16:30

We ’konu lé wo ke gɔnégini lomu nwiinle zé zo, i ’bɛnu faa kɛlɛ, yé i bli kɛlɛ tɔɔtɔɔ fɛan zo, bé ye. A zo lé Mizan Gakelebale a fe.

Ézékiɛl 20:32

Ka léma: É sɔ ’wo lɛ léé, ’wo kɛlɛ bélé bɛngɔnɔnu zo, bélé tɛrɛ bɛ tamunu zo. É sɔ ’wo lɛ léé, ’wo yili valé gɔlɛ ban. We ’ko lé é dɔ ka gi bɛ, a lɛ ’ka dan sɔɔ lɛ lo.

Ézékiɛl 21:10

Yé munu faa é dan a gi dɔɔ lɛ léé, Maa Gakelebale, maa anlé gwɔun so é kɔlɛ gi. É ’ka dan wɔra lɛ é kɔlɛ gi é dɛrɛ lo.

OZÉ (Osée) 10:5

Samari munu bɔ é dan gyɛ lɛ dirinénu lé wo ke Bɛt‐Avan, wolé we ma. Munu é dan miyili gyɛ bo lɛ; a banzannu ma é dan nyɔɔn lɛ alé we ma, ’bɛ valé a tɔbɔle yi gale we ma.

OZÉ (Osée) 2:12

Yé sin, maa dan yaragyɛwe bɔ lɛ a ma a bwɛnu yuɛ va, yé mi do kpen ’ka dan a si lɛ an lee lo.

OZÉ (Osée) 4:12

Anlé munu éé we laan ’wolé yili lee, ’té wolé tawomayili a gi fé wo lɛ. Naa, bɔrɔdɛ kɛlɛbli wo saan, yé wo si ’wolé Bale ma baa, bélé bɔrɔdɛ le zo.

OZÉ (Osée) 5:4

Bɔrɔdɛ kɛlɛbli a wo gi, yé wo ’ka Gakelebale dɔɔa lo, bɛwemalé wo kɛlɛwenu wo dale Kazambale va yi ga.

OZÉ (Osée) 5:7

Wo kɛlɛ gɔné bɛ ginizan nya Gakelebale wuo yé wo nénu yaa gɔrɔ la. Sin, maa dan wolé fɛ zin faa si lɛ wo lee moné do gi.

Amɔs 3:2

’Kaa do kpen lé maa ka si tɛrɛ la migɔnɔnu faa va, bɛwemalé maa dan we lɛdɔ lɛ ka gi, kalé wenyanénu faa lé we ma.

Amɔs 6:13

Fɛ lé é ke fɛ pla nya, ’bɛ ma lé ka gi éé nanaan, yé ka léé, kobo lé plɛplɛ ma‐an ko ’lɛ dɔ loo?

Amɔs 8:10

maa dan kalé fɛtinu nɔla lɛ gyɛbole nya, yé maa dan kalé lɛrɛnu faa nɔla lɛ wuvɔlenu nya. Maa dan bɔlɔ vɔ lɛ mi faa tɛrɛ la, yé maa dan mi faa gyɛ lɛ palo nya. Maa dan mi faa kɛlɛ lɛ gyɛbozannu nya, bélé mi be wɔlɛ do kpen gyɛbole zo, yé a ’wuo é dan pla lɛ é nyanale bélé ziri zo.

SEBE LÉ JAK A GYE (Épitre de Jacques) 4:16

Naa, sin, ka a kabo tɔ kɛlɛna blɛn ’wuogibɔrɔle blɛnnu nya. Botɔkɛlɛlɛ blɛn ’bɛ zo a we lɛrɛlɛrɛ nya.

SEBE LÉ JAK A GYE (Épitre de Jacques) 5:1

’Kaa fuablezannu, ’ka tɔné dɔ an lɛ do. ’Ka wuvɔ, yé ’ka siaa, wenaanénu lé wo dan bɔ lɛ ka ma bɛ, wolé we ma.