OZÉ (Osée) 6:7 - Kazambale lé Sebe Sauunu 1979

⁷ Wo anlé gipawe sɛrɛ bélé mi planu lé wo nya; ’bɛna lé wo yuɛi blan an ma.

OZÉ (Osée) 6:7 ပူးပေါင်းရင်းမြစ်များ

Wepélisiananu 3:11

Yé Bale, Gakelebale léé: De ɛ i bɔn‐in kini léé, i a é porolee? Yili lé maa a poro blele yi ga i lee bɛ ’naan, bé blee?

Wepélisiananu 3:6

Lezan a ye aan wo léé, yili ’ko poro a blefɛ zima nya, yé é a nɔnɔmi mi yuɛ gi, yé é a mi bɔn‐in kinifɛ zima nya, é a poro so yé é a ble; a zana lé ’bɛ ke a va bɛ, é a ke nɔ ’bɛ lɛ yé ’bɛ a ble.

2 Minwiinzannu 17:15

Wo sɔn vɔ alé bélidɔwe koo, gipawe lé é a kɛlɛ wo tinu va koo, wenu lé é a pla wo lɛ koo, wo ma. Wo go boafɛnu zuo yé wobozen kɛlɛ boazannu nya, yé bɛnnu lé ke wo zi, wo go wo zuo, dɔlé ’té Gakelebale a yi ga wo lee léé, té ’wo wo zuo sona lo.

JOB (Job) 31:33

Maa anlé wenyané yɔɔ, mi pɔnénu lé wenyané yɔɔle zoo? Maa anlé weplenu yɔɔ an bɔn gi An kanale munu lee we maa?

Ézai 24:16

Ko munu lé lɛrɛvɔle ’ma tɛrɛ glɛ sina yé wo léé: Mi tegele tɔ ’é nwa ma. Naa, maa léé: Maa a é sanleoo, maa a é sanle! We tɔntɔn kɛlɛ an lɛ. Fɛsiéglanyazan, éé fɛ sié gla nya, fɛsiéglanyazan é ébo no élé glawe kɛlɛle lɛ.

Ézai 24:5

Ana munu tɛrɛ sɛrɛ, naa, wo bélidɔwenu sɛrɛ, yé wo Bale déretawenu lɛgama, gipawe lé a glɛ ’ka lo, wa sɛrɛ, azama.

Ézai 48:8

Ka ’ka we do kpen ’ma lɛ a gi lo, yé ka ’ka we do kpen dɔɔ lɛ a gi lo, Yé ana we do kpen ’ka go lɛ ka tɔné gi lo; Naa, maa gi dɔɔ é kyɛn léé, ka ’ka yara pa lɛ anlé we ta lo, É sia ka yaabléyi va, woo ka laama nwamimazannu

Jérémi 3:7

Yé maa léé: We ’konu faa kɛlɛle zuo, Izraɛl é dan da lɛ an va. Naa, é ’ka da lɛ lo. Yé a buru Juda lé ke gilawe kɛlɛzan nya, é ana ye.

Jérémi 31:32

Gipawe lé maa a kɛlɛ wo tinu va, yian nya lé maa wo kun ’wo bɛ ma wo sile Éjipiti tɛrɛ la we ma, ’té wa sɛrɛ bɛ, dɔlé ’té maa a wozan nya, é ’ka dan kɛlɛ lɛ bélé ’bɛ gipawe zo lo. Maa Gakelebale ɛ ke a fena.

Jérémi 34:18

Munu lé wo anlé gipawe sɔnné sɛrɛ, ’té dére lé ko pa do wo nya, giéle nya diriboroné bɔile fié méléna bɛ, yé wo ’ka yee déretawenu kɛlɛ lɛ lo bɛ, maa dan wo pa lɛ munu lee.

Jérémi 5:11

Naa, Izraɛl munu valé Juda munu ’ka plaan an wuo lo, azama. Maa Gakelebale ɛ ke a fena.

Jérémi 9:6

I nyanaan vié méléna, Vié nya lé wo sɔn vɔ an dɔɔle ma. Maa Gakelebale ɛ ke a fena.

OZÉ (Osée) 5:7

Wo kɛlɛ gɔné bɛ ginizan nya Gakelebale wuo yé wo nénu yaa gɔrɔ la. Sin, maa dan wolé fɛ zin faa si lɛ wo lee moné do gi.

OZÉ (Osée) 8:1

’Ka béli dɔ ka lɔ ma; nyanézan éé zunwo Gakelebale lé kɔn ta bélé gola zo; wo anlé gipawe sɛrɛ yé wo anlé bélidɔwe sɛrɛ, ’bɛzama.

Rom munu 5:14

É sia Adam bléyi va fɔɔ yé é bɔ Moizi bléyi va, ’té ga a mi nwiin duowo; dé munu ’ka wenyané kɛlɛ lɛ bélé Adam zé zo looo, ’té ga a mi nwiin duowo; yé Adam a mi lé é dan da lɛ bɛ, azan tɔmase nya.

Bélidɔwesɛbɛ Fiézan 31:20

Naa, an dan go lɛ munu ’konu nya tɛrɛ lé maa anbo ’nyɔɔn wo tranu lɛ léé, maa dan a nɔ lɛ wo lɛ, a ta. Tɛrɛ nyɔnɔzan lé. Wo dan fɛ ble lɛ, wo dan kan lɛ, wo dan bua lɛ. ’Bɛ zuo wo dan nɔla lɛ yé wo go bale bɛnu zuo, ’té woo wo bɔa; wo dan ’wo lɔlu plɛn lɛ an ma, yé wo dan anlé gipawe sɛrɛ lɛ;

Ébrunu 8:9

É ’ka bélé gipawe lé maa a kɛlɛ wo tranu va Yian ma lé maa zi sia wo nya Wo sile Éjipiti tɛrɛ la we gi, a zo lo. Naa, wo ’ka wo yara pa lɛ anlé gipawe kɛlɛle ta lo; Amalé maa Mizambale léé: An yara sié wo ta é ziin.