OZÉ (Osée) 6:6 - Kazambale lé Sebe Sauunu 1979

⁶ An lɔrɔ pale sɔ an lɛ, naa, an banle ’ka sɔa an lɛ lo; dé mi an dɔɔ, ’bɛ sɔ an lɛ é mini an banwi lé wa kyɛ blé, a ta.

OZÉ (Osée) 6:6 ပူးပေါင်းရင်းမြစ်များ

Minwiinzannu lé Wezuofe Sɛbɛ 28:9

Yé bii, an be Salomɔn, ’i i ti Bale dɔɔ ma, bé kun i bɛ fié nya, bélé nyanama pa i bli faa nya ma, naa, Gakelebale éé mi faa bli gi ginian fɔɔ yé é bɔ a wɔlɛ ma, yé é mibligiwe valé mi lé gibɔrɔlenu faa dɔɔ. Dé bé nagini, é dan zi nɔ lɛ i lɛ léé, i ’é ye; dé i sɔn vɔ a ma é dan sɔn vɔ lɛ i ma yifaama.

Lɛrɛvɔ Sɛbɛ 50:8

Kalé sarakanu bole ma‐an an we pla ka lɛ yara tɔntɔn nya lo; Kalé balebanwi lé wa kyɛ blé, a gini a an gi yifaama.

Wegɔnévɔlenu 21:3

We tegele valé we drɔle kɛlɛle a é sɔe Gakelebale yuɛ gi é mini saraka bole ta.

Bale Lé We Gifezan 5:1

Té i we fe é kele lo, yé té i bligiwe do fe Kazambale lɛ é kele lo; naa, Kazambale a la gi, yé bii a tɛrɛ la; amalé i dére ’é kɛlɛ sɛ.

Ézai 1:11

Gakelebale léma: Maa mɛ ɛ kɛla kalé saraka kiɛre nyaa? An kan kalé ’blagɔnénu lé wa kyɛ blé, é valé diriné nyɔnɔnu nya. Dirigɔnénu koo, ’blanu koo, boligɔnénu koo, wo nyɛ ’ka an gi nanaan lo.

Ézai 58:6

Lɔrɔsɔnle lé éé an gi nanaan, yee lé ke ’ko: Munu lé ka wo vɔ bokɔn gi é pla, ’ka wo bɔra; ’ka luubale kini munu bɔrɔ ma; munu lé ka yaan wo ta, ’ka wo vo woboma; munu lé ka kɔné blɛn dɔ wo nwiin, ’ka wo vo woboma.

Jérémi 22:16

É nyanégyɛzannu valé yalɛgyɛzannu lé we ble, Yé a gi nana. Yee lé ke an dɔɔle nya. Yee kaan loo? Maa Gakelebale ɛ ke a fena.

Jérémi 7:22

Naa, bléyian va lé maa ka tranu si Éjipiti tɛrɛ la, maa ’ka we do kpen fe lɛ wo lɛ, balebanwinu lé wa kyɛ blé, é valé balebanfɛnu lé we ma lo.

Daniɛl 4:27

Bɛwemalé, minwiinzan blɛn, anlé we plale i lɛ ’é sɔ i lɛ ma. ’I daan ilé wenyané kɛlɛle ma; ’i we tegele kɛlɛ. ’Ilé weplenu vo yé i nyanai ’é zén nyanaizénlazannu ta; dé bé kɛlɛ a zo, i dan vo lɛ zin yena.

OZÉ (Osée) 14:2

’Ka da Gakelebale va yé ’ka ka gi we fe. ’Ka fe a lɛ léma: ’I ko ma we vo kolé weple faa ma, yé ’i ko si é zima. Ko ’ka dan i ban lɛ diri nya lo, naa, ko dan i ban lɛ ko lɔlu nya.

OZÉ (Osée) 2:20

’Bɛ yi ’ko la, an dan gipawe do kɛlɛ lɛ ka valé bwigiwinu koo, lagi mianénu valé tawoplɛlawinu koo, ka méléna; sa koo, gwɔun valé gulidanle koo, maa dan wo yi ga lɛ kalé tɛrɛ la, yé maa dan ka nyana lɛ kaboma.

