OZÉ (Osée) 8:14 - Kazambale lé Sebe Sauunu 1979

¹⁴ Izraɛlnu gi san ’wo Kɛlɛzan ma, yé wo fuakɔnnu dɔ. Juda élé fla plɛplɛ kɛlɛ di; naa, an dan wolé flanu kyɛ vɔ lɛ, yé wolé fuakɔnnu kyɛ é dan ble lɛ.

OZÉ (Osée) 8:14 ပူးပေါင်းရင်းမြစ်များ

1 Minwiinzannu 12:31

Jéroboam yobankɔn dɔ gɔ nwiin, yé é munu si munu faa méléna yé é wo dɔ balebanzannu nya, ’té wo ’ka Lévi kululazannu nya lo.

1 Minwiinzannu 16:31

Abo nɔle Nabat be Jéroboam lé wenyané kɛlɛle lɛ a a yuɛ gi we kiéné nya, yé é Sidɔn munu nwiinzan Étabaal lu Jézabɛl si é na nya yé é go Baal bɔ lɛ, ’té éé diaan é yara a ’lɛ.

2 Minwiinzannu 18:13

Minwiinzan blɛn Ézékia plale mi nwiin lɛɛ vu ta ziɛnzan nya, Asiri nwiinzan blɛn Sansérib nwa Juda lé fla plɛplɛnu ma, yé é wo faa si

2 Minwiinmunu lé Wezuofe Sɛbɛ 26:10

É mi dɔlafɛnu dɔ bwi la, yé é ’yigurunu bo kiɛre. Alé trubɛnu a kiɛre pɛngurunu valé fɛna dégélénu na, azama; a leezannu ana, yé alé dɔrɔféipazannu ana Kamɛl gɔ valé gɔnu nwiin. Naa, féipale sɔ a lɛ.

2 Minwiinmunu lé Wezuofe Sɛbɛ 27:4

É flanu pa Juda gɔnu nwiin, yé é kɔn plɛplɛnu valé dɔatafɛnu dɔ pɔrɔ gi.

Lɛrɛvɔ Sɛbɛ 106:21

Wo Siéwegizan Bale lé É we blɛnnu kɛlɛ Éjipiti tɛrɛ la,

Lɛrɛvɔ Sɛbɛ 95:6

’Ka da, kaa dia a ’lɛ, yé kaabo kɛlɛ kiéné, Kaa zun kaa powuo ta kaa Kɛlɛzan Gakelebale ’lɛ.

Ézai 17:10

Naa, Bale lé é ka si we gi, ka gi san ’bɛ ma, i yɔɔwuogɔlɛ sele saan i gi, azama. Ka féi pa yonu zé nya, ka dɔrɔyili suru bale bɛnu lɛ.

Ézai 29:23

Naa, dé alé nénu an panyanama ye ’wo va, wo dan kana lɛ an tɔ ma, wo dan Jakɔb lé Mi Sauun kɛlɛ lɛ lɛamazan nya, yé wo dan kana lɛ Izraɛl lé Bale lee.

Ézai 42:13

Gakelebale éé goo ’é ’lɛ bélé nyanazan zo, Ébo nwa bélé gulidanzan zo; Éé dére nwaan plɛplɛ, éé siaan plɛplɛ, É élé plɛplɛ nagɔɔn‐an é nyanézannu lɛ.

Ézai 42:25

Amalé a bli fli Izraɛl ma é baba, Yé é glawe bɔ wo ma yé guli wo gyɛ, Guli wo gyɛ bɛ faa ma, yé wo ’ka a gi ’ma lɛ lo; Guli wo ble yé wo ’ka ’bɛ pa lɛ wo ’wuo gi lo.

Ézai 43:21

Munu lé maa wo tin anzé nya, Wo dan an tɔ ma gyɛ lɛ.

Ézai 9:10

Gakelebale é dan Rɛsɛn nyanézannu nwa lɛ Izraɛlnu ma, yé é dan gulidanfɛnu pa lɛ ’bɛnu lee.

Ézai 9:9

Brikikɔn zana, naa, ko dan gɔlɛ ma nyaale kɔn dɔ lɛ; wo sikomɔyilinu vɔ, naa, ko dan sɛdrɛyilinu suru lɛ wo pa gi.

