OZÉ (Osée) 6:1 - Kazambale lé Sebe Sauunu 1979

¹ Munu léé: ’Ka da, kaa go Gakelebale va é ziin. É ko wi kini ékema, naa, é dan ko béli lɛ; é ko bla, naa, é dan fɛ vuru lɛ ko tuonanu ta.

OZÉ (Osée) 6:1 ပူးပေါင်းရင်းမြစ်များ

2 Minwiinmunu lé Wezuofe Sɛbɛ 30:6

Nwunvɔzannu go minwiinzan blɛn valé alé mi segelenu lé sɛbɛ nya wo lee Izraɛl valé Juda tɛrɛnu faa la. Yé minwiinzan blɛn dére lé é a fe, wa fe munu lɛ, léé: Izraɛl munu, Gakelebale lé ke Abraam koo, Izak koo, Izraɛl koo, wolé Bale nya, ’ka da a va ka pa gi, léé, ka lé ka so Asirinu nwiinzan blɛn lee, yé yee Bale ’é da ka va é ziin.

JOB (Job) 16:9

An nyanézan an wi kini ékema yé é an zuo bin élé bliflile zi, Éé suiɛ dɔraan é ke la an tɔ nya, Éé an naginian é yuɛ nyané nya.

JOB (Job) 22:23

Dé i da Plɛplɛfaazan va i pa gi, Dé i weple si ilé kɔn gi, i dan dɔ lɛ i dɔguru gi.

JOB (Job) 34:29

Dé é flinle nɔ mi lɛ, de ɛ dan gi bɔrɔ pa lɛ ’bɛzan maa? Dé é yara yɔɔ, de ɛ bɔa a yele lɛɛ? Dé é a bɛn do nyaoo, dé é a mi do nyaoo, éé wo faa lé we kɛla tegele

JOB (Job) 5:18

Éé manɔn vɔa mi ma, yé yee ɛ sɔ vuruan a ta; Éé mi tuoan, yé éé a nyaan é bɛ nya.

Lɛrɛvɔ Sɛbɛ 30:7

Bléyian va lé maa a anboma, maa léé: An ’ka dan saan lɛ pelo.

Lɛrɛvɔ Sɛbɛ 6:2

Gakelebale, té i we lɛdɔ an gi ilé bliflile nya lo, Té i an bla i wɛwɛ zi lo.

Lɛrɛvɔ Sɛbɛ 71:20

I kleblele valé we tɔntɔn bɔ ko ma kiɛre, Naa, bii ɛ fu vɔ ko ma é ziin, Gurunu lé wo wɔlɛ ma nyaana ’ka lo, i dan ko bɔra lɛ wo gi.

Bale Lé We Gifezan 3:3

fɛ gyɛbléyi a, yé fɛ bélibléyi a; fɛ zanabléyi a, yé fɛ dɔbléyi a;

Ézai 17:7

’Bɛ yi la, mi é dan é yuɛ vɔ lɛ é Kɛlɛzan lɛ; é dan é yuɛ vɔ lɛ Izraɛl lé Mi Sauun lɛ;

Ézai 2:3

Munu é dan go lɛ ana é bu nya é bu nya, yé wo dan a fe lɛ léé: ’Ka da, kaa go Gakelebale lé gɔ nwiin Jakɔb lé Bale lé kɔn ’léé, Yé é ’élé we paa kaa gi, Yé kaa tawo alé zinu ta. Naa, bélidɔwe é dan si lɛ Siɔn, Yé Gakelebale dére é dan si lɛ Jérusalɛm.

Ézai 30:22

Gɔɔlifu valé kyan lé ka sele kalé miyilinu ma, ka dan wo ye lɛ fɛ naané nya; ka dan wo vuli lɛ bélé bli zo, yé ka dan a fe lɛ wo lɛ léé: ’Ka si ko yuɛi mi.

Ézai 30:26

Gakelebale lé munu lé é wo tuo bɛ, dé é sɔ vuru wo tuona ta, dé é wo tuonanu nyaa, ’té moné bile é dan kɛlɛ lɛ bélé yiri bile zo, yé yiri bile taa é dan pa lɛ fɔɔ gɔnɔ sɔrafié; yi do yiri bile é dan kɛlɛ lɛ bélé yi sɔrafié zé zo.

Ézai 55:7

Mi nyané ’é si ’é kɛlɛwe zuo ma, Yé mi ple ’élé gibɔrɔle nɔla ma, ’É nɔla Gakelebale va ma, yé ’bɛ é dan nyanai zén lɛ a ta, ’É nɔla kolé Bale va ma, ’bɛ wɔlɛgi ’ka nyaan ’é ma mi ma we vole nya lo.

