OZÉ (Osée) 8:1 - Kazambale lé Sebe Sauunu 1979

¹ ’Ka béli dɔ ka lɔ ma; nyanézan éé zunwo Gakelebale lé kɔn ta bélé gola zo; wo anlé gipawe sɛrɛ yé wo anlé bélidɔwe sɛrɛ, ’bɛzama.

OZÉ (Osée) 8:1 ပူးပေါင်းရင်းမြစ်များ

2 Minwiinzannu 18:27

Rabasaké a zi vɔ léé: Anzan an nwunvɔ dére ’konu fele we gi ka valé izan lɛɛ? É ’ka an nwunvɔ lɛ munu lé wo ke é nyanale flagɔrɔ ta, ’té ka valé wonu é dan wo bo ble lɛ yé ka wo wo mini, wo va loo?

Ézai 18:3

’Kaa faa lé ka ke tɛrɛ faa la, drapo lé wa dɔ gɔnu nwiin, ’ka nagini. ’Ka tɔné dɔ béli lé é ke wena, a lɛ.

Ézai 24:5

Ana munu tɛrɛ sɛrɛ, naa, wo bélidɔwenu sɛrɛ, yé wo Bale déretawenu lɛgama, gipawe lé a glɛ ’ka lo, wa sɛrɛ, azama.

Ézai 58:1

’I siaa plɛplɛ, té ibo kun lo; ’i dére nwa plɛplɛ bélé béli zo; ’i anlé munu lé weple fe ’wo lɛ, ’i Jakɔb lé munu lé wenyané fe ’wo lɛ.

Jérémi 31:32

Gipawe lé maa a kɛlɛ wo tinu va, yian nya lé maa wo kun ’wo bɛ ma wo sile Éjipiti tɛrɛ la we ma, ’té wa sɛrɛ bɛ, dɔlé ’té maa a wozan nya, é ’ka dan kɛlɛ lɛ bélé ’bɛ gipawe zo lo. Maa Gakelebale ɛ ke a fena.

Jérémi 34:18

Munu lé wo anlé gipawe sɔnné sɛrɛ, ’té dére lé ko pa do wo nya, giéle nya diriboroné bɔile fié méléna bɛ, yé wo ’ka yee déretawenu kɛlɛ lɛ lo bɛ, maa dan wo pa lɛ munu lee.

Jérémi 4:13

Ka ye, fɛsɛrɛzan a biéna bélé lafunu zo; alé gulidangoronu a bélé barikoko zo; alé wisoonu éé vlan sié é mini gola sile ta; we tɔntɔn bɔ ko ma, naa, wo ko sɛrɛ tata.

Jérémi 4:5

’Ka we lɛ kini Juda tɛrɛ la, yé ’ka a zana dɔɔ Jérusalɛm, léé: ’Ka béli fɛn tɛrɛ la, ’Ka siaa dére plɛplɛ nya léma: ’Ka zén ékeva yé kaa go nyanamunu lé fla.

Jérémi 48:40

Naa, Gakelebale léma: Ka ye, Moab nyanézan éé sié bélé gola zo, yé é bɛa soi Moab tɛrɛ ta.

Jérémi 49:22

Bé ye, é dan go lɛ bélé gola lé éé sié, a zo. É dan é bɛanu soi lɛ Bozra ta, yé ’bɛ yi nya Édom nyanazannu bli é dan kɛlɛ lɛ bélé né yaa le bli zo.

Jérémi 51:27

’Ka drapo nwa bɛn tɛrɛ la, ’ka béli fɛn bɛnnu méléna; ’ka bɛnnu ma’lɛrɛ nwale a ma we ma; Ararat munu koo, Mini munu koo, Asikénaz munu koo, ’ka wo laa, ’wo nwa wo ma. ’Ka sunyanu nwiinzannu dɔ, ’ka wo pa zia wo ma, ’ka wisoonu pa zia wo ma kiɛre bélé gangannu lé woo kana zén‐é mi gi, wo zo.

Jérémi 6:1

’Kaa Bɛnjamɛn munu, ’ka fwi Jérusalɛm. ’Ka béli fɛn Tékoa, ’ka fɛ do nwa Bɛt‐Akérɛm tɔmase nya. Naa, woo we tɔntɔn valé dunuzénmitawe blɛn yé sina yirinwana bɛbolazia.

Ézékiɛl 11:4

Amalé, ’i balelawe fe wo ma. Blami be, ’i balelawe fe.

Ézékiɛl 16:59

Naa, Mizan Gakelebale léma: Bii lé, i bale kunle ye boawe nya yé i gipawe sɛrɛ, i we kɛlɛ fɛan zo bɛ, a zo duo lé maa dan we kɛlɛ lɛ i lɛ.

Ézékiɛl 17:3

Bé fe wo lɛ léma: Mizan Gakelebale léma: Gola blɛn do lé a bɛanu ke é torole, ’té wa é soile yé a ma kyɛɛ nyɔɔ a é gyɛle fɛ nyɔɔ faa nya, é da Liban tɛrɛ la, yé é sɛdrɛyili do nwiin bɔi.

