OZÉ (Osée) 5:9 - Kazambale lé Sebe Sauunu 1979

⁹ We lɛdɔ wo gi yi nya, Éfraim guru é dan zana lɛ a gi; we lé maa ke a fena Izraɛl bɛnnu lɛ, sɔbɛlawe lé.

OZÉ (Osée) 5:9 ပူးပေါင်းရင်းမြစ်များ

JOB (Job) 12:14

Fɛ lé é a zana a gi, wo ’ka a bɛ dɔa pelo. Mi lé é a vɔ kɔn gi, ’bɛzan ’ka dan vo lɛ éboma pelo.

Ézai 37:3

Yé wo lé a lɛ léma: Ézékia léma: Yi ’ko a nyané blɛn bleyi nya; we lɛdɔ mi gi yi valé yaragyɛyi lé; naa, né yaa bléyi bɔ, yé a yaa plɛplɛ ’ka lo.

Ézai 46:10

We lé é dan bɔ lɛ, maa a lɛ kini tɛrɛ pélisia bléyi ’lɛ, Yé we lé a lɛ ’ka tan sɔɔ lɛ lo, maa a fe faa ’lɛ. Wenu lé maa fe léé, an gi dan a ma, é dan vo lɛ ana, Yé maa dan anlé blibɔmawe faa lɛ sɔɔ lɛ.

Ézai 48:3

An we vininnu lɛ kini ana mɔn, Maa fe an ’léé yé maa wo zana dɔɔ; Maa we kɛlɛ kpé yé wo lɛ sɔɔ.

Ézai 48:5

Amalé maa we ’konu fe ka lɛ é kyɛn, Maa wo fe ka lɛ wo bɔle ’lɛ, Té ka fe léé, ’wolé miyilinu ɛ wo kɛlɛ, lo, Té ka fe léé, ’wolé miyili nyaale koo, ’wolé miyili folile koo, wo ɛ we ’konu béli dɔ, lo.

Ézai 7:16

Naa, dé né ’ko ’ka tan sɔnvɔle wenaané ma valé wezin sile a va gi dɔɔ lɛ lo, minwiinzan fiénu lé ka ke kanana wo lee bɛ, wolé tɛrɛ é dan kɛlɛ lɛ bwi nya.

OZÉ (Osée) 5:12

Maa dan kɛlɛ lɛ Éfraim lé fɛsɛrɛzan nya bélé boworo zo, maa dan kɛlɛ lɛ bélé booboo zo Juda lé kɔn ma.

OZÉ (Osée) 5:14

Maa dan kɛlɛ lɛ Éfraim munu ma bélé golizra zo; maa dan kɛlɛ lɛ Juda munu ma bélé golizrané zo; maaoo, maa! maa dan a wi kini lɛ ékema, ’bɛ zuo maa dan go lɛ; maa dan go lɛ a nya an lee, yé mi do kpen ’ka dan a si lɛ an lee lo.

OZÉ (Osée) 7:12

Dé wa gona, maa dan anlé séli nwɛɛn lɛ wo ta; maa dan wo vɔ lɛ anlé séli gi bélé lagi mianénu zo. Maa dan we lɛdɔ lɛ wo gi, bélé maa a lɛ kini wo lɛ wolé zénle ékema na fɛan zo, a zo.

OZÉ (Osée) 8:8

Izraɛl sɛrɛ tata. Wa sin bɛnnu méléna bɔ lé a vlɛ ’ka lo, a zo.

OZÉ (Osée) 9:7

We lɛdɔ mi gi yi bɔ; we lɛgi pa mi ma yi bɔ; Izraɛlnu é dan go lɛ a gi dɔɔ lɛ. Balelayezan ’wuo sɛrɛ, yé mi lé Bale éé we fé a lɔlu nya, é dan gyɛ yiblawe fe lɛ; kalé weplenu valé ka nwale mi ma a blɛn, ’bɛzama.

Amɔs 3:7

Naa, Mizan Gakelebale ’ka we kɛla é pla lo, ’té dé é ’ka tan é giwe yɔɔle ga vɔ lɛ é leezannu balelayezannu la lo.

Amɔs 7:17

Gakelebale léma: We ’ko ma lé i na é dan kɛlɛ lɛ bɔrɔdɛ le nya fla; wo dan i benu valé i lunu gyɛ lɛ gwɔun nya; wo dan ilé féi guli lɛ bale ma; naa, bii é dan ga lɛ tɛrɛ lé é ’ka tegele lo, a ta, yé wo dan go lɛ Izraɛl nya luu gi baa.

Amɔs 7:9

Maa dan Izak lé yobannanu faa sɛrɛ lɛ; maa dan Izraɛl lé yokɔnnu zana lɛ, yé maa dan nwa lɛ Jéroboam lé munu ma, gwɔun nya an lee.

Misé 6:13

Bɛwemalé maa dan ka bla lɛ kleblele nya, maa dan ’wii lɛ ka ta kalé wenyanénu lé we ma.

Zakari 1:6

Duowo, an dérenu lé maa wo pa an wuozannu balelayezannu ’léé ka tranu zé nya, wo lɛ ’ka é sɔɔle loo? Yé wo nɔla yé wo léé: We lé é dɔ lai sunyanu lé Gakelebale gi léé, é a kɛla ko lɛ kolé tawobɛ valé ko kɛlɛwenu yɛrama, é a kɛlɛ.

WENÉNÉ LE JAN A GYE (Évangile selon Jean) 16:4

Maa we ’konu fe ka lɛ léé, dé a bléyi bɔ, yé a sele ’é dɔ ka gi léé, maa wo fe ka lɛ. A pélisiana, ’té maa a ka va, bɛwemalé maa ’ka a fe lɛ ka lɛ ’bɛ bléyi va lo.