OZÉ (Osée) 8:8 - Kazambale lé Sebe Sauunu 1979

⁸ Izraɛl sɛrɛ tata. Wa sin bɛnnu méléna bɔ lé a vlɛ ’ka lo, a zo.

OZÉ (Osée) 8:8 ပူးပေါင်းရင်းမြစ်များ

2 Minwiinzannu 18:11

Asiri nwiinzan blɛn go Izraɛl nya luu gi Asiri tɛrɛ la, yé é wo nyana Salaki koo, Sabɔɔ yuu lé ke Gozan tɛrɛ la, a gɔ la koo, Mɛdenu lé flanu koo, wona;

Ézai 30:14

yé é dan ’wii lɛ tuuntuun bélé bɔ zo, ’té a plené ’ka vo kyɛnyɛ sifɛ nya lo, ’té a do ’ka vo ’yitɔfɛ nya lo.

Jérémi 22:28

Jékonia ’ko lé woo nyé yélié a ma, é a bɔ ple nyaa? É kɛlɛ bélé pooné go zoo? Mɛmalé wo wo vuli, yee valé é kulunu nya, tɛrɛ lé é ’ka ana dɔɔa lo, a taa?

Jérémi 25:34

Munu pazannu, ’ka dunnu, ’ka siaa; zi gɔɔn trubɛ lɛzannu, ’ka burula kyɛyee va. Naa, ka bɔrɔboyi bɔ sin, azama. Maa dan ka ’wii lɛ yé ka dan dia lɛ bélé bɔwezan zo.

Jérémi 48:38

Moab kɔn nwiinnu faa valé alé vuunnu faa la, wa wu saa vɔna. Naa, maa Moab ’wii bélé bɔ lé é ’ka we do nya lo, wa ’wiié fɛan zo, a zo, azama. Maa Gakelebale ɛ ke a fena.

Jérémi 50:17

Izraɛl a ’bla sanle lé golizra a zuo bin‐é, a nya; Asirinu nwiinzan blɛn a ble é vinin, yé é voéla ’ko, Babilɔn nwiinzan blɛn Nébukanɛsaa a wɔlɛnu yéli.

Jérémi 51:34

Jérusalɛm léma: Babilɔn nwiinzan blɛn Nébukanɛsaa an ble, é an sɛrɛ; É an kɛlɛ bélé bɔkoro zo; É an mini bélé dragɔn zo; É kan anlé fɛwezannu nya, É an bin.

Jérémi Lé Wuvɔ Sɛbɛ 2:16

Ka nyanézannu faa woo ’léé fuoan ka ma, Woo ’furu fɛɛn, yé woo suiɛ giéan ékema, Yé wo léé, ko mini a ta. We lé ko lɛbɛn‐é turu, yee lé bɛ; ko a lɛbɛn, yé é bɔ; ko a ye sin.

Jérémi Lé Wuvɔ Sɛbɛ 2:2

Mizan Jakɔb lé munu nyanana faa sɛrɛ, ’té a nyanai ’ka zén‐é wo ta lo; A bli flile baba zi, é Izraɛl munu yɔɔna plɛplɛnu guru zana a gi; É a kɛlɛ léé, wo burula tɛrɛ va. É fuatɛrɛ valé é nwiinzannu sɔnné sɛrɛ.

Jérémi Lé Wuvɔ Sɛbɛ 2:5

Mizan kɛlɛ bélé wo nyanézan zo, É Izraɛl munu ble; é wolé fuakɔnnu faa ble, É wo yɔɔna plɛplɛnu sɛrɛ; É Juda munu kɛlɛ nyanéblezannu valé dunnuzannu saa nya.

Jérémi Lé Wuvɔ Sɛbɛ 4:2

É vinin, woo Siɔn munu tɔbɔle yé Bélé kyan tegele zo, Naa, sin, woo wo yé bélé tɛrɛbɔnu lé Bɔdɔzan a dɔ, a zo.

Jérémi Lé Wuvɔ Sɛbɛ 5:2

Ko zara kɛlɛ bɛnnu zé nya, Kolé kɔnnu kɛlɛ munu lé, ko ’ka wo dɔɔa lo, wozé nya.

Ézékiɛl 36:3

Amalé ’i balelawe fe léma: Mizan Gakelebale léma: Iin, naa, é sɔ munu lɛ bɛ faa ma léé, wo ka sɛrɛ yé wo ka mini, ka kɛlɛle bɛn bɛnu zé nya we gi, yé wo ka glewo yé wo gɔné vɔ ka ma.

Lévinu 26:33

Maa dan ka sɔɔla lɛ bɛnnu gi yé maa dan go lɛ gwɔun nya ka zuo. Kalé tɛrɛ é dan vo lɛ é pla yé kalé flanu é dan vo lɛ lu nya.

Rom munu 9:22

Yé dé é sɔ Kazambale lɛ léé, élé bliflile valé élé plɛplɛ nagɔɔn, yé bliflimabɔnu lé é wo dɔ wo sɛrɛle we gi bɛ, dé é ’wuo dɔ wo wuo bli tiéé baba nya, a leewe kaan loo?

Bélidɔwesɛbɛ Fiézan 28:25

Gakelebale é dan zi nɔ lɛ ka nyanézannu lɛ léé, ’wo ka gyɛ; ka gozi é dan ye lɛ gulidanle wo va we ma, yé ka dazi ’ka dan ye lɛ lo; we lé é bɔ ka ma, é dan di kini lɛ tɛrɛ la bɛnnu faa gi.

Bélidɔwesɛbɛ Fiézan 28:64

Gakelebale é dan ka sɔɔla lɛ bɛnnu faa suiɛ gi, é sia tɛrɛ glɛ do ma fɔɔ yé é bɔ a glɛ koɛ ma. ’Bɛna lé, ka dan bale bɛnu bɔ lɛ, balenu lé ka valé ka tranu ’ka wo dɔɔa lo, yilibalenu valé gɔlɛbalenu, woo lé.