OZÉ (Osée) 8:13 - Kazambale lé Sebe Sauunu 1979

¹³ Woo an baan wian nya bɛ, wa kɛla a wi blele we ma; Gakelebale ’ka ’bɛ ban‐ɛn blé lo. Sin wolé weple sele dɔ Gakelebale gi, yé é dan we lɛdɔ lɛ wo gi wolé wenyané ma; wo dan go lɛ Éjipiti tɛrɛ la wo pa gi.

OZÉ (Osée) 8:13 ပူးပေါင်းရင်းမြစ်များ

Fwile 20:3

Té i bale bɛnu pa an pa gi lo.

Fwile 32:34

Amalé ’i go, fɛ lé maa ana fe i lɛ, ’i go munu nya ’bɛna. I yua, anlé lanje é dan tawo lɛ i ’lɛ, naa, anlé welɛgipa yi nya, maa dan we lɛdɔ lɛ wo gi wolé wenyané ma.

Wegɔnévɔlenu 21:27

Mi naané lé saraka a bélé bo zo; yé dé é a bo é gi bɔrɔle naané nya é bli gi nii?

Ézai 1:11

Gakelebale léma: Maa mɛ ɛ kɛla kalé saraka kiɛre nyaa? An kan kalé ’blagɔnénu lé wa kyɛ blé, é valé diriné nyɔnɔnu nya. Dirigɔnénu koo, ’blanu koo, boligɔnénu koo, wo nyɛ ’ka an gi nanaan lo.

Jérémi 14:10

Ka ye, Gakelebale munu ’ko ma we fe yé é léma: Vlan burule fɛfaana sɔ wo lɛ. Wo ’ka bɔa wobo kunle lɛ yé wo nyana fɛ dona lo; amalé an ’ka bɔa kunle lɛ wo ma lo. Wolé weplenu sele dɔ sin an gi, yé an we lɛdɔa wo gi wolé wenyanénu ma.

Jérémi 6:20

Séba tɛrɛ la lasikɔrɔpo lé wa kyɛ blé koo, gyan ginzan lé éé sié tɛrɛ baa la koo, an mawe a wo gii? Winu lé ka wo kyɛ blé an lɛ, wo ’ka an gi nanaan lo, yé kalé sarakanu ’ka sɔ lɛ an lɛ pelo.

Ézékiɛl 29:16

Yé yee bɛngɔnɔ ’ko ’ka dan kɛlɛ lɛ Izraɛlnu pa a tazan nya é dɛrɛ lo; yé dé wo yara nɔla a vazia, é dan wolé weple sele dɔ lɛ wo gi, yé wo dan a gi dɔɔ lɛ léé, maa ɛ ke Mizan Gakelebale nya.

OZÉ (Osée) 11:5

Wo ’ka dan nɔla lɛ Éjipiti tɛrɛ la lo; naa, wo ’ka a nyi si lɛ léé, wo da an va lo, amalé wo nwiinzan blɛn é dan kɛlɛ lɛ Asiri mi nya.

OZÉ (Osée) 12:11

Maa we fe balelayezannu lɔlu nya; maa yuɛziwe kiɛre kiɛre gɔɔn ka lɛ, yé maa wegɔné vɔ ka lɛ balelayezannu lɔlu nya.

OZÉ (Osée) 4:9

Maa dan Balebanzannu zé kɛlɛ lɛ bélé mi planu zé zo; maa dan we lɛdɔ lɛ wo gi wolé tawobɛ yɛrama, maa dan wolé we lɛgi pa lɛ wo kɛlɛwenu yɛrama.

OZÉ (Osée) 5:6

Wo dan go lɛ Gakelebale gini lɛ, wolé ’blanu valé wolé dirinu nya wo lee, naa, wo ’ka dan a ye lɛ lo; é a é sile wo va.

OZÉ (Osée) 6:6

An lɔrɔ pale sɔ an lɛ, naa, an banle ’ka sɔa an lɛ lo; dé mi an dɔɔ, ’bɛ sɔ an lɛ é mini an banwi lé wa kyɛ blé, a ta.

OZÉ (Osée) 7:11

Éfraim a bélé tavo plawuo lé a ’wuo ’ka a ta lo, a zo. Dé é bɛ vɔ Éjipiti lɛ, gba, dé é go Asiri va, gba.

OZÉ (Osée) 7:16

Wo ’ka nɔlaan Loruzan Bale va lo. Wa dabli kɛlɛ sa nya. Wolé mi blɛnblɛnnu é dan dia lɛ gwɔun ’léé; woo dére blɛnblɛn fé, azama. We ’ko é dan wo kɛlɛ lɛ yérisiéamafɛ nya Éjipiti tɛrɛ la.

