OZÉ (Osée) 8:7 - Kazambale lé Sebe Sauunu 1979

⁷ Wo fu vɔ, amalé wo dan fɛsɛrɛfu ’lɛ plɛplɛ gyɛ lɛ; ’sanɛnɛ do kpen ’ka dan kɛlɛ lɛ wo lɛ lo; yee lé a gɔn bɔ, a pun ’ka dan kɛlɛ lɛ lo; dé a pun kɛlɛ kɔɔn, bɛnnu é dan a ble lɛ.

OZÉ (Osée) 8:7 ပူးပေါင်းရင်းမြစ်များ

Wepélisiananu 41:23

Yé ’sanɛnɛ sɔrafié lé ke é pia nya, é fou nya, ’té yirinwana fu wo kyɛ ble, wa é dɔle wonu zuo.

2 Minwiinzannu 15:19

Asiri nwiinzan blɛn Pul da ana tɛrɛ la; yé Ménaɛm gɔɔlifu talan wuru soru nɔ Pul lɛ, ’bɛ bɔle a va we gi yé alé plale munu nwiin ’é dɔ gligli.

2 Minwiinzannu 15:29

Izraɛl nwiinzan blɛn Pékas bléyi va, Asiri nwiinzan blɛn Tiglat‐Pilézɛɛ da, yé Ijɔn koo, Abɛl‐Bɛt‐Maaka koo, Janoas koo, Kédɛs koo, Asɔɔ koo, Galaad koo, Galilé koo, Néfitali lé tɛrɛ faa koo, é wo si, yé é go ana munu nya luu gi Asiri tɛrɛ la.

JOB (Job) 4:8

Dé é a maa nya, maa a ye léé, munu lé woo weple nyanama paan, ’Té we lé é ’ka tegele lo, ’té wa vɔa, wo dan a poro so lɛ;

Wegɔnévɔlenu 22:8

Mi lé éé weple vɔa éé weple gya, yé alé blifli vlewɔlɛ é dan yéli lɛ.

Bale Lé We Gifezan 5:16

’Bɛ ta loru élé tɛrɛla sɛrɛ blikyɛdɔle nya, ’té gibɔrɔ kiɛre a a ma, ’té wenaané kiɛre éé bɔa a ma, ’té we kiɛre éé ’naan a ma.

Ézai 17:11

Dé i wo suru i gɔrɔ bo wo zi, ’bɛ zuo sɛ tɔɔn a vwi bi, naa, dé i ginanabléyi bɔ a sole we ma, ’té é a é fou nya. É a gyɛ lé a lia ’ka lo, a nya.

Ézai 55:2

Mɛmalé ka gɔɔli sɛra fɛ lé é ’ka fɛblele nya lo, a maa? Mɛmalé ka nyanama paan fɛ lé é ’ka ka kaan lo, a maa? Amalé ’ka tɔné dɔ an lɛ yé ka dan fɛ zin ble lɛ, Yé fɛ lé a néné éé mi ’léli selean é ’léé, i gi é dan nana lɛ a blele ma.

Ézai 66:15

Ka yua, Gakelebale a dana kyɛ gi; alé goro a bélé barikoko zo; alé bliflile a bélé kyɛnyɛ zo; alé bon‐ɛnle?-?nu a bélé kyɛnɛnɛ zo.

Jérémi 12:13

Wo buruwɔlɛ zima vɔ féi yé wo lélinu gyɛ fɛgyɛbléyi va. Wo ’wo wɔlɛ gi nyaa wo ma é pla, ’té a tɔnɔ ’ka lo. Fɛ lé ka a gyɛ féi, Gakelebale lé bliflile blɛn zuo bɛ, Yara ’é ka gyɛ a ma ma.

Jérémi Lé Wuvɔ Sɛbɛ 5:2

Ko zara kɛlɛ bɛnnu zé nya, Kolé kɔnnu kɛlɛ munu lé, ko ’ka wo dɔɔa lo, wozé nya.

OZÉ (Osée) 2:9

É dan go lɛ é bwɛnu zuo, yé é ’ka dan a dɔ lɛ wo ma lo; é dan wo gini lɛ yé é ’ka dan wo ye lɛ lo. ’Bɛ zuo é dan a fe lɛ léé: Maa dan nɔla lɛ an zana kyɛn va an pai, ’bɛna fila vɔ an lɛ é mini bléyi ’ko lɛ.

OZÉ (Osée) 7:9

Bɛnnu alé plɛplɛ nyaa a va, yé é ’ka a gi dɔɔa lo. É kwa gyɛ yé é ’ka a gi dɔɔa lo.

OZÉ (Osée) 9:16

Maa Éfraim bla, maa kyɛ pa a ma, a suni ga; é ’ka dan é poro baa lɛ é dɛrɛ lo. Dé wo nénu yaa, yee lé a we ke wo lee, maa dan a gyɛ lɛ za ma.

Naum 1:3

Gakelebale bli ’ka flian é kele lo, yé alé plɛplɛ a blɛn; Éé we lɛdɔa mi gi kpɔ. Gakelebale éé tawoo fu plɛplɛ gi, éé tawoo barikoko gi, Latinu ɛ ke a gane ma vungoi nya.

Agajé 1:6

Ka ’sa kiɛre vɔa, ’té ka gya sɛ. Ka fɛ blé, ’té ka ’ka kaan lo. Ka ’yi minian, ’té ’yiminilɔrɔ ’ka sié ka ma lo. Sɔ a ka ta, ’té dunu ’ka sié ka ma lo. Nyanamapazan é ’é ban paan bala fɔnle gi yé é dia.

Galasi munu 6:7

Té ka kabo saan we ’ko gi lo; wo ’ka bɔa dabli kɛlɛle lɛ Kazambale lɛ lo. Mi éé fɛan vɔa, yee duo lé é dan a gyɛ lɛ é ziin.

Galasi munu 6:8

Mian éé fɛ vɔa é dɔbɛ kyɛn zé nya, é dan fɛ vɔnle ye lɛ ézé tɔnɔ nya; naa, mian éé fɛ vɔa Kazambale Léli zé nya, vole é yuɛma lé a glɛ ’ka lo, é dan a ye lɛ léli zé tɔnɔ nya.

Bélidɔwesɛbɛ Fiézan 28:33

Bɛn lé ka ’ka wo dɔɔa lo, wo dan kalé féifɛnu ble lɛ yé wo dan ka panyanama faa mafɛ ble lɛ, yé wo dan yaa lɛ ka ta yé wo dan ka zɔn lɛ yifaama.