OZÉ (Osée) 7:13 - Kazambale lé Sebe Sauunu 1979

¹³ Wo fwi an wuo baa, amalé wenaané ’é kɛlɛ wo lɛ. Wo yuɛi blan an ma, amalé ’wo sɛrɛ ma. É sɔ an lɛ léé, maa wo si we gi, naa, wo vié wo an ma.

OZÉ (Osée) 7:13 ပူးပေါင်းရင်းမြစ်များ

Néémi 1:10

Wa ilé munu nya, wa i wuozannu nya, yé i wo tabo ilé plɛplɛ valé i bɛ plɛplɛ nya.

JOB (Job) 22:17

Wo lé Kazambale lɛ léé: ’I si ko ma; Plɛplɛfaazan éé mɛ fɛ kɛla ko lɛɛ?

Lɛrɛvɔ Sɛbɛ 106:10

É wo si wo zapazannu lee, Yé é wo so wo nyanézannu lee.

Ézai 30:1

Gakelebale léé: Nwamima nénu lé woo we kɛla ’wobo ’wuoi, ’té wo ’ka a laan an lee lo, yé woo gi paan munu nya do, ’té ’bɛ ’ka anlé blibɔmawe nya lo, ’té woo wenyané taa paan wenyané nya, we tɔntɔn ’é kɛlɛ wo lɛ ma.

Ézai 30:2

Woo goo Éjipiti tɛrɛ la, ’té woo ’ka zi laan an lee lo, vɔle Faraɔn zi we ma, léé, ’é kɛlɛ wo tabinzan nya, yé woo yɔɔna ginian Éjipitimunu bɛ wuo.

Ézai 31:1

Munu lé woo goo Éjipiti tɛrɛ la, bɔ ’wo vazannu gini lɛ, ’té wo pale a wisoonu ta, ’té wo bli a gulidangoronu kiɛre valé wisootazannu kiɛre lɛ yé wo yuɛ ’ka Izraɛl lé Mi Sauun lɛ lo, yé wo ’ka Gakelebale naginian lo, we tɔntɔn ’é kɛlɛ wo lɛ ma.

Ézai 41:14

Jakɔb, bii lé i ’ka vo lɛ we do nya lo, ’Kaa Izraɛl sɛné lé ka vo, ’té ka ke tɔɔtɔɔ, té ka kana lo; Gakelebale léé, é dan bɔ lɛ ka va, Izraɛl lé Mi Sauun lé ke ka siéwegizan nya.

Ézai 43:1

Jakɔb‐oo Jakɔb, Gakelebale lé é i kɛlɛ, é a wefena sin; Izraɛloo Izraɛl, mi lé é i bɔra, é léma: Maa i tabo, amalé té i kana we do kpen lee lo, Maa i laa i tɔ nya; bii a anzé nya.

Ézai 59:13

Ko kɛlɛ wegyɛzannu valé yuɛgiblanzannu nya Gakelebale va; ko sɔn vɔ kolé Bale ma; ko kɛlɛ glakɛlɛzannu valé nwamimazannu nya; viéwe péli sia ko bli gi, ’té ko a bɔrɔan ko bɔn‐in.

Ézai 63:8

Mizan léé: Weboen lé, wa anlé munu nya, wa nénu lé wo yuɛi ’ka dan blan lɛ lo, wo nya. Yé é kɛlɛ wo siéwegizan nya.

Jérémi 14:10

Ka ye, Gakelebale munu ’ko ma we fe yé é léma: Vlan burule fɛfaana sɔ wo lɛ. Wo ’ka bɔa wobo kunle lɛ yé wo nyana fɛ dona lo; amalé an ’ka bɔa kunle lɛ wo ma lo. Wolé weplenu sele dɔ sin an gi, yé an we lɛdɔa wo gi wolé wenyanénu ma.

Jérémi 42:20

Ka a gi kɛlɛna kabozen lɛ. Naa, ka an pa zia Gakelebale kalé Bale va, a fele nya léé: ’I go kolé muun nya Gakelebale kolé Bale va. We faa lé Gakelebale kolé Bale é dan a fe lɛ, bé fe ko lɛ yé ko dan a kɛlɛ lɛ.

Jérémi 51:9

É sɔ ko lɛ léé, Babilɔn ’é béli, naa, é ’ka béli lɛ lo. ’Ka vo, yé kaa faa do do kaa go kaalé tɛrɛ la. Naa, we lɛdɔle a gi kɛlɛ blɛn fɔɔ é bɔ la gi, é nwa fɔɔ yé é bɔ latinu ta.

Jérémi 7:15

Yé maa dan ka bin lɛ an ma baa, bélé fɛan zo lé Éfraim kulunu lé wo ke ka bwenu nya, maa sɔn vɔ wo ma fɛan zo, a zo. Maa Gakelebale ɛ ke a fena.

