OZÉ (Osée) 7:1 - Kazambale lé Sebe Sauunu 1979

¹ Dé é sɔ an lɛ léé, an Izraɛl béli, ’té Éfraim lé weple valé Samari lé wenyané ta éé bɔraan. Naa, wo we kɛlɛ dabli nya; kyeenzan wɔra kɔn gi, yé glawe kɛlɛzannu ’wii béera fɛnu ta.

OZÉ (Osée) 7:1 ပူးပေါင်းရင်းမြစ်များ

Ézai 28:1

Éfraim munu, nwɛgyɛzannu lé tɔkoro nɔnɔmi, we tɔntɔn kɛlɛ i lɛ. Bɛn ’ko, a vwi lé ke a ’lɛrɛfɛ nya, ’té a ma éé yuruan bɛ, ’té é ke é plale nwɛtanzannu lé pɛnguru gi tɛrɛ nyɔnɔzan nwiin bɛ, we tɔntɔn kɛlɛ a lɛ.

Ézai 59:12

Naa, ko ilé bélidɔwenu sɛrɛ kiɛre i yuɛ va, yé kolé wenyané a ko ma wefezan nya. Ko a kolé bélidɔwe sɛrɛlenu nya do, yé ko kolé wenyané blɛn dɔɔ.

Ézai 59:13

Ko kɛlɛ wegyɛzannu valé yuɛgiblanzannu nya Gakelebale va; ko sɔn vɔ kolé Bale ma; ko kɛlɛ glakɛlɛzannu valé nwamimazannu nya; viéwe péli sia ko bli gi, ’té ko a bɔrɔan ko bɔn‐in.

Ézai 59:14

Yé vole koboma gyɛ é zuo, yé sile we gi dɔ ko ma baa; yé webozen san ko lee flavuun la, yé we drɔle ’ka bɔa biéle lɛ ko lɛ lo.

Jérémi 51:9

É sɔ ko lɛ léé, Babilɔn ’é béli, naa, é ’ka béli lɛ lo. ’Ka vo, yé kaa faa do do kaa go kaalé tɛrɛ la. Naa, we lɛdɔle a gi kɛlɛ blɛn fɔɔ é bɔ la gi, é nwa fɔɔ yé é bɔ latinu ta.

Ézékiɛl 16:46

I buru segele lé ke i bɛbola, yee lé ke Samari valé é lunu nya; yé i zuan lezan lé ke i bɛyila, Sɔdɔm valé é lunu lé.

Ézékiɛl 23:4

A vininzan tɔ lé Oola, yé a zuané tɔ lé Ooliba. Wa anzé munu nya, yé wo négɔné valé nélomu yaa. Oola lé ke Samari nya yé Ooliba lé ke Jérusalɛm nya.

Ézékiɛl 24:13

Weple a i tiridɔfɛ va. Naa, é sɔ an lɛ léé, maa i gi bɔ, yé i gi ’ka bɔ lɛ lo, amalé i gi ’ka dan bɔ lɛ i tiridɔle gi lo fɔɔ ’té an wɛwɛ dɔle lɛ sɔɔ é wo i ma.

OZÉ (Osée) 10:5

Samari munu bɔ é dan gyɛ lɛ dirinénu lé wo ke Bɛt‐Avan, wolé we ma. Munu é dan miyili gyɛ bo lɛ; a banzannu ma é dan nyɔɔn lɛ alé we ma, ’bɛ valé a tɔbɔle yi gale we ma.

OZÉ (Osée) 11:8

Éfraim, maa dan kɛlɛ lɛ ilé we ma kaa? Izraɛl, é a lé maa i pa mi bɛ lee? É a lé maa a kɛlɛ i lɛ bélé Adima zoo? É a lé maa we kɛlɛ i lɛ bélé Séboim zoo? An bli a diana an gi, An nyanai faa a zénna.

OZÉ (Osée) 12:1

Éfraim an zi lɛ sɔɔ viéwole nya; Izraɛl munu an zi lɛ sɔɔ dabliwe nya. Juda dɔfɛ ’ka Bale yuɛ gi lo; a dɔfɛ ’ka Yarapawelazan Sauun yuɛ gi lo.

OZÉ (Osée) 12:2

Fu a Éfraim lé fɛblele nya, yé éé goo yirinwanazia fu zuo; yi faa do do ma alé viéwole valé alé glawe kɛlɛle gi a gyɛna. Éé gi paan do Asirinu va, ’té woo goo nyɔnɔ nya Éjipitinu lɛ.

OZÉ (Osée) 4:17

Éfraim ébo yere miyilinu ma; ’ka vo.

