OZÉ (Osée) 7:7 - Kazambale lé Sebe Sauunu 1979

⁷ Wo bligiwe a bélé ’furukyɛ lé, yé éé wolé weblezannu blé; wo nwiinzan blɛnnu éé diaan; wo va mi do kpen ’ka an laan léé, an da bɔ ’é va lo.

OZÉ (Osée) 7:7 ပူးပေါင်းရင်းမြစ်များ

1 Minwiinzannu 15:28

Baésa a gyɛ Juda nwiinzan Aza lɛɛ yaazan nya yé é pla munu nwiin a pa gi.

1 Minwiinzannu 16:18

Zimri a ye aan wo léé, wo fla si, é go minwiinzan blɛn lé kɔn gi guliyɔɔkɔn gi yé é minwiinzan lé kɔn kyɛ vɔ ébo la.

1 Minwiinzannu 16:22

Omri zuomunu mini Ginat be Tibini zé ta. Tibini ga yé Omri pla munu nwiin.

2 Minwiinzannu 10:14

Jéu léé: ’Ka wo kun é yuɛma. Yé wo wo kun é yuɛma yé wo wo bɔrɔ bo mi yɔ fié wɔlɛ fié ’yiguru lé ke zén‐ékevakɔn sɔnɔ, a ma; Jéu ’ka a do kpen vo lɛ lo.

2 Minwiinzannu 10:7

Sɛbɛ bɔ wo va aan wo, wo minwiinzan benu si yé wo mi yɔ yaa wɔlɛ vu ’ko bɔrɔ bo; a zuo wo wo ’wuonu pa kyɛɛnu gi yé wo wo pa Jéu lɛ zia, Jizréɛl.

2 Minwiinzannu 15:10

Jabɛs be Salum a ma we ble, é a bla munu faa yuɛ va, yé é a gyɛ yé é ga; yé é pla munu nwiin a pa gi.

2 Minwiinzannu 15:14

Gadi be Ménaɛm si Tiisa yé é da Samari, yé é Jabɛs be Salum gyɛ Samari, yé é ga; yé é pla munu nwiin a pa gi.

2 Minwiinzannu 15:25

Alé sunyanu nwiinzan Rémalia be Pékas a ma we ble; ’bɛ a gyɛ Samari, minwiinzan blɛn lé kɔn gi, yé é Aagɔb valé Arié gyɛ ana é ziin; Galaad munu yɔ fié wɔlɛ vu a a va. ’Bɛ zo lé é Pékasia gyɛ, yé é pla munu nwiin a pa gi.

2 Minwiinzannu 15:30

Éla be Ozé é Rémalia be Pékas ma we ble, é a gyɛ yé é ga; yé é pla munu nwiin a pa gi Ozias be Jotam lé plale munu nwiin lɛɛ yɔ dozan nya.

2 Minwiinzannu 9:24

Naa, Jéu élé sa kun yé é a vuli yé é Joram gyɛ é lapo la; sawɔlɛ bɔra a zuru vazia yé Joram plin élé goro gi.

2 Minwiinzannu 9:33

Jéu léé: ’Ka a vuli tɛrɛ va. Wa vuli yé a nyɛ nwɛɛn flagɔrɔ valé wisoonu ta. Jéu a zɔn wisoo gane nya;

JOB (Job) 36:13

Naa, Bale lé zi ma wenyané fezannu wobo no bliflile lɛ, Dé Bale wo yere, wo ’ka siaan a lɛ lo;

Lɛrɛvɔ Sɛbɛ 14:4

Munu faa lé woo weple kɛla, dé wedɔɔle saan é wo wo ’wuo gii? Woo anlé munu minié, woo anlé munu sian wo blefɛ nya. Wo ’ka Gakelebale tɔ laan pelo.

Ézai 43:22

Oo Jakɔb, i ’ka an laa lɛ lo, Oo Izraɛl, an lɔrɔ nyaa i ma.

Ézai 64:4

Munu lé woo wetegele kɛla ginanale nya, ’té woo tawoo ilé zinu ta, ’té i sele a wo gi, i tawoo wo ’lɛ. Naa, ko wenyané kɛlɛ, amalé i bli fli. Ko dan vo lɛ kle blena kolé wenyané ma fɔɔ yé ko si we gi.

Ézai 64:6

Mi do ’ka ana yé ’bɛ i tɔ laan lo, mi do ’ka vuo lɛ yé é yere i ma lo; amalé i yara yɔɔ ko ma é ziin, yé i ko vo yé ko zamaga wo kolé wenyané blɛnnu ma.

Ézai 64:7

Duowo, Gakelebale, bii a ko ti nya. Ko a bélé bɔtɛrɛ zo, bii ɛ ko kɛlɛ; ko faa a i bɛ panyanama nya.

Ézai 9:13

Gakelebale é dan Izraɛl woli valé a ’wuo bɔi lɛ yé é dan yɔ valé gyan soowɔla lɛ yi do kpen nya.

Ézékiɛl 22:30

Yé an mi do nagini wo va léé, ’é gɔrɔ guru do dɔ an ’lɛ, yé é dɔ gɔrɔ buruna tɛrɛ ’ko tamunu ’lɛ, zi dɔle an lee we ma léé, té maa wo kulu ga lo. Naa, an ’ka mi do kpen ye lɛ lo.

Daniɛl 9:13

We tɔntɔn ’konu faa bɔ ko ma, we lé Moizi a gyɛ bélidɔwe nya, a yɛrama. Naa, ko ’ka zanté vɔ lɛ Gakelebale kozé Bale lɛ lo; ko ’ka sɔn vɔ lɛ kolé weplenu kɛlɛle ma lo; ko ’ka webozen ban lɛ ko tɔné nya lo.

OZÉ (Osée) 13:10

I nwiinzan blɛn a kyɛɛn? ’É i si we gi ilé fla faa ta ma. I lé yi la an lɛ léé, maa ’wo nwiinzan blɛn valé ’wo ’lɛzannu nɔ, sin, wa kyɛɛn?

OZÉ (Osée) 5:15

Maa dan go lɛ yé maa dan da lɛ an nyanana fɔɔ yé wa gi dɔɔ léé, we ’wo gyɛ, yé wo an nagini. Dé wa nyané blena, wo dan an nagini lɛ.

OZÉ (Osée) 7:10

Izraɛl lé boblɛn éé wo mawe fé; wo ’ka dan Gakelebale wolé Bale va é ziin lo. Dé maa we faa kɛlɛ wo lɛoo, wo ’ka an naginian lo.

OZÉ (Osée) 7:14

Wo bli wɔlɛ ma mi, wo ’ka an laa lɛ lo, naa, woo wuvɔa ’wo yiana. Wo bli a ’wolé ’sa valé dɔrɔ dɛrɛ yele ɛ lɛ, yé wo si an ma baa.

OZÉ (Osée) 8:4

Wo ’wo nwiinzan blɛnnu dɔ é pla, ’té maa ’ka a fe lɛ lo, yé wo ’wolé dutinu dɔ an ma trɔnné va. Wo miyilinu kɛlɛ wolé gɔɔlifu valé wolé kyan nya, bɛwemalé maa dan wo sɛrɛ lɛ tata.

Misé 2:1

Munu lé woo weple bɔrɔan ’wo bɔn‐in, ’té woo wenaané paan do ’wo yiɛna, wenaané ’é kɛlɛ wo lɛ ma. Dé tu kini tɔɔn, ’té wa kɛlɛna; wo bɛ a plɛplɛ, azama.