Jérémi 17:27

Naa, dé maa ka béli dɔ léé, ’ka flinyi kɛlɛ yi nyané nya, té ka kɔné do kpen si a yi nya lo, té ka kɔné do kpen wɔra Jérusalɛm flinyi nya lo, naa, dé ka ’ka ka tɔné dɔ lɛ an lɛ lo, ’té maa dan kalé flagɔrɔ ’léé duolinu kyɛ vɔ lɛ, yé é dan Jérusalɛm lé fuakɔnnu kyɛ ble lɛ yé é ’ka dan diri lɛ pelo.

Jérémi 2:32

Blɛnné gi éé saan é ’lɛrɛfɛnu maa? Bosizan gi éé saan élé fɛwezan maa? Naa, anlé munu gi san an ma yi kiɛre boen nya.

Jérémi 23:27

É dɔ wo gi léé, ’wo an tɔ saan anlé munu gi, nyɛnu lé wa gi fé wo bɔlunu lɛ bɛ, wo nya, bélé fɛan zo lé wo tranu gi san an tɔ ma Baal lé we ma, a zo.

Jérémi 3:21

Munu dére a wena fɛna lorunu na, Izraɛlnu lé wuvɔdére valé wolé dunuvɔmadére lé; Naa, wo ’wolé zi sɛrɛ, Yé Gakelebale, wolé Bale sele saan wo gi.

Jérémi 5:17

É dan kalé féifɛnu valé kalé buru ble lɛ; é dan ka benu valé ka lunu kulu ga lɛ; é dan kalé ’blanu valé kalé dirinu ble lɛ; é dan kalé dɔrɔféinu valé kalé bɔrɔféinu ble lɛ; yé kalé nyanamunu lé flanu lé ka ke é pale wo ta, wo dan wo sɛrɛ lɛ tata.

Ézékiɛl 23:35

Amalé Mizan Gakelebale léma: An sele saan i gi, i an vuli i zuozia, amalé ’i ’wuo dɔ i kɛlɛwe plenu valé ilé gɔnéginile ma nyanénu wuo.

OZÉ (Osée) 13:6

Wo kan wo blefɛ nya; wo kan yé wo blii boblɛn nya, bɛwemalé an sele saan wo gi.

OZÉ (Osée) 2:13

Alé ginanawe kɛlɛle faa koo, alé fɛtinu lé we koo, alé moné dɛrɛ lé we koo, alé flinyi valé alé zénle ékeva plɛplɛnu koo, maa dan a faa yi ga lɛ.

OZÉ (Osée) 4:6

Anlé munu ’ka we dɔɔa lo, amalé wo sɛrɛ; ka sɔn vɔ wedɔɔle ma, amalé maa dan sɔn vɔ lɛ ka ma, yé maa dan balebannyanama si lɛ ka lee; i gi san ilé Bale lé bélidɔwepun ma, amalé an gi é dan san lɛ kalé nénu ma.

Amɔs 1:10

Maa dan kyɛ bi lɛ Tii gɔrɔ gi, yé é dan ana fuakɔnnu ble lɛ.

Amɔs 1:12

amalé maa dan kyɛ bi lɛ Téman tɛrɛ la yé é dan Bozra lé fuakɔnnu kyɛ ble lɛ.

Amɔs 1:14

Maa dan kyɛ bi lɛ Raba gɔrɔ gi, yé é dan alé fuakɔnnu ble lɛ, ’té gulidanmunu éé siaan gulidanyi nya, ’té barikoko éé giéan fu plɛplɛ giéyi nya.

Amɔs 1:4

Maa dan kyɛ bi lɛ Azaɛl lé kɔn gi, yé é dan Bɛn‐Adad lé fuakɔnnu kyɛ ble lɛ.

Amɔs 2:5

Maa dan kyɛ bi lɛ Juda tɛrɛ la, yé é dan fuakɔnnu kyɛ ble lɛ Jérusalɛm.

Éfez munu 2:10

Kaa a Kazambale panyanamanu nya, é kaa kɛlɛ Jézu Krist gi, we zinnu lé é wo dɔnama fe é kyɛn, kaalé wo kɛlɛle we gi.

Bélidɔwesɛbɛ Fiézan 32:18

Gɔlɛ lé é i kɛlɛ, i sɔn vɔ a ma, Yé Bale lé é i yaa, i gi san a ma.