OZÉ (Osée) 7:16 - Kazambale lé Sebe Sauunu 1979

¹⁶ Wo ’ka nɔlaan Loruzan Bale va lo. Wa dabli kɛlɛ sa nya. Wolé mi blɛnblɛnnu é dan dia lɛ gwɔun ’léé; woo dére blɛnblɛn fé, azama. We ’ko é dan wo kɛlɛ lɛ yérisiéamafɛ nya Éjipiti tɛrɛ la.

OZÉ (Osée) 7:16 ပူးပေါင်းရင်းမြစ်များ

Lɛrɛvɔ Sɛbɛ 12:3

Woo vié woo ’wo ke lɛ, Dablidérenu a wo ’léé nuu, ’Té wo bli a fié.

Lɛrɛvɔ Sɛbɛ 12:4

Gakelebale ’é dabli lɔlu faa nyaa ma, ’Bɛ valé boblɛn lɔlu nya.

Lɛrɛvɔ Sɛbɛ 12:5

Munu lé wo ke a fena léé: Ko plɛplɛ yé ko nɛnɛ ma, Ko a lɔluzannu nya, De ɛ dan pla lɛ ko nwiin? Gakelebale ’é wo nyaa ma.

Lɛrɛvɔ Sɛbɛ 17:10

Woo ginyané kɛla munu lɛ, We blɛnblɛnnu fele a wo ’léé,

Lɛrɛvɔ Sɛbɛ 52:2

bléyian va lé Édom mi Doɛg go we zuo fe lɛ Saul lɛ, léé, David go Asimélɛk va.

Lɛrɛvɔ Sɛbɛ 57:4

É dan é bɛ soi lɛ la gi, yé é an si we gi. Yé mi lé é an sɔnɔ, é dan ’bɛzan sɔnɔ lɛ. Ka ye do. Bale é dan élé zin kɛlɛ lɛ an lɛ yarapalale nya.

Lɛrɛvɔ Sɛbɛ 73:9

Woo wenyané fé lai we ma, Wo nɛnɛ éé bɔrɔwoo tɛrɛ la boblɛn dére nya.

Lɛrɛvɔ Sɛbɛ 78:37

Wo bli ’ka é dɔle gligli alé we gi lo, Yé wo ’ka yara pa lɛ alé gipawe kɛlɛle ta lo.

Lɛrɛvɔ Sɛbɛ 78:57

Wo si Bale ma baa, wa bélé ’wo tranu zo, yé wo ’ka kɛlɛ lɛ yarapawelazannu nya lo, Wo nɔla bélé sawɔlɛ lé é zi buu, a zo.

Ézai 3:8

Jérusalɛm guru zana a gi yé Juda tɛrɛ sɛrɛ; naa, wo péli vɔ Gakelebale ma wo dére valé wo kɛlɛwenu nya, yé alé fuasan ’ka kana zén‐é wo gi lo, azama.

Jérémi 18:18

Yé wo léé: ’Ka da, kaa gi pa Jérémi ma. Bélidɔwe ’ka dan si lɛ Balebanzannu lee lo; weplale ’ka dan si lɛ wedɔɔzannu lee lo; dére ’ka dan nyaa lɛ balelayemunu ’léé lo. ’Ka da, kaa Jérémi gyɛ kaa dére nya, té kaa tɔné dɔ a dére do kpen lɛ lo.

Jérémi 3:10

Naa duowo, a buru Juda lé éé we kɛla gi la, é ’ka da lɛ an va é bli faa nya lo. É a kɛlɛ dabli nya. Maa Gakelebale ɛ ke a fena.

Jérémi 42:18

Naa, lai sunyanu lé Gakelebale, Izraɛl lé Bale léma: Fɛan zo lé an bli fli Jérusalɛm munu ma yé an wɛwɛ dɔ wo ma, a zo duo lé an wɛwɛ é dan dɔ lɛ ka ma, ’té dé ka go Éjipiti tɛrɛ la; ka dan kɛlɛ lɛ dunuzénmitazannu koo, zuru va nyɛ kinizannu koo, bale pamazannu koo, serele bomazannu koo, wo nya, yé ka ’ka dan fɛkona ye lɛ é dɛrɛ lo.

Ézékiɛl 23:32

Mizan Gakelebale léma: I dan ’yi mini lɛ i buru lé ’yiminikana gi. ’Yiminikana blɛɛn guruzan lé; É dan i kɛlɛ lɛ yérisiémazan valé wenanamazan nya; A gifɛ a di.

Ézékiɛl 36:20

Bɛntɛrɛnu lé wo go wona, wo an tɔ sauun sɛrɛ ’bɛna, ’té ana munu a fé wo ma léé: Gakelebale lé munu lé; alé tɛrɛ la lé wo si.