Ézékiɛl 7:14

Wo béli fɛn, we faa ma a é ’lɛrɛle. Naa, mi do kpen ’ka dan zén lɛ gulidanle va é dɛrɛ lo; naa, an wɛwɛ dɔ munu faa ma.

OZÉ (Osée) 4:6

Anlé munu ’ka we dɔɔa lo, amalé wo sɛrɛ; ka sɔn vɔ wedɔɔle ma, amalé maa dan sɔn vɔ lɛ ka ma, yé maa dan balebannyanama si lɛ ka lee; i gi san ilé Bale lé bélidɔwepun ma, amalé an gi é dan san lɛ kalé nénu ma.

OZÉ (Osée) 5:8

’Ka béli fɛn Gibéa! ’Ka béli fɛn Rama! ’Ka siaa plɛplɛ Bɛt‐Avan! Bɛnjamɛn, guli a i zuo.

OZÉ (Osée) 6:7

Wo anlé gipawe sɛrɛ bélé mi planu lé wo nya; ’bɛna lé wo yuɛi blan an ma.

OZÉ (Osée) 9:15

Wolé wenyané faa ta a é bɔrale Gilgal; ’bɛna lé wo sɛrɛ an gi. Wo kɛlɛwe an bli fli, amalé an dan so lɛ wo va anlé kɔn gi. Wo ’ka dan sɔ lɛ an lɛ é dɛrɛ lo; wo nwiinzannu faa a nwamimazannu nya.

Joɛl 2:1

’Ka béli fɛn Siɔn; A dére zuogi ’é we anlé gɔ plɛplɛ nwiin ma. Tɛrɛlamunu faa ma ’é nyɔɔn ma. Naa, Gakelebale lé yi a dana; naa, é bɔ é pu.

Joɛl 2:15

’Ka béli fɛn Siɔn; ’Ka lɔrɔsɔnle valé zén‐ékeva plɛplɛ zana dɔɔ.

Amɔs 3:6

Dé wo béli fɛn fla, kana ’ka zén‐é munu gi loo? Wenaané do bɔ fla, ’té é ’ka sié Gakelebale va loo?

Amɔs 8:3

’Bɛ yi la, fuakɔn gi lɛrɛvɔle é dan kɛlɛ lɛ dunnule nya. Wo dan migalenu kiɛre vuli lɛ fɛfaana, ’té wo ta a é dɔle tétété. Yee lé Mizan Gakelebale a fe.

Amɔs 9:1

Maa Mizan ye é dɔle balebanna ta loru. Yé é léma: ’I fɛ duun wɛyiliwuonu lɛ, fɔɔ yé kɔnpa ma é nyɔɔn, yé wo faa ’wuo ’é ’wii. Maa dan a pɔnénu gyɛ lɛ gwɔun nya za ma; wo va mi do kpen ’ka dan vɔ lɛ fli gi yé é so we lee lo; wo vazan do kpen ’ka dan so lɛ an lee lo.

Abaku 1:8

Wolé wisoonu lé vlanburule é mini kuanu zé ta, yé wo ta kelekele mini nyanadi glaunu ta. Alé wisootazannu éé giéan boblɛn saa nya; alé wisootazannu si baa, woo sié bélé gola lé é ke baana é gyɛwi ta, a zo.

Sofoni 1:16

É a yi lé woo béli fɛɛn, ’té woo siaan guli ma, fla plɛplɛnu valé flataginifɛna nwalenu ma, a yi nya.

Zakari 11:1

Liban‐oo, ’i zi nɔ munu lɛ Yé kyɛ ’é ilé sɛdrɛyilinu ble ma.

Zakari 9:14

Gakelebale é dan bɔra lɛ wo ta loru Yé alé sawɔlɛ é dan go lɛ bélé lɛɛ yuɛwuovɔle zo; Mizan Gakelebale, é dan béli fɛn lɛ, É dan bié lɛ barikoko plɛplɛ lé éé sié yirinwana bɛyilazia, a gi.

Matio 24:28

Fɛana lé fɛ gale ke, ana lé golanu é dan zén lɛ ékeva.

1 Korent munu 15:52

bléyi do nya, bélé mi yuɛlakɔnɛ gyɛle zo, béli nyaanla fɛnle nya. Dé é we, mi galenu é dan nwa lɛ kɔlɛ lé é ’ka vɔn‐o é dɛrɛ lo, a nya wo ta, yé kaa é ziin, wo dan kaa kɔlɛ tavɔɔ lɛ.

Bélidɔwesɛbɛ Fiézan 28:49

Bɛn do lé ka ’ka wo dére dɔɔa lo, ’té wo yara ke é nyané, ’té wo ’ka mi segele lɛdɔama lo, ’té wo nyanai ’ka zén‐é né ta lo, Gakelebale é dan wo si lɛ baa, tɛrɛ glɛ sina, yé wo dan zun lɛ ka ta bélé gola zo.