Jérémi 3:22

’Kaa nwamimazannu, ’ka da ka pa gi. Maa dan ka ma we vo lɛ ka yuɛgiblanle ma. Yé wa zi pa léé: Ko lo, ko da i va. Naa, i a Gakelebale kolé Bale nya.

Jérémi 30:12

Gakelebale léma: I tuo blɛn, I manɔn a tɔntɔn.

Jérémi 30:17

Naa, maa dan i béli lɛ, maa dan i manɔnnu paa lɛ, Maa Gakelebale ɛ ke a fena. Naa, Siɔn ’ko, wa laama sɔnvɔma?-?zan, Siɔn ’ko lé, mi do kpen ’ka a mawe kɛla lo, yee lé.

Jérémi 33:5

Dé wo bié gulidanle Kaldémunu va we ma, yee kɔnnu é dan fan lɛ munu lé maa dan wo gyɛ lɛ anlé bliflile valé an wɛwɛ nya, wo galenu nya, munuan maa dan an yara yɔɔ lɛ wo ma, wolé wenyanénu lé we ma, woo lé.

Jérémi 33:6

Ka ye, maa dan wo manɔn paa lɛ, maa dan wo fuu dɔ lɛ wo ta, yé maa dan wo béli lɛ, yé maa dan vole drɔɔ valé yara pale we la ’wuo nɔ lɛ wo lɛ.

Jérémi 50:4

Gakelebale léma: ’Bɛ yi ’ko la, ’bɛ bléyi ’ko va, Izraɛl munu valé Juda munu é dan da lɛ é ziin ékeva; wo dan tawo lɛ wuvɔle nya; wo dan Gakelebale, wolé Bale nagini lɛ.

Jérémi 50:5

Wo dan Siɔn lé zi ma laa lɛ, wo dan ’wo yara nɔla lɛ a vazia. ’Ka da, ’ka gi pa do Gakelebale va, gipawe lé a glɛ ’ka lo, ’té ka gi ’ka saan a ma monomono lo, a nya.

Jérémi Lé Wuvɔ Sɛbɛ 3:11

É an si anlé zi ta, é an wi kini ékema, É daan an ma, yé an vo é boa.

OZÉ (Osée) 11:10

Gakelebale é dan we lɛ bélé golizra zo, ’té woo goo a zuo; é dan we lɛ yé alé nénu é dan si lɛ yirivɔnazia vlan nya.

OZÉ (Osée) 12:6

Gakelebale a lai sunyanu lé Bale nya. A tɔ lé Gakelebale.

OZÉ (Osée) 14:1

Izraɛl, ’i da Gakelebale, ilé Bale va, naa, i dia ilé weplenu gi.

OZÉ (Osée) 14:4

Bale léé: Naa, an bli ’ka flina wo ma é dɛrɛ lo; Amalé maa dan wo yuɛgi blanle nyaa lɛ, Wo dan sɔ lɛ an lɛ boenwo.

OZÉ (Osée) 3:5

’Bɛ zuo, Izraɛlnu é dan da lɛ wo pai; wo dan maa Gakelebale ’wolé Bale nagini lɛ, ’bɛ valé ’wo nwiinzan blɛn David nya; yé dé wo Gakelebale valé alé zin ye, é dan vɔ lɛ wo ma gi drɔɔ nya; ’bɛ é dan kɛlɛ lɛ zi zuowe nya.

Lévinu 14:48

Dé Balebanzan da kɔn ma nagini lɛ é ziin, dé é a ye léé, a ma gyɛ gi ’ka gyɛ lɛ a mawole zuo lo, é dan a fe lɛ léé, kɔn vo é zima, naa, alé gyɛ si.

Sofoni 2:1

Yaragyɛlo bɛn, ’ka gi bɔrɔ. ’Ka ka bli gi gini,

Bélidɔwesɛbɛ Fiézan 32:39

Amalé, ka gi dɔɔ léé, maa ɛ ke Bale nya, Yé bale bɛ ’ka lo; Maa ɛ mi voo é yuɛma, yé maa ɛ mi gya, Maa ɛ mi tuoan, yé maa ɛ mi bélié, Yé mi do kpen ’ka bɔa mi sile lɛ an lee lo.

1 Samuɛl 2:6

Gakelebale éé fɛ gya yé éé fɛ bélié. Éé mi zunwo gamunu nyanana yé éé mi sié ana.

1 Samuɛl 7:3

Samuɛl lé Izraɛl munu faa lɛ léé: Dé ka bli faa nya lé ka da Gakelebale va é ziin, ’ka bɛnnu lé balenu valé Asataténu si ka méléna, ’ka bli drɔ Gakelebale vazia tegele yé ’ka yee do kpen ɛ bɔ; yé é dan ka si lɛ Filisitinu lee.