OZÉ (Osée) 4:2

Bale ’nyɔɔnle vié nya koo, viéwole koo, nɔmaga wole koo, kyeenwole valé leginile koo, ’bɛ saa ɛ ke ana. Wa glawe kɛlɛna, ’té woo goo migyɛle nya é ke la mi.

OZÉ (Osée) 5:1

Balebanzannu, ’ka tɔné dɔ we ’ko lɛ. Izraɛl munu, ’ka tɔné dɔ flee. Minwiinzan blɛn ma munu, ’ka an ban ka tɔné nya. Ka ma lé weblele bɔ, ka kɛlɛ mikunsan nya Misipa, ka kɛlɛ mikunséli nya Tabɔɔ gɔ ta, ’bɛzama.

OZÉ (Osée) 6:4

Éfraim, maa kɛla i lɛ kaa? Juda, maa kɛla i lɛ kaa? Kalé Bale lé zi ta tawole a bélé lolugunu zo bladi; é a bélé fli lé éé bélié é kele, a zo.

OZÉ (Osée) 7:13

Wo fwi an wuo baa, amalé wenaané ’é kɛlɛ wo lɛ. Wo yuɛi blan an ma, amalé ’wo sɛrɛ ma. É sɔ an lɛ léé, maa wo si we gi, naa, wo vié wo an ma.

OZÉ (Osée) 8:5

Samarinu, Gakelebale sɔn vɔ kalé diriné foto ma. An bli a é flile wo ma. Wo dan wobo kɛlɛ lɛ é zima mɛ yi laa?

OZÉ (Osée) 8:9

Naa, wo go Asiri tɛrɛ la, bélé bwi gi sokofale lé é si é nyɔnɔ la, a zo; Éfraim éé blɛ kɛla é bwɛnu yele we ma.

Amɔs 3:10

Gakelebale léma: Wo ’ka wedrɔle kɛlɛle gi dɔɔa lo; fɛnu lé wa si gla valé ta plɛplɛ nya, woo wo tééan ’wolé fuakɔnnu gi.

Amɔs 3:9

Bale léma: ’Ka we zana dɔɔ fuakɔnnu gi Azdɔd tɛrɛ la, ’bɛ valé Éjipiti tɛrɛ la; ’ka fe léma: ’Ka zén ékeva Samari gɔnu nwiin, yé Samarinu bɔ éé gya fɛan zo, yé ka a ye; wa glawe kɛlɛna fɛan zo, yé ka a ye.

Amɔs 8:14

Samarinu lé wenyané lé ke ’wolé yonu nya, woo ’bɛnu ’nyɔɔn‐an yé wo léé: Dan, ilé bale tɔ gi, Bɛɛ‐Sééba zi, i tɔ gi; naa, munu faa lé wa kɛla a zo, wo dan dia lɛ yé wo ’ka dan nwa lɛ é dɛrɛ lo.

Misé 6:16

Ka a Omri kɛlɛwe kɛlɛna, yé ka a we kɛlɛna Akab lé munu kɛlɛwe yɛrama, yé ka tawoo wolé wepladére yɛrama; amalé maa dan ka pa lɛ fɛsɛrɛzannu lee; maa dan bii fla tamunu kɛlɛ lɛ yérisiémazannu nya, yé yaragyɛwe lé anlé munu a kɛlɛ, é dan bɔ lɛ wo ma.

Matio 23:37

Jérusalɛm munuoo, Jérusalɛm munu, ka lé ka balelayemunu gya, ’té munu lé maa wo paan ka lɛ zia, ka wo gya gɔlɛ nya, gɔnɔ kiɛre nya maa a a va léé, maa ka wɔra an va, bélé fɛan zo lé mane tina élé nénu wɔraan ’é bɛa wuo, a zo, yé ka ’ka a nyi si lɛ lo.

WENÉNÉ LÉ LUK A GYE (Évangile selon Luc) 13:34

Jérusalɛm munuoo, Jérusalɛm munu! Ka lé ka balelayemunu gya, ’té munu lé maa wo paan ka lɛ zia ka wo gya gɔlɛ nya, gɔnɔ kiɛre nya maa a a va léé, maa ka wɔra an va bélé fɛan zo lé mane tina é élé nénu wɔraan é bɛa wuo, a zo, yé ka ’ka a nyi si lɛ lo.

WENÉNÉ LÉ LUK A GYE (Évangile selon Luc) 19:42

yé é léé: Kyɔ yi ’ko nya, bii ’ka i vole drɔɔ zi dɔɔa lo baa? Naa, ’bɛ a é yɔɔle i ma.