OZÉ (Osée) 4:1

Izraɛlnu, ’ka tɔné dɔ Gakelebale dére lɛ. Naa, Gakelebale a tɛrɛ ’ko la munu mawe fena. We zin do ’ka ana lo, nyanai zénle ’ka ana lo. Kazambale dɔɔle ’ka ana tɛrɛ ’ko la lo, ’bɛzama.

OZÉ (Osée) 8:13

Woo an baan wian nya bɛ, wa kɛla a wi blele we ma; Gakelebale ’ka ’bɛ ban‐ɛn blé lo. Sin wolé weple sele dɔ Gakelebale gi, yé é dan we lɛdɔ lɛ wo gi wolé wenyané ma; wo dan go lɛ Éjipiti tɛrɛ la wo pa gi.

Amɔs 5:21

Maa kalé fɛtinu za paan, maa nyé yélié wo ma; ka zénle ékema ’ka sɔ lɛ an lɛ lo.

Misé 6:6

An dan go lɛ Gakelebale va mɛ zantévɔfɛ nya an lee, yé an ’wuo wɔra Loruzan Bale gane wuoo? An dan go lɛ balebanwi lé wa kyɛ blé, a nya, taa, lɛɛ do dirigɔné léé?

Misé 6:8

Oo blami, we lé ke é zima, wa gɔɔn i lɛ; we lé é sɔ Gakelebale lɛ léé, bé kɛlɛ, yee lé ke léé, ’i we tegele kɛlɛ, yé nyanai zénle ’é sɔ i lɛ, yé ’i tawo bo kiéné nya ilé Bale va.

Matio 12:7

Dé é vo léé, ka we ’ko gi ’ma léé, nyanai zénle ɛ sɔa an lɛ yé saraka bole ’ka sɔa an lɛ lo, ’té ka ’ka kɔɔn we dɔa nwiinplazannu nwiin lo.

Matio 5:7

Nyanaizénmunu a bɛan ’bɛ gi bɛ, ’bɛ a é zima wozé nya, naa, Bale é dan nyanai zén lɛ wo ta.

Matio 9:13

’Ka go, yé ’ka gi bɔrɔ we ’ko ma, dé a gi lé nɔɔ? Nyanai zénle ɛ sɔa an lɛ, yé saraka bole ’ka sɔa an lɛ lo. An ’ka da lɛ mi tegelenu laa lɛ lo; an da wenyanékɛlɛmunu ɛ laa lɛ.

Maak 12:33

yé a lɔrɔ pale i bli faa koo, ilé gibɔrɔle faa koo, i boen faa koo, ilé plɛplɛ faa koo, wo nya, é valé i bɔluzan lɔrɔ pale bélé biibozen zo, a fila vɔ é mini balebanwi lé wa kyɛ blé, ’bɛ valé saraka bole faa ta.

Jozué 5:5

Munu faa ’ko lé wo si Éjipiti, wo wo gane dɔ; naa, munu faa lé wo wo yaa zia nyéné saa lé fɛna wo sile Éjipiti tɛrɛ la zuo, wo ’ka wo gane dɔ lɛ lo.

1 Jan 2:3

Dé ko Jézu lé bélidɔwenu kɛla, ’bɛna lé ko gi dɔɔ léé, ko Jézu dɔɔ.

1 Jan 3:6

Dé miomian é ke Jézu gi, é ’ka wenyané kɛla lo. Dé miomian éé wenyané kɛla, ’té ’bɛzan ’ka Jézu ye lɛ lo, yé ’té ’bɛ ’ka a dɔɔ lɛ lo.

1 Samuɛl 15:22

Samuɛl léé: Balebanwe kyɛblele valé sarakanu bole éé sɔa Gakelebale lɛ bélé tawole Gakelebale dére ta zoo? Bé ye, lɛdɔmale fila vɔ é mini saraka bole ta, yé a dére ta tawole fila vɔ é mini ’blagɔné nyɔnɔ ta.