OZÉ (Osée) 7:2

É ’ka wo gi léé, wolé wenyanénu faa sele a an gi lo; wo kɛlɛwenu wo zi lɛ sɔɔ, wo faa a an ’lɛ.

OZÉ (Osée) 9:6

Ka yua, wa gona, fɛ guru zanale a gi we ma; Éjipiti é dan wo si lɛ; Mofa munu é dan mipana nɔ lɛ wo lɛ. Wolé gɔɔlifu fɛwezannu é dan kɛlɛ lɛ danan zé nya yé yoné lé plin é dan tuu lɛ wolé kɔnnu gi.

OZÉ (Osée) 9:7

We lɛdɔ mi gi yi bɔ; we lɛgi pa mi ma yi bɔ; Izraɛlnu é dan go lɛ a gi dɔɔ lɛ. Balelayezan ’wuo sɛrɛ, yé mi lé Bale éé we fé a lɔlu nya, é dan gyɛ yiblawe fe lɛ; kalé weplenu valé ka nwale mi ma a blɛn, ’bɛzama.

OZÉ (Osée) 9:9

Wa é vɔnle bélé we lé é bɔ Gibéa yi la, a zo; wolé weple sele é dan dɔ lɛ Gakelebale gi, yé é dan we lɛdɔ lɛ wo gi wolé wenyanénu ma.

Amɔs 3:2

’Kaa do kpen lé maa ka si tɛrɛ la migɔnɔnu faa va, bɛwemalé maa dan we lɛdɔ lɛ ka gi, kalé wenyanénu faa lé we ma.

Amɔs 5:22

Dé ka an ban balebanwi lé wa kyɛ blé, ’bɛ valé blɛfɛ nyaoo, é ’ka sɔa an lɛ kiéné boenwo lo; diriné nyɔnɔzannu lé ka bɔvɔ saraka bo wo nya, wo ’ka an yuɛi bɔa lo.

Amɔs 8:7

Gakelebale Jakɔb tɔbɔmazan ’nyɔɔn léé, wo kɛlɛwe do kpen ’ka dan saan lɛ ’é gi lo.

WENÉNÉ LÉ LUK A GYE (Évangile selon Luc) 12:2

Fɛ lé ke é yɔɔle yé a ta ’ka dan bɔra lɛ lo, ’bɛ fɛ ’ka lo, yé kyeengiwe lé, ’bɛ ’ka dan bɔra lɛ lo, ’bɛ ’ka lo.

1 Korent munu 11:20

Ka zénle ékeva ’ko, ’bɛ a kabo zé ɛ nya, ka ’ka a kɛlɛna Mizan lé fɛ blele we ma lo.

1 Korent munu 11:29

Aléwemalé dé mian é buru ’ko ble yé é Mizan lé kana ’ko gifɛ mini, ’té é ’ka Mizan kɔlɛ lé we gi maan lo, é we dɔ ébo nwiin.

1 Korent munu 4:5

Amalé maa léé, té ka we do kpen ble a blebléyi ’lɛ lo, fɔɔ yé Mizan ’é da. Wenu lé é ke é yɔɔle gunutinu va, yee ɛ dan wo bɔra lɛ san va. Yee ɛ dan mi bɔngiwenu bɔra lɛ munu yuɛ va. Yé munu lé wo tɔ zin fe yara lé, Kazambale é dan wo tɔ zin fe lɛ.

Bélidɔwesɛbɛ Fiézan 28:68

Gakelebale é dan go lɛ ka nya ’yitagoronu gi Éjipiti tɛrɛ la, yé zi lé é a fe léé, ka ’ka dan a ye lɛ é dɛrɛ lo, ka dan tawo lɛ ’bɛ ta. ’Bɛna lé ka dan kabo yaawo lɛ luugɔné valé luuda nya, yé ka lɔzan do kpen ’ka dan ye lɛ lo.

Wegɔɔnle 16:19

Yé fla blɛn a é pale fɛana bɛ, ana tɛrɛ fee bo yaa, yé fla blɛn Babilɔn sele dɔ Kazambale gi yé é élé bliflile baba nɔ a lɛ kana gi bélé nwɛ zo.

1 Samuɛl 15:22

Samuɛl léé: Balebanwe kyɛblele valé sarakanu bole éé sɔa Gakelebale lɛ bélé tawole Gakelebale dére ta zoo? Bé ye, lɛdɔmale fila vɔ é mini saraka bole ta, yé a dére ta tawole fila vɔ é mini ’blagɔné nyɔnɔ ta.