OZÉ (Osée) 7:14 - Kazambale lé Sebe Sauunu 1979

¹⁴ Wo bli wɔlɛ ma mi, wo ’ka an laa lɛ lo, naa, woo wuvɔa ’wo yiana. Wo bli a ’wolé ’sa valé dɔrɔ dɛrɛ yele ɛ lɛ, yé wo si an ma baa.

OZÉ (Osée) 7:14 ပူးပေါင်းရင်းမြစ်များ

Fwile 32:6

’Bɛ é tu kini munu nwa bladi tutu yé wo diriné banwinu kyɛ ble yé wo bɔvɔ sarakanu bo. Munu nyana yé wo fɛ ble yé wo fɛ mini, ’bɛ zuo wo nwa yé wo vo zana gyɛna.

Ézai 29:13

Mizan léma: Dé munu ’ko bié an sɔnɔ, woo an tɔ bɔa ’wo ’léé valé ’wo lɔlu nya, naa, wo bli a é sile an ma baa, yé kana lé wa wo an lee, é a munu lé gɔnɔlawe nya é pla.

Ézai 52:5

Wo go anlé munu nya luu gi é pla, Yé sin maa dan a kɛlɛ lɛ kaa? Yaawotazannu éé siaan wo ta plɛplɛ, Woo flile siaan an tɔ ma bladi fɔɔ yé yiri é vɔ a zo.

Ézai 65:14

ka ye, an wuozannu é dan lɛrɛ vɔ lɛ wo gi nanale saa zi, naa, ’kaa, ka dan wuvɔ lɛ ka gi kyɛ dɔle we ma yé ka dan gyɛ wuvɔ lɛ ka fuu sile ka ta we ma.

Jérémi 12:2

I wo suru bélé yili zo yé wo suni wɔra; Yé wo tin, yé wo poro baa; I tɔ a wo ’léé, Naa, wo bli a é sile i ma baa.

Jérémi 3:10

Naa duowo, a buru Juda lé éé we kɛla gi la, é ’ka da lɛ an va é bli faa nya lo. É a kɛlɛ dabli nya. Maa Gakelebale ɛ ke a fena.

Jérémi Lé Wuvɔ Sɛbɛ 2:18

Woo siaan, ’té wo bli a Mizan lɛ, Siɔn munu lé flagɔrɔ, ’i kɛlɛ bélé mi lé éé wuvɔa é yiéyi valé é béli, ’té a yuɛyi éé yoroan, a zo. Té i flin lo, Té i yuɛyi é nyaa i yuɛ gi lo.

OZÉ (Osée) 13:16

Samari nwa ’élé Bale ma, amalé maa dan we lɛdɔ lɛ a gi. Wo dan ga lɛ gwɔun lee; wo dan wolé nénu wii lɛ, yé wo dan bɔnlomu bɔn fia lɛ.

OZÉ (Osée) 13:6

Wo kan wo blefɛ nya; wo kan yé wo blii boblɛn nya, bɛwemalé an sele saan wo gi.

OZÉ (Osée) 13:9

Izraɛl, wean ma lé i sɛrɛ, yee lé ke léé, maa lé an bɔa kɔɔn i va, i nwa an ma.

OZÉ (Osée) 3:1

Gakelebale lé an lɛ léé: ’I go é ziin, yé yee gɔnégini le lé a bwɛ ke, bé lɔrɔ pa; Izraɛl lé nénu lé woo goo bale bɛnu zuo, ’té woo dɔrɔporo gato kɛla ’bɛnu lɛ bɛ, fɛan zo lé Gakelebale wo lɔrɔ pa, ’i lezan lɔrɔ pa a zo.

OZÉ (Osée) 8:2

Wo dan siaa lɛ an lɛ léé: Kolé Bale, ko Izraɛlnu lo, ko i dɔɔ.

Amɔs 2:8

Woo nyanaan sɔnu lé munu a dɔ wo lɛ, wo ta, yobannanu faa sɔnɔ, yé munu lé wo wo gyɛ we nya, woo ’bɛnu lé dɔrɔnu minian wolé yokɔnnu gi,

Amɔs 8:3

’Bɛ yi la, fuakɔn gi lɛrɛvɔle é dan kɛlɛ lɛ dunnule nya. Wo dan migalenu kiɛre vuli lɛ fɛfaana, ’té wo ta a é dɔle tétété. Yee lé Mizan Gakelebale a fe.

Misé 2:11

Dé mi do vlan buru é pla, ’té éé a fé vié nya léé: Maa dan balelawe fe lɛ ka lɛ nwɛ valé dɔrɔ ’lɛ plɛplɛ lé we nya, ’bɛzan ɛ kɛla munu ’ko lé balelawefezan nya.

Zakari 7:5

Bé fe ana munu faa valé Balebanmunu lɛ léma: Dé ka lɔrɔ sɔn yé ka wuvɔ moné soruzan valé moné sɔrafiézan nya, lɛɛ yɔ yaa wɔlɛ vu wuo, ka lɔrɔ sɔn maa ɛ lɛɛ?

Rom munu 16:18

Naa, mi ’ko zoɛnu ’ka Kaazan Krist wuozannu nya monomono lo, naa, wa ’wobo bun‐an wuozannu nya, ’té woo mi tɔɔtɔɔnu bli sɛra dére nénénu valé dabli dérenu nya.

Filip munu 3:19

Wozé nyaana é dan kɛlɛ lɛ wo sanle nya; wolé Bale lé ke wo bɔn nya, yé we lé é ke yaragyɛwenu nya, a gi lé woo baama; yé tɛrɛlawenu saa ma lé woo bɔn‐in bɔrɔan.

SEBE LÉ JAK A GYE (Épitre de Jacques) 4:3

Ka fɛ laan é naané, fɛyɛlɔrɔ sile ka ma we gi, amalé ka fɛ laan yé ka ’ka a yé lo.

SEBE LÉ JAK A GYE (Épitre de Jacques) 5:1

’Kaa fuablezannu, ’ka tɔné dɔ an lɛ do. ’Ka wuvɔ, yé ’ka siaa, wenaanénu lé wo dan bɔ lɛ ka ma bɛ, wolé we ma.

Weblezannu 9:27

Wo go féi yé wo ’wolé dɔrɔporo so, yé wa ’yi boro yé wobo nɔ gi nanale lɛ; wo go ’wolé bale lé kɔn gi, wo fɛ ble yé wo fɛ mini yé wo bale pa Abimélɛk ma.