Jérémi Lé Wuvɔ Sɛbɛ 5:16

Kolé tɔkoro si ko ’wuo ma yé é dia, Wenaané kɛlɛ ko lɛ. Ko wenyané kɛlɛ, azama.

Ézékiɛl 16:23

We tɔntɔn, we tɔntɔn ’é bɔ i ma ma. Mizan Gakelebale ɛ fe. I kɛlɛwe naanénu faa zuo,

Ézékiɛl 18:2

Mɛmalé ka gɔné ’ko zo vɔa Izraɛl tɛrɛ la léé, né tinu dɔrɔporo tukuru ble, yé é wolé nénu suiɛ lɛboo?

Ézékiɛl 18:25

Ka léma: Mizan lé wekɛlɛbɛ ’ka é drɔle lo. Amalé, Izraɛlnu, ’ka tɔné dɔ. Maa ɛlé wekɛlɛbɛ ’ka é drɔle lo loo? Naa, ka‐an kalé wekɛlɛbɛ ’ka é drɔle lo loo?

Ézékiɛl 34:6

Anlé trubɛ palu vo nɔɔna gɔ faa valé gɔpanénu faa nwiin. Anlé trubɛ palu kini ékema tɛrɛ la fɛfaana. Mi do kpen ’ka é gi bɔrɔan wo ma lo; mi do kpen ’ka wo ginina lo.

OZÉ (Osée) 11:2

Dé maa wo laaoo, ’té wo yara a wo ’lɛ mi; Wo Baalnu ban Yé wo lasikɔrɔpo kyɛ ble yonu lɛ.

OZÉ (Osée) 5:7

Wo kɛlɛ gɔné bɛ ginizan nya Gakelebale wuo yé wo nénu yaa gɔrɔ la. Sin, maa dan wolé fɛ zin faa si lɛ wo lee moné do gi.

OZÉ (Osée) 7:1

Dé é sɔ an lɛ léé, an Izraɛl béli, ’té Éfraim lé weple valé Samari lé wenyané ta éé bɔraan. Naa, wo we kɛlɛ dabli nya; kyeenzan wɔra kɔn gi, yé glawe kɛlɛzannu ’wii béera fɛnu ta.

OZÉ (Osée) 7:3

Wo ’wo nwiinzan blɛn gi nana wolé wenyané kɛlɛle nya, yé wo flayuɛlɛzannu gi nana wolé viéwole nya.

OZÉ (Osée) 9:12

Dé wo ’wolé nénu pa, an dan wo si lɛ wo lee wo tinle ’lɛ; dé an si wo zi, ’té we tɔntɔn kɛlɛ wo lɛ.

OZÉ (Osée) 9:17

Wo ’ka tɔné dɔ lɛ anlé Bale lɛ lo, amalé é dan sɔn vɔ lɛ wo ma, yé wo dan kɛlɛ lɛ nɔɔzannu nya bɛnnu méléna.

Jonas 1:3

Yé Jonas nwa gole Taasis we ma, yɔɔle Gakelebale lee we gi. É go Jafo, yé é ’yitagoro do ye, ’té ’bɛ é go Taasis. É a banwo, yé é vɔ a gi, munu lé wa gona Taasis, wo va, yɔɔle Gakelebale lee we gi.

Misé 6:12

Fla ’ko ta fuanu a é fanle glawe kɛlɛle nya, a tamunu éé vié woo, yé wo nɛnɛ a dabli nɛnɛnu nya wo ’léé.

Misé 6:4

Naa, maa ka si Éjipiti tɛrɛ la, maa ka si luubale gi, yé Moizi koo, Arɔn koo, Mari koo, an wo kɛlɛ ka ’lɛzannu nya.

Matio 23:37

Jérusalɛm munuoo, Jérusalɛm munu, ka lé ka balelayemunu gya, ’té munu lé maa wo paan ka lɛ zia, ka wo gya gɔlɛ nya, gɔnɔ kiɛre nya maa a a va léé, maa ka wɔra an va, bélé fɛan zo lé mane tina élé nénu wɔraan ’é bɛa wuo, a zo, yé ka ’ka a nyi si lɛ lo.

Bélidɔwesɛbɛ Fiézan 15:15

A sele ’é dɔ ka gi léé, ka a luu nya é vinin Éjipiti tɛrɛ la yé Gakalebale, kalé Bale ka tabo; bɛwemalé maa bélidɔwe ’ko nɔ ka lɛ kyɔ.

1 Jan 1:10

Dé kaa fe léé, kaa ’ka wenyané kɛlɛ lɛ lo, ’té kaa a Bale kɛlɛna viézan nya, ’té a dére ’ka kaa gi lo.

Wegɔɔnle 8:13

Maa a nagini yé gola lé é ke sina la méléna, maa a dére plɛplɛ ’ma yé é léé: We tɔntɔn, we tɔntɔn, we tɔntɔn é dan kɛlɛ lɛ tɛrɛlamunu lɛ, béli bɛ yaa lé lanje yaa é dan a fɛn lɛ bɛ, alé we ma.