Daniɛl 7:25

É dan dére naanénu fe lɛ Loruzan ma; é dan kele pa lɛ Loruzan lé munu ta, yé é a a gi léé, é dan bléyinu valé bélidɔwenu nɔla lɛ, yé wo dan Loruzan lé munu pa lɛ a lee lɛɛ yaa é buu.

OZÉ (Osée) 11:5

Wo ’ka dan nɔla lɛ Éjipiti tɛrɛ la lo; naa, wo ’ka a nyi si lɛ léé, wo da an va lo, amalé wo nwiinzan blɛn é dan kɛlɛ lɛ Asiri mi nya.

OZÉ (Osée) 11:7

Saanbli a anlé munu gi, wo si an ma baa. Wa fe wo lɛ léé, ’wo Loruzan nagini, naa, wo va mi do kpen ’ka yuɛ vɔ lɛ ana lo.

OZÉ (Osée) 6:4

Éfraim, maa kɛla i lɛ kaa? Juda, maa kɛla i lɛ kaa? Kalé Bale lé zi ta tawole a bélé lolugunu zo bladi; é a bélé fli lé éé bélié é kele, a zo.

OZÉ (Osée) 7:13

Wo fwi an wuo baa, amalé wenaané ’é kɛlɛ wo lɛ. Wo yuɛi blan an ma, amalé ’wo sɛrɛ ma. É sɔ an lɛ léé, maa wo si we gi, naa, wo vié wo an ma.

OZÉ (Osée) 9:3

Ka ’ka dan vo lɛ Gakelebale lé tɛrɛ la lo, Éfraimnu wo dan go lɛ Éjipiti tɛrɛ la wo pa gi, yé wo dan ’wo sɔnné ble lɛ Asirinu va.

OZÉ (Osée) 9:4

Wo ’ka dan Gakelebale ban lɛ nwɛ nya lo, yé Gakelebale ’ka dan ’é ban‐ɛn ble lɛ lo. Wolé sarakanu é dan kɛlɛ lɛ wo lɛ bélé gyɛ la fɛblele zo. Munu faa lé wa blé, wo dan kɛlɛ lɛ naané. Wolé fɛblele é dan kɛlɛ lɛ wo saa zé nya, wo ’ka dan go lɛ a nya Gakelebale lé kɔn gi lo.

OZÉ (Osée) 9:6

Ka yua, wa gona, fɛ guru zanale a gi we ma; Éjipiti é dan wo si lɛ; Mofa munu é dan mipana nɔ lɛ wo lɛ. Wolé gɔɔlifu fɛwezannu é dan kɛlɛ lɛ danan zé nya yé yoné lé plin é dan tuu lɛ wolé kɔnnu gi.

Malasi 3:13

Gakelebale léé: Ka a dére nyané fena an ma. Yé ka léé: Ko mɛ we ɛ fe i ma dére nyané nyaa?

Malasi 3:14

Ka fé léé: Kazambale bɔle tɔnɔ ’ka lo; ko tawo bli kyɛ dɔle nya lai sunyanu lé Gakelebale lé we ma, yé ko tawo alé weplalenu yɛrama, yé mɛ fɛ lé ko ye ’bɛ maa?

Matio 12:36

Maa lé ka lɛ léé, boawe faa lé munu a fé, wo dan a zuo fe lɛ webleyi nya.

WENÉNÉ LÉ LUK A GYE (Évangile selon Luc) 8:13

Wo lé wo dia gɔlɛ ta, wa munu lé woo Bale dére maan yé wa sié gi nanale nya, wo nya; naa, wo suni ’ka goo baa lo, woo bli voo Bale dére lɛ bléyi sɛ nya, yé woo diaan mi gidanbléyi va.

SEBE LÉ JAK A GYE (Épitre de Jacques) 3:5

A zo duo lé, nɛnɛ a kɔlɛvafɛ kiéné nya, ’té ébo tɔ bɔa we blɛnblɛnnu gi. Fɛan zo lé kyɛ kiéné éé bɔa pɔrɔ blɛn kyɛblele lɛ, ka ye do.

2 Piɛri 2:8

naa, mi tegele ’ko lé é ke é nyanale wo méléna, a boen tegele a nyané blena yifaama wolé weplenu lé éé wo yé, ’té éé wo maan, wo we ma.

Wegɔɔnle 13:5

Yé wo zi nɔ wi lɛ léé, ’é dére blɛnblɛn valé Bale sɔnɔdére fe; yé wa se kɛlɛ a lɛ léé, ’é we kɛlɛ moné yɔ fié wɔlɛ fié nya.