OZÉ (Osée) 7:11 - Kazambale lé Sebe Sauunu 1979

¹¹ Éfraim a bélé tavo plawuo lé a ’wuo ’ka a ta lo, a zo. Dé é bɛ vɔ Éjipiti lɛ, gba, dé é go Asiri va, gba.

OZÉ (Osée) 7:11 ပူးပေါင်းရင်းမြစ်များ

2 Minwiinzannu 15:19

Asiri nwiinzan blɛn Pul da ana tɛrɛ la; yé Ménaɛm gɔɔlifu talan wuru soru nɔ Pul lɛ, ’bɛ bɔle a va we gi yé alé plale munu nwiin ’é dɔ gligli.

2 Minwiinzannu 16:7

Akaz munu nwunvɔ Asiri nwiinzan blɛn Tiglat‐Pilézɛɛ va, a fele a lɛ we gi léé: Maa a i wuozan valé i be nya; ’i da yé ’i an si Siri nwiinzan blɛn valé Izraɛl nwiinzan blɛn lé wo nwa an ma ’ko, wo lee.

Wegɔnévɔlenu 15:32

Mi lé éé sɔn vɔa é drɔle ma, é ébozen yé boami nya, naa, mi lé éé tɔné dɔa weplale lɛ, a gi é dan kini lɛ.

Wegɔnévɔlenu 17:16

Gɔɔli kɛlɛle ’tugyɛzan lee, ’bɛ ɛ mɛ kɛlaa? Éé wedɔɔle lɔa a nyaa? Naa, é ’ka we do dɔɔa lo.

Wegɔnévɔlenu 6:32

Naa, mi lé é mi bɛ na ginian, a ’wuo a é sɛrɛle; mi lé éé we kɛla ’bɛ zo, yee ɛ ébo saan;

Jérémi 2:18

Yé sin, mɛmalé é sɔ ka lɛ léé, ka go Éjipiti tɛrɛ la Yé ka Nil yuu minii? Mɛmalé é sɔ ka lɛ léé, ka go Asiri tɛrɛ la Yé ka ’bɛna yuu minii?

Jérémi 2:36

Mɛmalé ka a ta kelekele wona kalé zi nɔlale we maa? Éjipiti munu é dan ka gyɛ lɛ yara nya bélé fɛan zo lé Asiri munu ka gyɛ yara nya, a zo.

OZÉ (Osée) 11:11

Wo dan si lɛ Éjipiti tɛrɛ la vlan nya, bélé miané sile zo; wo dan si lɛ Asiri tɛrɛ la bélé plawuo zo, yé maa dan wo nyana lɛ ’wobo lé kɔnnu gi. A zo lé Gakelebale a fe.

OZÉ (Osée) 12:1

Éfraim an zi lɛ sɔɔ viéwole nya; Izraɛl munu an zi lɛ sɔɔ dabliwe nya. Juda dɔfɛ ’ka Bale yuɛ gi lo; a dɔfɛ ’ka Yarapawelazan Sauun yuɛ gi lo.

OZÉ (Osée) 12:2

Fu a Éfraim lé fɛblele nya, yé éé goo yirinwanazia fu zuo; yi faa do do ma alé viéwole valé alé glawe kɛlɛle gi a gyɛna. Éé gi paan do Asirinu va, ’té woo goo nyɔnɔ nya Éjipitinu lɛ.

OZÉ (Osée) 14:3

Asirinu ’ka dan ko si lɛ we gi lo, ko ’ka dan vɔ lɛ wisoonu ta lo. Ko ’ka dan a fe lɛ é dɛrɛ ko bɛ panyanama lɛ léé, kolé Bale, lo. Naa, ti valé bugalazan woo nyanai zénle ’wo ta yé bii ɛ va.

OZÉ (Osée) 4:11

Bɔrɔdɛ kɛlɛle koo, nwɛ valé dɔrɔ dɛrɛ koo, wo anlé munu ’wuo sɛrɛ.

OZÉ (Osée) 4:6

Anlé munu ’ka we dɔɔa lo, amalé wo sɛrɛ; ka sɔn vɔ wedɔɔle ma, amalé maa dan sɔn vɔ lɛ ka ma, yé maa dan balebannyanama si lɛ ka lee; i gi san ilé Bale lé bélidɔwepun ma, amalé an gi é dan san lɛ kalé nénu ma.

OZÉ (Osée) 5:13

Éfraim élé wenaané tɔntɔn dɔɔ, yé Juda élé manɔn tɔntɔn dɔɔ; Éfraim go Asiri tɛrɛ la, minwiinzan blɛn Jarɛb va; naa, minwiinzan blɛn ’ko, é ’ka bɔa ka bélile lɛ lo; alé lia ’ka bɔa ka manɔnnu nyaale lɛ lo.

OZÉ (Osée) 5:4

Bɔrɔdɛ kɛlɛbli a wo gi, yé wo ’ka Gakelebale dɔɔa lo, bɛwemalé wo kɛlɛwenu wo dale Kazambale va yi ga.

OZÉ (Osée) 8:13

Woo an baan wian nya bɛ, wa kɛla a wi blele we ma; Gakelebale ’ka ’bɛ ban‐ɛn blé lo. Sin wolé weple sele dɔ Gakelebale gi, yé é dan we lɛdɔ lɛ wo gi wolé wenyané ma; wo dan go lɛ Éjipiti tɛrɛ la wo pa gi.

OZÉ (Osée) 9:3

Ka ’ka dan vo lɛ Gakelebale lé tɛrɛ la lo, Éfraimnu wo dan go lɛ Éjipiti tɛrɛ la wo pa gi, yé wo dan ’wo sɔnné ble lɛ Asirinu va.

OZÉ (Osée) 9:6

Ka yua, wa gona, fɛ guru zanale a gi we ma; Éjipiti é dan wo si lɛ; Mofa munu é dan mipana nɔ lɛ wo lɛ. Wolé gɔɔlifu fɛwezannu é dan kɛlɛ lɛ danan zé nya yé yoné lé plin é dan tuu lɛ wolé kɔnnu gi.

Abudias 1:7

Munu lé wo péli vɔ i va, wo i bin fɔɔ wo bɔ i nya ilé tɛrɛ glɛ la, I béénu dabli kɛlɛ i lɛ; wo pla i nwiin, Munu lé i fɛblele nɔ wo lɛ, wo san pla i lee, ’Té i ’ka ’bɛ gi dɔɔa lo.

Matio 10:16

Ka ye, maa ka nwunvɔ bélé ’blanu zo glaunu méléna. Amalé ka gi ’é kini bélé méné zo ma, yé ’ka vo drɔɔ bélé plala zo ma.